Complementarias

  O venres 20 de outubro tivemos a nosa xa tradicional Carreira Solidaria. Nesta ocasión tivemos que celebrala no pavillón por mor do inestable tempo. Como sempre os nosos rapaces dérono todo e o nivel de decibelios e esforzo alcanzou cotas nunca vistas. Vede algunhas fotos premendo no cadro luminoso.

Recaudouse 825€.

Mil grazas por seren tan solidarios!!!

Próximamente achegaremos o diploma e o extracto do ingreso.

No último día do curso, dedicámoslle a tarde aos nosos alumn@s de Ed. Infantil que pasaban para 1º de Primaria e os de 6º que deixaban o cole e marchaban para 1º de ESO.

Foi un acto moi emotivo.

Dada a aceptación por parte do alumnado polo Brilé, dende o equipo directivo, se organizou un torneo para tod@s @s alumn@s que quixeran participar. Realizaronse equipos mixtos e intercurso para que sexa máis divertido e coeducativo. O torneo baseouse nuns cuartos de final onde cada equipo xogaba 3 partidos para a súa clasificación final. Finalmente tivemos a entrega de premios onde tod@s @s participantes tiveron o seu obsequio. Premede no cartel do torneo para ver as imaxes.

  Si, si, si! Por fin chegaron as vacacións de Semana Santa. Necesitabamos un bo respiro despois de tanto traballo e tantos exames seguidos.

  E nada mellor que o venres 31 de marzo, último día de clase  deste trimestre, poñernos a todo o cole buscando os ovos de Pascua no pavillón (ovos previamente feitos e adornados polos nenos).

  Premede na imaxe e vede o ben que o pasamos tentando atopar o noso ovo!

Informamos de que fomos seleccionados dentro da convocatoria de actividades complementarias deste curso 22/23 para o Proxecto Terra. Este proxecto é o resultado da renovación do convenio de colaboración entre o Colexio Oficial de Arquitectos de Galicia e a Consellería de Medio Ambiente, Territorio e Vivenda, coa Axencia de Protección da Legalidade Urbanística.

 Como parte do mesmo, ademais dunha unidade didáctica levada a cabo polo profesorado de 5º e 6º de Primaria, contamos cunha viaxe a Allariz de 2 días o 27 e 28 de abril onde se realizarán diversas accións formativas.

 O único importe que teñen que asumir as familias será o custe do transporte e a merenda da mañá e xantar do primeiro día (a idea sería traelo da casa).

As actividades, aloxamento, comida e resto de aspectos básicos serán gratuítos.

Nos vindeiros días enviaremos ás familias a autorización para logo poder calcular o importe do bus co alumnado que vaia a asistir.

O alumnado irá acompañado durante toda a viaxe por dous mestres/as.

O plan detallado dos 2 días e o tipo de roupa a levar tendelo nos ficheiros anexos.

Premede na imaxe para ver un vídeo antigo sobre Allariz e algunha das actividades.

  Como todos sabedes o día 8 de marzo celebrouse o Día da Muller. No colexio unímonos a esta festividade con diversas actividades que desenvolvimos durante toda a semana. Ese día tivemos a agradable visita de Ana Sánchez, unha famosa endocrinóloga e antiga estudante no cole do Mesón que lles veu dar unha charla aos nosos rapaces. Para ver as primeiras fotos (haberá máis) premede na imaxe.

  Si, si, si! O ENTROIDO xa está aquí. O venres 17 foi o noso día grande despois de toda unha semana de diversión. Ese día fixemos o noso gran desfile pola vila do Mesón acompañados dos que quixeron vir. Foi toda unha auténtica peregrinación. Para ver fotos premede na imaxe.

O día 30 de xaneiro celebramos o Día da PAZ no cole. Todos os cursos elaboramos caligramas e escribimos poemas sobre esta conmemoración. Preme na imaxe e verás algunha foto! Agardamos que vos guste!

 O venres 27 de xaneiro viñeron ao noso cole Javi e Isa, ambos os dous membros de FAXPG, que é a asociación das persoas xordas. Isa non pode oír e Javi si, pero coñecen a linguaxe de signos. Viñeron explicarlles aos nosos rapaces como é o día a día dunha persoa con esta discapacidade. Logo déronnos esta presentación sobre o tema. Preme na imaxe para ver as fotos.

Queremos comunicarvos que a partir do próximo luns día 16 de xaneiro, na etapa de Educación Primaria levaremos a cabo o calendario de merendas que se estableceu en Educación Infantil a principio de curso, querendo así contribuír á consecución duns hábitos de vida saudables e á erradicación de problemas que derivan de compartir alimentos de todo tipo durante o tempo do recreo, sobre todo naqueles nenos e nenas que teñen alerxias e/ou intolerancias.

Por elo, tomouse a decisión de que todo o alumnado merendará nas aulas antes de saír ao patio, tentando na medida do posible, seguir o calendario de merendas establecido.

O alumnado que non queira merendar (ou que xa non merendaba habitualmente no recreo), non ten a obriga de traer merenda.

Tamén podedes descargar e imprimir a versión adxunta en pdf que podedes ver aquí abaixo.