![](https://lh3.googleusercontent.com/pw/AJFCJaWFoBHy0HsEki5nZBLqxc30FFYF3XU6mcWe2SAChAsqJKHJhi06sWvOeLICyk1HBw1QjMT--jI69_6EMipxdThlMEA31xrYi6-oj-NDufWiZjl1JUXggG9hZPUpxRopwYMD6D86I0Gto7ugjbLdAWws=w1000-h332-s-no?authuser=1)
A implantación da “Hora de ler”, e unha actividade diaria que realizamos todos os días entre as 12:00 e as 12:20 horas. O obxectivo desta iniciativa é fomentar o amor pola lectura e desenvolver no alumnado as competencias literarias.
A "Hora de ler" foi unha actividade estruturada na que o alumnado tiña un tempo dedicado exclusivamente á lectura. Neste período promoveuse a lectura autónoma e achegáronse diversos materiais de lectura adecuados á idade e ao nivel do alumnado xa que este, nun principio, era moi heteroxéneo.
Obxectivos:
- Fomentar o gusto pola lectura dende pequenos.
- Desenvolver habilidades de lectura independente no alumnado.
- Mellorar a comprensión lectora e o vocabulario.
- Estimular a imaxinación e a creatividade mediante a lectura.
Metodoloxía:
- Selección de materiais de lectura: Proporcionáronse libros, revistas, contos e outros recursos axeitados para o alumnado de primeiro.
- Espazo de lectura: Creouse un recanto de lectura na aula, cun ambiente acolledor e cómodo, para que o alumnado se sentise cómodo na lectura.
- Fomento da lectura autónoma: animouse ao alumnado a escoller os libros que máis lles interesaba e a ler de forma autónoma durante a actividade.
- Participación do profesorado: O profesor estivo presente durante a actividade para ofrecer orientación e apoio individualizado ao alumnado, así como para fomentar o debate e o intercambio de ideas sobre os libros lidos.
- Outras actividades realizadas:
![](https://lh3.googleusercontent.com/pw/AMWts8B94a4upxHdcweI0aTkYDaG0Liqx8oPvlbIH3Bqo6SdHRFtJb3eZSoXHCqpxMVqjVFEiESJfzAoiZdCK4u4dfbHWNKrVsIWtnPsuL2xYJUYDKxP4IgBTvz2q9Uw0EVSdF_j878Jxq8CR6RusK6n8XfHFQ=w1000-h332-no?authuser=1)
![](https://lh3.googleusercontent.com/pw/AJFCJaVxN944lBe5lEjmkZBFNWUYgaxul2xJ6tc3-vmmN7vY98NUJwMRfk3GuXj-rrKkmiECyMnpZROxEICsm_rhdlO4UgnmswsHUDKTmqxJnAP68BNAL0fBYtTnzDSjoPIzv0nx9zAmEX77hvxP937UIjr0=w1000-h332-s-no?authuser=0)
![](https://lh3.googleusercontent.com/pw/AJFCJaWQRcB3McFNYY_QVPQ428qDnAZeqIe4OgSs976WsIskjkJWrp6UeWJDKfPA4BIuhA3Jckv30dzHh2GuDpLgIsfNY5wd8eLeuYnpsdIOUuE0W20BWAavHgPEO1POUCWAYzuLHyyuE2x_SNTyt09fXTHZ=w1000-h332-s-no?authuser=1)
![](https://lh3.googleusercontent.com/pw/AJFCJaUDQlS-Coqr91Z25HPpMYQBylNoFT0wdgc1gOMLScakBv9VfNimoLGa3JIi5wUfHSoFkLqMAc_z0oe9EURRbfqkLrIzn3Tpn05IXRdSESy4sDqC--vkKqHjM6yExFR7xwBNe5QfACGiAhVufQQDls-6=w1000-h332-s-no?authuser=1)
![](https://lh3.googleusercontent.com/pw/AJFCJaXgONDp2JezYioRcERwQsSW3uzOe9I0esVqOOOwyWbg2tsvy0W86lnKkxfGivTp7yAGoEOWSnkwmUJhYEBIEoL--5EuVnZr91I0t4V7AxN1_2-7RWhXrqDkg21PoYJpIDSQfvZ2pLDTYzFtEXv259Sb=w1000-h332-s-no?authuser=1)
Resultados:
- Aumento do interese pola lectura: o alumnado mostrou un maior entusiasmo pola lectura ao longo do curso, manifestando interese pola selección de libros e compartindo as súas experiencias cos seus compañeiros e compañeiras.
- Mellora da comprensión lectora: Observáronse importantes avances nas habilidades de comprensión lectora do alumnado, así como na súa capacidade para extraer información relevante dos textos.
- Ampliación do vocabulario: o alumnado incorporou novas palabras e expresións ao seu vocabulario mediante a lectura regular.
- Estimulación da imaxinación e da creatividade: a lectura de diversos xéneros literarios permitiu ao alumnado desenvolver a súa imaxinación e creatividade, así como explorar diferentes mundos e realidades.
Conclusións:
“A hora de ler” resultou ser unha actividade exitosa para fomentar o amor pola lectura e desenvolver as competencias literarias no alumnado de primeiro de educación primaria. O aumento do interese pola lectura, a mellora da comprensión lectora e a ampliación do vocabulario evidenciaron os beneficios desta iniciativa.
Recoméndase seguir fomentando a lectura como práctica habitual na aula, xa que contribúe ao desenvolvemento integral do alumnado e ao enriquecemento da súa formación cultural e lingüística.