(Información sacada do artigo "Suspenso en inglés" do xornal El País).
Comparto con vos este interesante artigo acerca da aprendizaxe das linguas estranxeiras. Enumero a continuación algúns datos mencionados en dito escrito pero é aconsellable lelo todo.
Segundo o artigo 88% dos europeos cree que falar idiomas é moi útil e que este feito será práctico para o futuro dos seus fillos. Sen embargo só o 42% dos adolescentes de 14 países europeos teñen competencia suficiente nunha lingua estranxeira e o 25% en dúas. Os españois teñen aínda máis dificultades. Só un 27% dos estudantes do último curso da ESO manexa o inglés e esta porcentaxe se reduce aínda máis se nos referimos ás destrezas orais.
De acordo co estudo, do cal se fala no artigo, son varios os factores que repercuten no baixo nivel do alumnado. Resumimos aquí algúns:
- O pouco dominio do inglés que teñen os pais e as nais.
- O feito de que o español sexa unha lingua dunha enorme potencia internacional.
- O contexto socioeconómico e cultural.
- Uso dunha metodoloxía cun enfoque tradicional nas escolas. A raíz disto, o profesor da Universidade da Laguna, Plácido Bazo, afirma que a escola debe artellar "contextos de aprendizaxe no contexto familiar e comunitario".
- Falta de competencia lingüística do propio profesorado.
- O elevado número de alumnos e alumnas por aula, que afecta sobre todo ó desenvolvemento das destrezas orais.
A continuación cito as palabras de Esther Martínez e Alfonso Lorenzo da Universidade de Santiago de Compostela: "Quen non comprende ou comprende pouco, non fala ou fala moi pouco. A crenza extendida de que os idiomas se aprenden na escola ou en centros especializados grazas a unha boa disciplina de estudo non ten unha correspondenza empírica suficiente." Eles suxiren que se aumente o contacto co inglés a través dos medios de comunicación.
Podedes ler o artigo na súa totalidade aquí.