Comedor escolar

Aviso: Modelo de Autodeclaración. Anexo II. Presentación en horario de Secretaría, de xeito presencial, por organización dos trámites pertinentes.

Comunicación da Resolución:

A día 1 de decembro resólvese a modificación de prazas do CEIP de Galán, cun incremento de 49 prazas que se adxudicarán por orde da lista definitiva de reservas de alumnado.

Avaliaranse e baremaranse as solicitudes de fóra de prazo.

Aclaración: Acceso ao servizo por parte do alumnado escolarizado en centros que non lle corresponda por zona de influencia. ( Instrución )

O alumnado escolarizado en centro distinto ao que lle corresponda segundo a distribución das áreas de influencia establecidas polos titulares das Xefaturas Territoriais da Consellería, como consecuencia de decisións de índole familiar ou persoal, non terá dereito ao comedor escolar.
Porén, terán dereito ao servizo as irmás e irmáns do alumnado xa escolarizado con carácter forzoso no centro.
Excepcionalmente, sempre que existan no comedor escolar prazas libres dotadas
economicamente e as condicións existentes de instalacións, a Secretaría Xeral Técnica da Consellería poderá autorizar para cada curso escolar a incorporación de alumnos escolarizados fóra de área.
As citadas autorizacións concederanse en precario e serán revogables se cambian as circunstancias que as xustifican ou se é preciso asignar as prazas a outro alumnado cun dereito preferente.

Segundo establece a disposición adicional primeira do Decreto 132/2013, estes autorizados excepcionais, con independencia das súas circunstancias persoais e de renda familiar, terán que aboar, en concepto de prezo público a cantidade de 4,50 € por día de servizo.

Ante o inicio do servizo de comedor, cómpre ter moi en conta, según a Instrución 3/2023 da Secretaría Xeral Técnica da Consellería de Cultura, Educación, Formación Profesional e Universidades, o que a continuación se detalla:

1. Os usuarios ou usuarias deberán comunicar obrigatoriamente ao centro os días nos que non vaian facer uso do comedor cunha antelación mínima das 9.45 h de cada día se queren que eses días nos sexan tidos en consideración nos pagamentos.  

Enviar ao correo ceip.galan@edu.xunta.gal

2. Os usuarios ou usuarias do servizo de comedor escolar que en tres ocasións non comuniquen a súa ausencia, antes das 9.45 horas do día que deba ter efecto, serán suspendidos ao dereito ao uso do servizo de comedor durante 10 días

3. Os usuarios ou usuarias do servizo de comedor escolar que durante o prazo dun mes de xeito continuado non fagan uso do citado servizo coa frecuencia solicitada, causarán automaticamente baixa no servizo, agás causas debidamente xustificadas  ante a dirección do centro educativo.

4. Os incumprimentos no pagamento dos prezos de cada mes impedirán a utilización ao mes seguinte do comedor escolar, mentres non se proceda á oportuna regularización dos pagamentos, para a cal contarase cun prazo máximo de 2 meses. ( Alumnado que ten que aboar o servizo).

Outros aspectos:

- Empresa: Jardanay

- Os menús serán enviados trimestralmente desde o centro.

- As familias recolleredes aos vosos fillos e fillas no hall da entrada todos os días.

- A saída será ás 15.20 e 15.50 horas, rógase puntualidade nestes horarios por organización do servizo.

- Dos pagos do servizo de comedor informarase en breve.