Equipo de Convivencia

O equipo de convivencia está integrado por tódolos muestres do centro.

ENQUISA SOBRE O CLIMA DE CONVIVENCIA

Mar, 11/17/2015 - 10:28 — Anónimo

O pasado venres día 13 de novembro repartiuse unha carta cunha clave a cada familia para respostar a unha enquisa totalmente anónima sobre a convivencia no noso centro.

Pódese acceder á enquisa a través do ordenador ou desde calquera dispositivo móbil con conexión a internet.

Lembrade que cando escribades o enderezo hai que poñer "https" (se non se pon o "s" non vai, pois o que indica é que a conexión está encriptada)

Agradecemos a vosa colaboración e participación nesta recollida de datos que axudará a elaborar un instrumento de diagnose inicial que permita identificar os puntos fortes e febles na xestión da convivencia e na resolución de conflitos a nivel de toda Galicia.

http://www.edu.xunta.es/portal/Educonvives.gal

42 lecturas

DÍA INTERNACIONAL CONTRA A VIOLENCIA DE XÉNERO

Xov, 11/12/2015 - 02:21 — Anónimo

Seguindo co noso proxecto interdisciplinar "As conmemoracións e os seus valores", ao longo deste mes de novembro traballaremos o "Día Internacional contra a Violencia de Xénero" (25 de novembro).

Como xa foron informados, pretendemos achegar estar datas ao noso contorno máis próximo e concienciarnos da necesidade de erradicar esta lacra social, que tanto dano causa día tras día, ano tras ano.

Gustariamos contar coa súa participación e colaboración, para que entre a familia e o profesorado podamos contribuír a potenciar comportamentos que permitan a convivencia en igualdade de mulleres e homes, para que as nosas nenas e nenos poidan relacionarse mantendo unha actitude de respecto mutuo.

Grazas e un saúdo

Equipo de Convivencia do CEIP Fontes Baíña