Skip to Content

Complementarias

Roteiro da Ostra

Mar, 09/04/2024 - 16:18 — admin

Tódolos anos a OMIX do Concello de Soutomaior traballa para deseñar unhas actividades o máis atractivas posibles, para que complementen as relacionadas coas que diariamente se realizan no instituto. Aquelas que están máis relacionadas coa ciencia, están enmarcadas dentro do programa de Divulgaciencia.

O mércores 3 de abril, recén chegados da Semana Santa, o alumnado de 1º da ESO puido disfrutar dunha caminata ata o peirao de Arcade, onde fixeron unha serie de actividades relacionadas coa flora e fauna da zona e de como preservar o noso ecosistema. Debido á proximidade dunha das festas máis queridas de Arcade, a temática dos contidos xiraron ao redor do noso bivalvo favorito; a ostra.

               

Ao día seguinte, as organizadoras da actividade viñeron ao IES de Soutomaior a completar a exposición dos contidos xa nas aulas e coa axuda dos medios audiovisuais cos que contamos.

                  

Coma tódolos anos, agradecer todo o traballo da OMIX pola coordinación e polos resultados acadados e tamén ao Departamento de Bioloxía e Xeoloxía por volcarse neste tipo de actividades tan interesantes para o alumnado.

Pódense ver o resto das imaxes colgadas na galería na seguinte ligazón

Plan director no IES de Soutomaior

Mar, 09/04/2024 - 15:50 — admin

Dentro dos plans de prevención de futuros problemas que poden ter os estudantes, e que se imparten no centro, está o Plan Director.

Este plan é froito da colaboración do instituto e da Garda Civil do Concello e consiste nunha serie de charlas nos diferente cursos da ESO. Estas tiveron lugar o 18 e 20 de marzo con 1º, 2º e 3º da ESO e o 3 de abril con 4º da ESO.

Este ano a temática tratada foi a ciberseguridade e o ciberacoso, temas moi sensibles, xa que o alumnado ten acceso a moitos potenciais problemas por medio do móbil e sen sair das súas habitacións. O corpo da Garda Civil é clave nesta actuación pois ten moita experiencia con delitos, faltas e imprudencias cometidas pola poboación e puideron amosar aos rapaces as posibles consecuencias dun mal uso das redes.

Dende o centro queremos agradecer a visita e o xeito tan ameno de impartir as charlas.

 

Charlas da USC no IES de Soutomaior

Xov, 04/04/2024 - 12:47 — admin

O 19 de marzo, tivemos varias actividades programadas no IES enfocadas ao alunado de Bacharelato.

Na primeira, o alumnado de 1º de Bacharelato de ciencias e economía, asistiu á ponencia do profesor Manuel Ramiro Rodríguez Rodríguez "A gandería na encrucillada: produción de alimentos, benestar animal e cambio climático".

Nela os estudantes puideron coñecer as características económicas, repercusións medioambientáis e tipos de gandería no noso país. Tamén se defendeu con datos contrastados de moitos bulos e información esaxerada que verten os medios sobre o sector.

 

Por outra banda, o alumnado de 2º de Bacharelato recibiu información das saídas do mundo audiovisual da man de  Fernando Carrera. Persoa con ampla experiencia no munco dos documentais, curtametraxes e publicidade.

Coma sempre, dende o centro queremos agradecer aos poñentes por térense achegado a compartir a súa experiencia co noso alumnado.

Apertura de Divulgaciencia

Ven, 01/03/2024 - 13:55 — admin

O 16 de Febreiro a OMIX do concello de Soutomaior organizou xunto coa Vicedirección do IES de Soutomaior unha actividade que supón o punto de partida do programa de Divulgaciencia deste ano 2024.

Todo o alumnado de 3º da ESO acudiu ao Multiusos de Arcade onde puderon participar nunha charla-actuación versada sobre a adolescencia e as súas características. O alumnado pudo interactuar coas poñentes da mesma, facendo a actividade moi amena e puidendo así conectar moito coa temática.

Para finalizar, o alumnado dividiuse en grupos para participar en obradoiros nos que puideron demostrar o aprendido na xornada.

 O IES de Soutomaior quere agradecer á OMIX o seu esforzo organizando unha actividade tan orixinal e atractiva.

Talentos Inclusivos no IES de Soutomaior

Ven, 01/03/2024 - 13:42 — admin
O 21 de Febreiro parte do alumnado de 4º da ESO e 1º de bacharelato recibiu aos usuarios de  APAMP (Asociación de familias  de personas con parálise cerebral)  de Vigo, que viñeron ao noso centro para realizar unha xornada de sensibilización e para dar a coñecer a parálisise cerebral.
 
Nesta ocasión, Adrián, Laura Maquieira Almeira, Sandra Ballesteros e Reyes Rey, deron a coñecer aos alumnos da ESO o seu día a día e outros temas de interese como: a comunicación alternativa, as adaptacións, o ocio ou o deporte adaptado entre outros.
 
A charla enmarcase dentro do proxecto "Talentos Inclusivos". A participación do alumnado en Talentos Inclusivos vai contribuir á mellora das súas competencias no ámbito da ciencia e da tecnoloxía, mentres que fomenta a súa participación activa na sociedade e, en especial, co colectivo de persoas con parálise cerebral.
 
Dende o centro agradecemos o esforzo feito pola asociación por achegarse e tamén ao Departamento de Tecnoloxía por facer posible este encontro.
 
 
 

 

Celebración do Entroido 24

Mar, 20/02/2024 - 17:15 — admin

O venres 9 de febreiro, para celebrar unha festa tan típica da nosa terra, o IES de Soutomaior celebrou un concurso de comparsas na que participaron case tódos os grupos do noso centro.

Coa cordinación dos titores e a axuda dos profes máis comprometidos con esta festa, cada clase escolleu unha comparsa relacionada cunha película ou serie do seu gusto. A rapazada preparou unha actuación consistente nunha coreografía cunha canción escollida por eles de fondo.

Despois de tódalas postas en escea, incluida a dos profesores, procedeuse á entrega de premios.

Queremos agradecer a implicación de todo o profesorado e o interese do alumnado. As comparsas este ano foron xeniais.

             

O Xurado decidindo os gañadores                                                                  Os gañadores deste ano. Noraboa!!


Todas as fotos do entroido pódense consultar na seguinte ligazón

Tódalas fotos das comparsas pódense consultar na seguinte ligazón

Charlas "Plan Director" sobre ciberseguridade

18/03/2024 09:05
20/03/2024 12:55

A Garda Civil dará unhas charlas no centro, dentro do programa Plan Director, ao alumnado de 1º, 2º e 3º da ESO, centradas na ciberseguridade.

 

Luns 18 de marzo en 1º da ESO 

  • 1ª hora: 1º ESO A e 1º ESO B
  • 2ª hora: 1º ESO C e 1º ESO D


Mércores 20 de marzo en 2º e 3º da ESO

  • 3ª hora: 2º ESO
  • 4ª hora: 3º ESO

 

Magosto no IES de Soutomaior

Mér, 15/11/2023 - 12:18 — admin

Un ano máis, o IES de Soutomaior parou as clases para que na tarde do 7 de novembro tivera lugar unha das celebracións máis entrañables da nosa cultura.

Por fortuna o tempo foi clemente con nós e parou de chover polo que puidemos desenvolver as actividades que tiñamos programadas.

             

Para comezar, as alumnas de 2º da ESO Olalla Lomba Otero e Giana Valadares Hernandez interpretaron varias cancións tradicionais.

As dúas artistas demostraron un gran poderío no escenario deixándo ao público abraiado pola súa interpretación.

Quedamos tan encantados que esperamos poder volver a disfrutar da súa música.
    

Despois do concerto, o alumnado puido ir a degustar as castañas ao patio cuberto da entrada.

Coma tódolos anos, Nati, do CEIP Padín Truiteiro deulle a esta celebración un gran salto de calidade traendo o seu tradicional asador e preparando os cucuruchos de castañas.
                

Para rematar, o alumnado puido disfrutar cos nosos xogos tradicionais.

O profesorado e a organización do evento quere agradecer a continua colaboración do alumnado de 1º de bacharelato que estivo a axudar con todo: repartindo as castañas, subindo e baixando os xogos así coma ensinando as bases de cada un aos seus compañeiros. Tamén queremos agradecer a Vanesa Peón o seu traballo para preparar e dirixir esta colaboración e a Antonio Ricón pola súa colaboración activa coa organización dende o Equipo de Dinamización da Lingua Galega.

Para ver máis imaxes do evento pódese aceder á galería.

O IES de Soutomaior navega rumbo ás Cíes

Mar, 13/06/2023 - 17:54 — admin

Con un pouco de medo por mor do mal tempo, o alumnado de 1º de Bacharelato puido por fin zarpar dende Vigo rumbo a unha das illas máis bonitas do noso Parque Nacional.

A saída tivo lugar o día 8 de Xuño e foi organizada por Menchu Bussieres Valcarce, que animou ao alumnado a participar e contou como acompañantes con Montse, Giuseppe Branca e Jose Carlos Rojo.

A idea inicial era percorrer a Illa do Faro ata o punto máis alto e fermoso desta, aínda que finalmente, para evitar neboeiros e chuvascos, tomamos camiño ata o Alto do Príncipe; unha das máis fermosas vistas do lugar. Durante o percorrido os guías explicaron a historia, economía e a flora e fauna do arquípélago, dando á visita o punto cultural que buscabamos.

Finalmente, o alumnado puido descansar e darse un baño merecido, mentres comían e esperaban polo Catamarán de volta.

Saída do IES de Soutomaior a Vigo

Ven, 09/06/2023 - 10:56 — admin

Non podemos continuar o curso sen mencionar a excursión organizada por Orlando Molares co alumnado de 3º da ESO E a Vigo.

Gracias ao traballo previo na aula, esta non foi unha visita calqueira. Cada estudante centrouse nun dos monumentos máis emblemáticos da cidade, investigándo a súa historia e características, para rematar plasmando os traballos de tódolos compañeiros nunha guía fermosísima da cidade.

Unha das esculturas descritas na guía. O resto pódense ver na galería.

O 25 de abril os profesores Orlando Molares e Marisa Veiga acompañaron ao grupo a cidade veciña na que cada alumno compartiría cos seus compañeiros os aspectos destacables do seu traballo.

 

 

Distribuir contido


by Dr. Radut