Skip to Content

Convocatoria de axudas para a adquisición de material escolar- Curso 2023-2024

Lun, 22/05/2023 - 12:27 — admin

 

Prazo de solicitude:     do 20/5/2023 a 21/6/2023, incluídos

Forma de presentación:

  • Electrónica: utilice esta aplicación e presente solicitude na Sede Electrónica  (inicie premendo no icono de botón na esquina superior dereita da pantalla).

           NOTA: na presentación electrónica deberá presentar unha solicitude individual para cada un dos seus fillos.

Procedemento administrativo: ED330B

  • Presencial con asistencia da aplicación: cubra os datos nesta aplicación, imprima os Anexos I e II producidos e presenteos no centro (inicie premendo no icono de botón na esquina superior dereita da pantalla na aplicación fondolibros)
  • Presencial manual: utilice os Anexo I e Anexo II da Orde da convocatoria.

Maís información na aplicación fondo libros.

O alumnado que non estea admitido nin coñeza en que centro vai estar escolarizado no curso escolar 2023-2024, deberá presentar a solicitude no centro no que está matriculado no curso 2022-2023.

 

Xornada de teatro no IES de Soutomaior

Lun, 22/05/2023 - 09:50 — admin

O pasado xoves 18 de maio, o alumnado de 1º e 4º da ESO puido disfrutar dunha actuación ao cargo do dúo formado por Lois Blanco e Pablo Carrera integrantes da compañía Vicus Teatro.

O espectáculo de título "Crónicas Clásicas", foi representado no ximnasio e dividiuse en dúas partes. Na primeira explicaron de xeito ameno e interactivo a orixe do teatro na Antiga Grecia e na segunda interpretaron unha pequena obra característica das orixes deste arte.

A actividade foi organizada polo Equipo de Dinamización da Língua Galega no contexto da Semana das Letras Galegas e fixo posible que puderamos disfrutar no IES de Soutomaior das artes escénicas na nosa lingua.

 

Hai máis imaxes do evento na galería.

Recital poético-musical de Trobar-dos no instituto

Ven, 19/05/2023 - 10:38 — admin

O pasado martes 16 os Clubs de Lectura de 1º e 2º bacharelato e o alumnado de 3ºE asistiron a un recital poético-musical a cargo do dúo TROBAR-DOS.

Foi unha interesante actividade a nivel educativo: un percorrido, de pouco máis dunha hora de duración, por poemas moi coñecidos da literatura, sobre todo a galega, mais tamén a grega (cun texto da poeta Safo) e da latina medieval (algunha canción dos goliardos). Enmarcouse no contexto da Semana das Letras Galegas, de aí o predominio de temas da nosa literatura, desde a época medieval, coa interpretación dalgunha cantiga, ata composicións contemporáneas. Cada un dos temas contou cunha pequena presentación didáctica en verso na voz rimada de Alfredo Pérez, profesor de Lingua e Literatura Castelá, como se fose unha diminuta clase de literatura onde se sintetizaban aspectos referidos co autor ou autora, a súa obra literaria, etc. A fermosa interpretación musical , con voz e guitarra, correu a cargo de Anxo Abalde, profesor de Música e bo coñecedor da literatura.

En definitiva, pasamos un bo momento de aprendizaxe/lecer.

 

 

Para ver máis imaxes do acto, no seguinte enlace pódese entrar na galería.

 

Roteiros científicos

Xov, 18/05/2023 - 15:08 — admin

Aproveitando o bo tempo, o alumnado de 1º da ESO do IES de Soutomaior saiu esta semana (15 e 16 de maio) a explorar a natureza facendo un roteiro pola contorna do centro.

A actividade foi organizada polo Concello de Soutomaior dentro do programa de Divulgaciencia contando coa colaboración do Departamento de Bioloxía e Xeoloxía. Monitores e profesores acompañaron aos rapaces ensinándolles as especies características da nosa flora e fauna e realizando actividades científicas coma cromatografías, análise do pH do solo e observación de mostras co microscopio.

                                     

 O resto das imaxes están subidas na galería

Obradoiros Divulgaciencia

Mar, 16/05/2023 - 17:43 — admin

Como parte da iniciativa de Divulgaciencia, o Concello de Soutomaior, coa colaboración dos Departamentos de Tecnoloxía, Bioloxía e Xeoloxía e Física e Química organizou os Obradoiros que tiveron lugar nos meses de marzo e abril no IES de Soutomaior

As temáticas foron moi variadas. Dende programación ata a preparación de cociña vanguardista sumando un total de cinco xornadas: "Deseño de APPs" e "Comes con Ciencia" con 1º de bacharelato, "Iniciación á Programación" con 3ºESO, Introducción á Programación e á Electrónica" e explorando o espazo con 4ºESO.

 

 

Con ista iniciativa, preténdese achegar ao alumnado os contidos das materias de ciencias dende un punto de vista máis practico e atractivo.

Para ver máis imaxes pódese consultar a galería do centro.

Entrega de trofeos no IES de Soutomaior

Lun, 08/05/2023 - 13:46 — admin

Estas últimas semanas tivemos recreos con varias actividades organizadas polo centro.

O Departamento de Educación Física organizou un campionato mixto no que cada grupo da ESO e de Bacharelato podía participar.

Logo de teren lugar as liguillas e o cadro final, resultaron gañador@s @s integrantes do equipo de 2º de Bacharelato e recibiron o trofeo o pasado venres 5 de maio.

 

Por outra banda, o campionato de xadrez organizado por Eduardo Cid Vila do Departamento de Lingua Castelá, rematou o mesmo venres 5 de maio como colofón os moitos enfrentamentos que tiveron lugar na biblioteca do IES de Soutomaior.

O gañador foi Iago López Casas e a segunda clasificada Antía Míguez Iglesias. Noraboa aos campións.

               

          As imaxes do campionato de xadrez na galería

Exposición 55/885 no IES de Soutomaior

Mar, 25/04/2023 - 17:51 — admin

58/885 é o título dunha obra coral que pon de relevo números que testemuñan canto nos queda aínda por avanzar: “Só 58 mulleres ao longo da historia foron premiadas co Nobel fronte a un total de 885 homes”.

 

O texto é un traballo laborioso dos alumnos e alumnas de 4º da ESO e 1º de Bacharelato do IES Mendiño e coordinado pola profesora Almudena Suárez. Este denuncia a inxustiza que supón que tan só o 6% dos Nobel entregados ao longo da súa historia foran entregados a mulleres. O nome fai referencia ao total de 58 mulleres fronte aos 885 premios outorgados ata a data. No libro podemos atopar a posta en valor dos traballos destas mulleres en campos tan diversos como a literatura, a paz, a medicina, a física ou a química.

Estará esta exposición no noso centro durante 2 semanas (ata o 28 de abril). 

                          

Máis imaxes na galería.

Inmersión lingüística en Salisbury

Mar, 25/04/2023 - 17:02 — admin

Despois duns anos sen sairmos ao extranxeiro por mor da covid, o 26 de marzo, o alumnado de 1º de bacharelato do IES de Soutomaior partiu hacia Salisbury.

O obxectivo era coñecer unha cultura diferente así como mellorar o dominio da lingua inglesa. Qué mellor que durmir no fogar dunha familia nativa coa que interaccionar para acadar o proposto.

Ainda que as veces o tempo non acompañou, puideron visitar lugares moi interesantes coma Londres e Bath.

Dende o centro queremos agradecer ao Departamento de Inglés con Irene Alonso á cabeza por organizar a viaxe. Tamén agradecemos enormemente o compromiso ás profesoras Sandra Soliño e Lucía Galván porteren acompañado a Irene e a todo o alumnado nesta aventura.

Excursión fin de etapa a Barcelona 2023

Xov, 20/04/2023 - 13:36 — admin

Tras pasar gran parte do curso traballando coa financiación e a organización da viaxe, o martes 28 de marzo ás 5:40 da mañá, o alumnado de 4º da ESO e o profesorado acompañante partiu rumbo a Barcelona ilusionado con vivir unha gran experiencia.

Nesta excursión puidemos coñecer as zonas máis importantes de Barcelona, a cidade de Tarragona e , aproveitando que durmiamos en Salou, visitar o parque de Port Aventura.

                

As fotos colgadas na galería podense consultar aquí.

Dende o IES de Soutomaior queremos agradecer ás familias a súa participación na organización da viaxe así como a axuda e cordialidade co desenvolvemento da súa financiación.

Tamén queremos agradecer ao alumnado participante o seu comportamento e disposición para manter o grupo unido, o que é imprescindible para realizar tódalas actividades con normalidade.

Por último, agradecer aos profesoras acompañantes Lucía López Senín e Paula Veiga a súa colaboración e o seu bo ánimo axudando a que non se producira ningún contratempo.

Excursión ao Courel 2023

Xov, 20/04/2023 - 11:25 — admin

A semana anterior á Semana Santa foi un periodo moi especial no IES de Soutomaior pois, grazas a colaboración de gran parte do profesorado, puidemos organizar varias saídas.

O Equipo de Dinamización de Lingua Galega, acercou ao alumnado de 2ºESO (29-31 de marzo) ao cerne da provincia de Ourense, un lugar onde se atopan algunhas das fragas e bosques máis fermosos da nosa comunidade. 

 

Aproveitando a ruta, aproveitamos para pasar polo Monte Furado en Quiroga e achegarnos ás Medulas xa na provincia de León.

Dende o IES de Soutomaior queremos discupar ás familias polos incedentes relacionados coa folga de transportes, que provocou non se puidera parar en Lugo como estaba previsto así como agradecer aos profesores Antonio Ricón e Damián Otero a súa implicación na organización e na labor de acompañar ao alumnado nesta aventura.

Distribuir contido


by Dr. Radut