IES de Soutomaior |

Club de Lectura. Soutomaiores

Ven, 03/11/2023 - 15:45 — admin

ANÓTATE!

Constituimos un Club de Lectura para persoas adultas, que denominamos “Soutomaiores”, aberto á Comunidade Educativa (profesorado, exalumnado, nais, pais, titoras/es legais, persoal de administración e servizos…). Animámosvos a quen queira participar a que vos anotedes canto antes (podemos poñer como data límite o venres 10 de novembro).

A idea é lermos por trimestre un libriño interesante e comentármolo entre todas e todos, de ser posíbel coa autora e autor: isto supón un mellor coñecemento tanto de quen o escribiu como da obra en si. A obra, data e momento deste encontro están por determinar, mais nada máis sabelo o comunicaremos ao Club.

Así que so desexamos que vos animedes a participar: a lectura e o encontro de fala entre todas e todos (incluído quen escribiu o libro) sempre resulta moi gratificante.

blogue de admin

Halloween no IES de Soutomaior

Xov, 02/11/2023 - 13:03 — admin

O luns e o martes previos á festividade de tódolos Santos, o IES de Soutomaior estivo preparado para a ocasión.

Os Departamentos de Inglés e educación Plástica e Visual traballaron xunto co seu alumnado a contrarreloxo logrando un ambiente terrorífico. Tamén os timbres de entrada, saída e cambio de clase mudaron o seu ton clásico por sons típicos de Halloween.

Para favorecer a participación do alumnado, organizamos dúas actividades nos recreos:

Os grupos de 1º e 2º da ESO puideron participar no concurso da Caixa Misteriosa, que contou coa colaboración de Secretaría e, para rematar o festival, no recreo do martes, organizouse un concurso de disfraces no patio no que puido participar todo o alumnado do centro.

Queremos agradecer o esforzo extra dos Departamentos organizadores logrando que a rapazada puidera disfrutar de dous días diferentes.

Pódense ver máis imaxes do evento premendo na seguinte ligazón: galería.

blogue de admin

Convocatoria de reunión de titoría coas familias

Mér, 11/10/2023 - 13:10 — admin

O IES de Soutomaior convoca ás familias da ESO a unha reunión cos titores dos cursos nos que cursen os seus fillos/as titorandos/as. Nesta se lles dará información importante de cara o comezo deste curso 2023/24.

Lugar: Ximnasio

Curso	Data	Hora
1º da ESO	luns 23 de outubro	16:00 h
2º da ESO	luns 23 de outubro	17:00 h
3º da ESO	luns 23 de outubro	18:00 h
4º da ESO	luns 23 de outubro	19:00 h
1º de Bach	mércores 25 de outubro	18:00 h
2º de Bach	mércores 25 de outubro	19:00 h

Aproveitando a convocatoria, o vicedirector abordará o tema da excursión de fin de curso coas familias do alumnado de 4º da ESO, para comentar o interese pola mesma, posibles destinos e formas de financiación.

blogue de admin

Openscience 2023

Mar, 19/09/2023 - 11:52 — admin

Esta pasada fin de semana , do 15 ao 17 de septembro, Breixo Cernadas e Lucía Castrillo tiveron a oportunidade de presentar na Openscience de Cambre o seu proxecto (Compost IA), gañador do Premio de Rigor Científico na pasada Feira da Ciencia organizada polo Concello de Soutomaior.

Dende as 12:00 do sábado ata a 13:00 do domingo, os dous participantes ocupáronse de explicar as características do seu innovador traballo á xente que se ía achegando ao seu posto.

Despois de tanto esforzo, os nosos alumnos tiveron unha recompensa ben merecida gañando o primeiro premio na categoría de bacharelato.

Dende o IES de Soutomaior queremos expresar o noso orgullo polo traballo realizado e pola idea tan orixinal. Tamén queremos agradecer o traballo feito pola súa titora do proxecto, Saínza Martínez López e pola OMIX do Concello de Soutomaior que organizou e facilitou a nosa participación no evento. Tampouco nos queremos olvidar de Sofía Martínez Braña, integrante inicial do grupo que finalmente non puido ir á Openscience este ano.

blogue de admin

Móllate polos ríos. Limpeza da contorna do Verdugo.

Xov, 14/09/2023 - 10:12 — admin

O Concello de Soutomaior súmase ao proxecto 'Móllate polos Ríos' coordinado pola Asociación Ecoloxista ADEGA, organizando unha xornada de voluntariado medioambiental que consistirá na retirada de lixo dun tramo da ribeira do río Verdugo e Daión, así como eliminación de flora invasora.

Esta actividade ten como finalidade a concienciación medioambiental da cidadanía, incidindo na importancia dos ecosistemas fluviais e da correcta xestión dos residuos. Será o domingo 24 de setembro a partir das 10,00 h na praia da Xunqueira de Arcade. É recomendable levar calzado e roupa resistente.

Para participar é necesario realizar inscrición previa no correo prensa@soutomaior.gal indicando nome completo, DNI e teléfono de contacto. No caso de que se inscriban menores de idade, deberán ir acompañados por un adulto que tamén se inscriba.

blogue de admin

Inicio de curso 2023-24: Instruccións para o 1º día

Xov, 07/09/2023 - 14:58 — admin

Lembramos que o luns 11 de setembro, dará inicio o curso escolar no IES de Soutomaior. O horario será o seguinte:

Ás 09:05: recepción do alumnado no lugar asignado para cada nivel.

1º, 2º e 3º ESO na entrada traseira do centro (na zona onde está situado o composteiro).
4º ESO e Bacharelato: escaleiras de acceso e entrada principal ao centro (Onde está a zona cuberta).

Ata o recreo presentación cos titores e titoras nas súas respectivas aulas.
De 12.05 a 14:35: presentación das materias do día co profesorado.

Ademais, é preciso :

O alumnado e as familias poden consultar as listaxes por curso a través de ABALAR-MÓBIL.
O profesorado titor informará das normas de organización e funcionamento do centro, horarios, etc.
O alumnado deberá vir provisto de material necesario para anotar horarios, cartafol ou caderno para comezar algunha materia,etc.

blogue de admin

Libros de texto curso 2023-24

Xov, 13/07/2023 - 14:07 — admin

Pódense consultar a relación de libros de texto de cada nivel premendo en cada curso.

1^oBach

2^oBach

Lembramos que en 1º, 2º, 3º e 4º da ESO o alumnado disporá dos libros dixitais e os computadores do Proxecto E-DIXGAL.

Mellores expedientes do curso 2022-23

Lun, 03/07/2023 - 11:10 — admin

O IES de Soutomaior non pode despedirse deste curso 2022-2023 sen facer unha mención e agradecendo o esforzo aos mellores expedientes académicos daqueles alumnos e alumnas que acadaron unha media de todas as súas materias a finais de curso igual ou superior a 9.

Unha mención aínda máis especial se cabe, merece o alumnado que recibiu unha Matrícula de Honra (MH). Esperamos que agora disfrutedes dun merecido descanso desconectando un pouco de cara o curso que ven. Parabéns.

1^oESO	2^oESO	3^oESO
Vega Gómez Álvarez Aroa García Conde	Sabela Cernadas Soliño Carla Rodríguez Rodríguez	Lucía Castro Blanco Mateo Fernández Carro Rosalía Narciso Cancela
4^oESO	1^oBacharelato	2^oBacharelato
Yiwei Jin Anxo Muiños Seoane Zaira Pazos González (MH) Rocío Orge Santoro (MH) Dafne Teixeira Criado (MH)	Lucía Castrillo Sánchez Samuel López Lorenzo	Darío Fernández Menduiña Izaskun Tellería Seoane (MH) Iria Prado Rodríguez (MH) Rebeca Torres Rodríguez (MH)

blogue de admin

Traballo artístico no IES de Soutomaior

Lun, 03/07/2023 - 10:32 — admin

Dende o Departamento de educación Plástica e Visual, a profesora Ana Aguiar quérenos amosar parte do traballo realizado polo seu alumnado durante este curso 2022-23.