Skip to Content

Excursión ao Courel

Mar, 23/04/2024 - 12:19 — admin

Tódolos cursos o Equipo de Normalización da Lingua Galega do IES de Soutomaior organiza unha viaxe ao Courel dirixido ao alumnado de 2º da ESO.

Este ano, o alumnado que se apuntou á excursión, saiu o 3 de abril seguindo o seguinte programa: visita ás Médulas, Monte Furado, andaina pola Devesa da Rogueira, Mina da Toca, O Cebreiro e a cidade de Lugo. O alumnado e profesorado pernoctou dúas noites nos Bungalós do Acampamento do Courel.

Dende o centro queremos agradecer ao alumnado o seu bo comportamento en todo momento. Tamén agradecer especialmente a Lucía López e Gabriel Muñiz, os profesores acompañantes, por teren aceptado a responsabilidade de acompañar a todo o grupo.

Finalmente, agradecemento moi especial a Antonio Ricón Rodríguez, por organizar a viaxe.

As imaxes da excursión están colgadas na galería do instituto.

Excursión de fin de etapa a París

Mar, 23/04/2024 - 11:59 — admin

Este 2023/24, o alumnado de 4º ESO do IES de Soutomaior optou por realizar unha viaxe a París para celebrar que pronto terminarán os seus estudos da ESO.

Despois de estar dende principio de curso vendendo productos ofertados por distintas empresas para poder financiar esta excursión, 54 alumnos e alumnas partiron con catro profesores este 4 de abril cara o aeroporto de Oporto para comezar a súa aventura.

A viaxe, como todas as organizadas polo instituto, combinou actividades de ocio como o día en Eurodisney con outras máis culturais necesarias para coñecer un pouco da cultura e lugares de interese do país de destino.

 

Dende o centro queremos agradecer a boa comunicación coas familias e a súa colaboración en todo momento así como agradecer ao alumnado o seu bo comportamento en todo momento.

Tamén queremos agradecer a Lara Rodríguez Rodríguez, Orlando Molares Molares, Lucía Galván Fernández e Beatriz Díaz López por teren aceptado a gran responsabilidade de acompañar ao alumnado nunha viaxe a París, un lugar nada doado de xestionar. Moitas grazas.

As fotos que vaiamos conseguindo serán colgadas na galería do Instituto.

Saída do IES de Soutomaior a Santiago de Compostela

Xov, 18/04/2024 - 11:55 — admin

Despois da Semana Santa, o martes 2 de abril, o alumnado de 2º de bacharelato e de 4º ESO D, partiron cara Santiago dentro dunha actividade complementaria organizada de xeito coordinada polo Departamento de Matemáticas, Xeografía e Historia, Bioloxía e Xeoloxía e Lingua Castelá e Literatura.

O alumnado dividiuse en varios grupos, dependendo do seu itinerario académico, para facer as visitas máis apropiadas para os estudos cursados.

Un grupo visitou o CIMUS ( Centro Singular de Investigación en Medicina Molecular y Enfermedades Crónicas), outro acudiu a o IGE (Instituto Galego de Estatística) e un terceiro foi á Catedral de Santiago para ver o Pórtico da Gloria.

Por último, unha vez reunidos todos, completaron o día entrando á Catedral para ver os tellados da mesma e, pese ao mal tempo que fixo, puderon dar unha pequena volta pola zona vella compostelana.

Actuación de Pompa e Boato no IES de Soutomaior

Xov, 18/04/2024 - 10:34 — admin

O martes 9 de abril, tivemos a oportunidade de contar de novo coa actuación de Samuel Merino que veu ao IES para facer dúas actuacións de "Pompa e Boato". A estas acudiron as alumnas e alumnos de 3º da ESO, 2º de Bacharelato B e parte do alumnado de 4º da ESO.

Unha vez máis, achegou a poesía á rapazada cunha desgarradora representación na que nos mostra un xeito artístico de expresar os nosos sentementos. A aqueles aos que lles interesa esta forma de arte, tiveron a oportunidade de falar con el e contarlle a súa relación coa poesía.

Dende o centro queremos agradecer ao Departamendo de Lingua Castelá por organizar un ano máis este evento.

 

Temos máis imaxes na galería.

Obradoiros Divulgaciencia: Comes con Ciencia

Mér, 10/04/2024 - 12:36 — admin

Dentro do programa de Divulgaciencia, o Concello oferta ao IES de Soutomaior Obradoiros para impartir no centro. Os Departamentos Didácticos escollen dentro destos os que máis se adecúan aos contidos que se estan tratando nas súas materias.

O mércores 3 de abril, o alumnado de anatomía de 1º de bacharelato disfrutou coa visita de David Ballesteros e o seu equipo, que expuxo de xeito moi inxenioso a relación da ciencia e dos sentidos cos alimentos. Os rapaces saíron sorprendidos da exposición e participaron de xeito activo e entusiasta.

 

Dende o centro queremos agradecer ao Concello as propostas e a David por ter mellorado un Obradoiro que xa trinfara o ano pasado.

 

 

Roteiro da Ostra

Mar, 09/04/2024 - 15:18 — admin

Tódolos anos a OMIX do Concello de Soutomaior traballa para deseñar unhas actividades o máis atractivas posibles, para que complementen as relacionadas coas que diariamente se realizan no instituto. Aquelas que están máis relacionadas coa ciencia, están enmarcadas dentro do programa de Divulgaciencia.

O mércores 3 de abril, recén chegados da Semana Santa, o alumnado de 1º da ESO puido disfrutar dunha caminata ata o peirao de Arcade, onde fixeron unha serie de actividades relacionadas coa flora e fauna da zona e de como preservar o noso ecosistema. Debido á proximidade dunha das festas máis queridas de Arcade, a temática dos contidos xiraron ao redor do noso bivalvo favorito; a ostra.

               

Ao día seguinte, as organizadoras da actividade viñeron ao IES de Soutomaior a completar a exposición dos contidos xa nas aulas e coa axuda dos medios audiovisuais cos que contamos.

                  

Coma tódolos anos, agradecer todo o traballo da OMIX pola coordinación e polos resultados acadados e tamén ao Departamento de Bioloxía e Xeoloxía por volcarse neste tipo de actividades tan interesantes para o alumnado.

Pódense ver o resto das imaxes colgadas na galería na seguinte ligazón

Plan director no IES de Soutomaior

Mar, 09/04/2024 - 14:50 — admin

Dentro dos plans de prevención de futuros problemas que poden ter os estudantes, e que se imparten no centro, está o Plan Director.

Este plan é froito da colaboración do instituto e da Garda Civil do Concello e consiste nunha serie de charlas nos diferente cursos da ESO. Estas tiveron lugar o 18 e 20 de marzo con 1º, 2º e 3º da ESO e o 3 de abril con 4º da ESO.

Este ano a temática tratada foi a ciberseguridade e o ciberacoso, temas moi sensibles, xa que o alumnado ten acceso a moitos potenciais problemas por medio do móbil e sen sair das súas habitacións. O corpo da Garda Civil é clave nesta actuación pois ten moita experiencia con delitos, faltas e imprudencias cometidas pola poboación e puideron amosar aos rapaces as posibles consecuencias dun mal uso das redes.

Dende o centro queremos agradecer a visita e o xeito tan ameno de impartir as charlas.

 

Charlas da USC no IES de Soutomaior

Xov, 04/04/2024 - 11:47 — admin

O 19 de marzo, tivemos varias actividades programadas no IES enfocadas ao alunado de Bacharelato.

Na primeira, o alumnado de 1º de Bacharelato de ciencias e economía, asistiu á ponencia do profesor Manuel Ramiro Rodríguez Rodríguez "A gandería na encrucillada: produción de alimentos, benestar animal e cambio climático".

Nela os estudantes puideron coñecer as características económicas, repercusións medioambientáis e tipos de gandería no noso país. Tamén se defendeu con datos contrastados de moitos bulos e información esaxerada que verten os medios sobre o sector.

 

Por outra banda, o alumnado de 2º de Bacharelato recibiu información das saídas do mundo audiovisual da man de  Fernando Carrera. Persoa con ampla experiencia no munco dos documentais, curtametraxes e publicidade.

Coma sempre, dende o centro queremos agradecer aos poñentes por térense achegado a compartir a súa experiencia co noso alumnado.

Despedida no Campo do Salgueirón

Mar, 02/04/2024 - 12:30 — admin

O pasado 22 de Marzo, o IES de Soutomaior organizou varios partidos de fútbol para despedirnos do 2º trimestre.

Os cursos que participaron neste torneo deportivo foron os gañadores do concurso de "Aulas Limpas" organizado por Xefatura de Estudos co obxectivo de mellorar a orde e a limpeza nas aulas. Tamén, os gañadores entre os bacharelatos, tiveron a oportunidade de xogar contra os equipos de profesores e profesoras do centro.

Pese ás altas temperaturas que nos sorprenderon a todos, puidemos disfrutar de tres horas diferentes que amenizaron a mañá e que permitiron que a rapazada comezar a sentir as vacacións e desconectar dos exames.

O resto das imaxes pódense consultar na Galería

 

Convocatoria Becas para ensinanzas postobligatorias

Mar, 19/03/2024 - 10:26 — admin

Convócanse becas para estudantes que no curso 2024-25 cursen ensinanzas postobligatorias con validez en todo o territorio nacional:

  • Bacherelato.
  • Grado medio ou superior.
  • Ensinanzas artísticas profesionais e superiores, deportivas, estudos de idiomas, cursos de acceso á FP e ciclos formativos de grado básico.
  • Ensinanzas universitarias en todo o territorio nacional.

Para máis detalle e para consultar a cuantía das becas pódese premer na seguinte ligazón e así descargar o anuncio do BOE.

O prazo da solicitude é dende o 19 de marzo ás 9:00 ata o 10 de maio ás 15:00 de 2024. Débese cumplimentar vía telemática a traves da Sede Electrónica na seguinte ligazón.

 

 

Distribuir contido


by Dr. Radut