O xoves 13 de maio virá un grupo de antigos/as alumnos/as para impartir unha charla informativa para o alumnado de 2º Bacharelato sobre as carreiras universitarias que están a cursar na actualidade. Dende o centro queremos agradecer moitísimo a colaboración e boa disposición dos nosos antigos/as alumnos/as, que sempre serán máis que benvidos/as no noso instituto.

Informamos de cambios de datas no calendario de probas libres que aumentan o tempo de matrícula para as persoas adxudicadas tendo en conta a coincidencia con festivos. A data final de matrícula para as persoas adxudicadas remata o día 19 de maio ás 13:00h e o comezo da adxudicación continuada e da liberación de prazas será o día 21 de maio ás 9:00h.

Aproveitamos a ocasión para indicarlles a forma de incluír o motivo de exclusión nas solicitudes no que o documento do título é incorrecto:

Unha vez validada a solicitude polo centro, debese ir polo apartado 3.1. Ao buscar por DNI, "Ver historial", seleccionar a pestana "Proba libre" hai que premer en "Ver solicitude". Debaixo do Acceso seleccionado hai un apartado para marcar un recadro de "O documento do título é incorrecto" que abre un despregue con diferentes opcións. Deberase seleccionar a máis adecuada de todas as existentes para que saia na listaxe o motivo de exclusión.

Lembren verificar por esta vía que todas as solicitudes que non cumpren o requisito de acceso están co motivo de exclusión perfectamente seleccionado.

Infórmase a toda a comunidade escolar de que se habilitou nesta web unha ligazón nova, Saúde Xove, no sector destinado a orientación. Este link conduce a unha páxina creada pola Asociación de Pediatría que contén diversas informacións que atinxen á saúde de adolescentes (sexualidade, alimentación, exercicio, ocio e tempo libre...), todos eles contidos moi interesantes e veraces que poden ser consultados de forma libre e gratuita. Esperamos que sexa de utilidade para toda a comunidade educativa.

De xeito voluntario, podedes cubrir a seguinte enquisa: https://bit.ly/323Nxlv

Deixámosvos nesta entrada unha ligazón que leva a unha lista de cancións feita dende o concello de Valencia, de diferentes xéneros musicais (pop, rock...), contra a violencia de xénero. Neste documento non só poderedes ler as letras, senon tamén escoitar os temas:

CANCIÓNS CONTRA A VIOLENCIA DE XÉNERO

ACTIVIDADES SOBRE O SEXISMO NA PUBLICIDADE

A continuación, móstrase unha ligazón a un blog onde tamén se pode traballar esta temática:

OS PRODUTOS NON TEÑEN XÉNERO

Ao longo do mes de novembro o noso alumnado da ESO estivo a partipar nuns talleres sobre igualdade e LGTBI desenvolvidos pola asociación Transmiño.

Queremos agradecer á asociación e aos relatores o seu traballo e boa disposición de cara o noso alumnado. Estades convidados a volver cando queirades:

PLAN ANUAL DE ORIENTACIÓN

2021-2022

Fai algúns anos, o departamento de Orientacións do noso Centro baixo a coordinación de Mª José Solleiro, estaba tentando aportar inciativas de como integrar ó alumnado de outros lugares xeograficos e convertir iso que algúns ven como un problema, a inmigración, nunha vantaxe, nunha diferenza que nos mellorara cultural e persoalmente. Nesa discusións de que podiamos ou non facer, xurdiu a idea de que o alumando levara algo típico do seu lugar de orixe e explicara o resto do alumnado porque e para que se facía. O máis doado e pracenteiro era a comida, e por ahí empezou todo. Dende entón, o alumnado foi vendo a oportunidade de coñecer mellor ó alumnado inmigrante e viceversa e foi vendo a posibilidade de aportar máis información mediante escenografía e dramatizacións, creando decorados espectaculares con materiais de refugallo e low cost total, implicando as familias na elaboración dos pratos e como non, implicando a toda a comunidade escolar na integración total de culturas e roles sociais do Centro. Así, este ano participaran no xurado por 1ª vez, alumnado, representantes da ANPA, do persoal de servizos e profesorado e contaremos tamén por 1ª vez con tres categorías e con tres premios.

BASES

CATEGORÍAS E PREMIOS

Haberá tres categorías, polo tanto seis premios:

Categoría I: 1º e 2º ESO.

- Primeiro premio

- Segundo premio (diploma)

Categoría II: 3º e 4º ESO

- Primeiro premio

- Segundo premio (diploma)

Categoría III: Bacharelato e Ciclos Formativos

- Primeiro premio

- Segundo premio (diploma)

CRITERIOS 

• Implicación do grupo-clase.
• Traballo en equipo.
• Que as receitas estean debidamente contextualizadas( lugar do que son típicas, momento do ano no que é tradicional consumilas, etc)
• Que as receitas estean correctamente explicadas(ingredientes, proceso, presentación do elaborado).
• Creatividade nas presentacións.
• Decoración.
• Valorarase positivamente que os materiais de adorno, pratos e utensilios sexan reutilizables, non só de usar e tirar.
• Escenogafía.
• Dramatización.

OBXECTIVOS DA ACTIVIDADE

• Favorecer o coñecemento mutuo do grupo clase e a súa cohesión.
• Coñecer costumes e características de diferentes países e culturas.
• Identificar similitudes entre as persoas e os diferentes grupos culturais.
• Favorecer que o alumnado traballe en equipo para preparar a festa e se esforce nun obxectivo común.

O alumnado deberá traer tódolos útiles que considere precisos para cortar servir e manipular os productos elaborados.

Os/as titores/as deberán anotar os grupos que participan dentro de cada grupo-clase e entregalos ao xurado o día antes da celebración do evento.

Igualmente comunicar que o Xurado está composto polos membros do DTO de ORIENTACIÓN e VICEDIRECCIÓN, un membro do persoal auxiliar e un membro da ANPA. Se alguén quere formar parte do xurado e non é titor  que o comunique a vicedirección.