Admisión alumnado

PROCESO DE ADMISIÓN CURSO 2024-2025

Premendo no documento que se xunta pode consultar as vacantes do IES Indalecio Pérez Tizón para o curso 2024-2025.

Inicio do procedemento de admisión de alumnado en centros docentes sostidos con fondos públicos para o curso 2024/2025

Fase de reserva de prazas en centros de adscrición

De conformidade coa disposición adicional primeira da Orde da Consellería de Cultura, Educación, Formación Profesional e Universidades do 21 de outubro de 2022, que regula o procedemento de admisión de alumnado en centros docentes sostidos con fondos públicos, o próximo día 15 de xaneiro de 2024 inícianse os trámites do procedemento (código ED550A), coa reserva de praza nun centro de adscrición para alumnado que cambia de etapa.

O prazo de presentación de solicitudes abranguerá do 15 de xaneiro ao 5 de febreiro do 2024, ambos incluídos.

Tanto a presentación das solicitudes como a consulta das listaxes de admitidos, que se publicarán o día 22 de febreiro, deberán realizarse no centro no que está matriculado o alumnado no presente curso ou a través da aplicación admisionalumnado (https://www.edu.xunta.gal/admisionalumnado/)

 

Pode consultar o Manual de Usuario para Familias

Normativa de aplicación:

  • DECRETO 13/2022, do 3 de febreiro, polo que se regula a admisión de alumnado en centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación. https://www.xunta.gal/dog/Publicados/2022/20220211/AnuncioG0598-040222-0004_gl.html
  • ORDE do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (códigos de procedemento ED550A, ED550B e ED550C). https://www.xunta.gal/dog/Publicados/2022/20221108/AnuncioG0655-281022-0001_gl.html

PRAZOS DE MATRÍCULA CURSO 2023-2024

 

PRAZOS E DOCUMENTACIÓN NECESARIA PARA A MATRÍCULA

NO CURSO  2023 - 2024

ESO - BACHARELATO - FP BÁSICA - CICLOS FORMATIVOS

 

IES INDALECIO PÉREZ TIZÓN

 

Preme nesta ligazón ou  no documento que se xunta para coñecer os prazos e a documentación que necesitas para matricularte o vindeiro curso.

INICIO DO PROCESO DE ADMISIÓN DE ALUMNADO NA ESO E BACHARELATOPARA O CURSO 2023-2024

Prazos previstos na orde do 21/10/2022 respecto da tramitación dos procedementos de admisión e matrícula de alumnado

PROCEDEMENTO

DATA

Solicitude de reserva de praza para o alumnado procedente de centros adscritos. A solicitude realizarase no centro adscrito (é dicir, no centro no que se está matriculado no curso actual)

 

Do 16 de xaneiro ata o 6 de febreiro

Publicación da listaxe do alumnado con reserva

22 de febreiro

Publicación de vacantes

Antes do 1 de marzo

Formalización e presentación da solicitude de admisión

Do 1 ao 20 de marzo

Publicación da listaxe provisional de admitidas/os

25 de abril

Prazo de reclamación contra a resolución provisional de admisión

5 días hábiles contados desde o día seguinte á publicación da listaxe provisional de admitidas/os

Publicación da listaxe definitiva de admitidas/os

15 de maio

Formalización da matrícula na ESO e no Bacharelato

Do 23 de xuño ao 7 de xullo

Lembrade que os centros adscritos ao IES Indalecio son: Ceip de Caldelas, Ceip plurilingüe de Guillarei, Ceip de Rebordáns.

Máis información na ORDE do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato reguladas na Lei orgánica 2/2006, do 3 de maio, de educación (códigos de procedemento ED550A, ED550B e ED550C).

 

 

Calendario admisión a ciclos formativos

A Consellería de Educación e Ordenación Universitaria acaba de remitir aos centros educativos información sobre os prazos de admisión a ciclos formativos en réxime ordinario, que pode consultarse nas seguintes ligazóns. En breve, esta mesma información será publicada na páxina web de FP.

CRONOGRAMA ADMISIÓN CENTROS 21-22
PRAZOS ADMISIÓN 21-22

 

 

Cambio de datas nas probas libres de ciclos formativos

Informamos de cambios de datas no calendario de probas libres que aumentan o tempo de matrícula para as persoas adxudicadas tendo en conta a coincidencia con festivos. A data final de matrícula para as persoas adxudicadas remata o día 19 de maio ás 13:00h e o comezo da adxudicación continuada e da liberación de prazas será o día 21 de maio ás 9:00h.

Aproveitamos a ocasión para indicarlles a forma de incluír o motivo de exclusión nas solicitudes no que o documento do título é incorrecto:

Unha vez validada a solicitude polo centro, debese ir polo apartado 3.1. Ao buscar por DNI, "Ver historial", seleccionar a pestana "Proba libre" hai que premer en "Ver solicitude". Debaixo do Acceso seleccionado hai un apartado para marcar un recadro de "O documento do título é incorrecto" que abre un despregue con diferentes opcións. Deberase seleccionar a máis adecuada de todas as existentes para que saia na listaxe o motivo de exclusión.

Lembren verificar por esta vía que todas as solicitudes que non cumpren o requisito de acceso están co motivo de exclusión perfectamente seleccionado.

CALENDARIO PROBAS LIBRES DE CICLOS FORMATIVOS

Apertura do prazo do proceso de admisión

Hoxe, 11 de xaneiro de 2021, ábrese o proceso de admisión de alumnado para o curso 21-22. Preman nos seguintes enlaces para máis información:

PROCESO DE ADMISIÓN 21-22
ANEXO I
ANEXO I BIS

Admisión de alumnado de FP Básica

Infórmase ao alumnado que solicitou praza na FP Básica I para este curso académico que foi admitido. Os solicitantes deben vir ao centro para formalizar a matrícula.

Distribuir contido