O alumnado de 4º ESO de Iniciación á Actividade Emprendedora e Empresarial creou unha cooperativa para poñer en práctica os coñecementos adquiridos na materia. No catálogo que podedes ver a continuación figuran os produtos que comercializan e que poden ser comprados pola comunidade educativa:

CATÁLOGO PRODUTOS MERCAGAL

Pinchando a seguinte ligazón poderedes ver as imaxes da saída que o alumnado de 3º ESO realizou a Celanova:

Publícase o calendario das probas de recuperación final de materias pendentes para o curso 21-22:

Publicada na páxina web da Consellería de Educación a convocatoria para os premios extraordinarios de Bacharelato para o curso 21-22. Consulten a información na ligazón que figura a continuación:

Achégase o calendario de reclamacións de 2º Bacharelato para o curso 21-22. 

As ANPA de Tui convidan a familias e docentes do IES Indalecio Pérez Tizón a participar nestas sesións formativas sobre tres temas distintos relacionados coa educación: saúde mental na adolescencia, técnicas de estudo e deberes e o enfoque restaurativo na disciplina educativa. No cartel que figura a continuación móstrase o lugar, día e horario de realización destas xornadas educativas. 

As bibliotecas escolares acaban de poñer á nosa disposición unha plataforma de libros dixitais á que temos acceso tanto o profesorado como o alumnado. Para poder facer uso dela necesitades unhas credenciais que vos facilitaremos dende o equipo de biblioteca. Se vos interesa,  poñédevos en contacto con nós e por favor pasade esta información ás vosas titorías. Deixo aquí o enlace por se lle queredes botar unha ollada (e-elbe 2).

O calendario para a hora de ler correspondente á terceira avaliación xa está preparado  Como novidade, por fin recuperamos a biblioteca como espazo para realizar esta actividade.  

HORA DE LER. CALENDARIO 3º TRIMESTRE

O pasado 20 de abril o noso alumnado de 4º ESO foi a Rianxo e Vilanova de Arousa. Entre outras cousas, fixeron a rota dos escritores rianxeiros e visitaron a casa-museo de Valle Inclán. Pódense ver as fotos do evento pinchando na imaxe que figura a continuación:

Onte , 21 de abril de 2022, a consellería de Educación publicou na súa páxina web as novas directrices do uso da máscara nos espazos educativos, dacordo co estipulado no Real Decreto 286/2022 do 19 de abril  . Aínda que é posible retirar as máscaras nos espazos interiores, esta segue a ser obrigatoria dentro do transporte escolar e dende a Consellería recomendan manter a máscara dentro das aulas. Consulten a información na seguinte ligazón: