Skip to Content

Guías Prácticas Fontexería
Curso de Galego
Bolsa de Emprego Fontexería

Servidor Abalar do centro
Recursos Didácticos

Atención a pendentes

Intro

 

Unión Europea

Dinamización de Igualdade

"Quítalle a máscara á violencia de xénero"

Velaquí unha mostra da exposición fotográfica "Quítalle a máscara á violencia de xénero", actividade realizada polo equipo de Dinamización de Igualdade do IES Plurilingüe Fontexería arredor do 25N. Premede no enlace para ver o resultado.

E grazas á xente que participou!

https://youtu.be/iLKfB9H86UM

“Wadja” segue funcionando entre o alumnado máis novo

IMG_20191111_125237.jpg

"Wadja" traducida como "La bicicleta verde" segue a funcionar entre o alumnado de 1º ciclo da ESO. Este ano, na materia de Xeogrfía e Historia, o profesor Eduardo Van den Eynde achegou o alumnado a situación da muller no Islam a través da protagonista desta película, unha rapaza de 11 anos namorada dunha bicicleta verde que non pode conseguir por ser nena.

Achegamos aquí a actividade de debate deseñada polo profesor para o visionado desta pelícual, así como outro par de actividades de 4º ESO, unha delas traballo de presentación da alumna Iria Zubiela.

Plan de Igualdade do noso instituto

17 plan de igualdade_0.jpg

Deixámosvos aquí o Plan de Igualdade elaborado no curso 2019-2020...por imperativo legal!Risa

Traballos desenvolvidos desde a materia de Lingua Galega e Literatura

9 charla beleza 3.jpg

Nesta entrada queremos deixar algunhas propostas de traballo desde a materia de Lingua e Literatura Galega, realizadas por Olalla Liñares. A súa teima: explorar ao máximo a capacidade creativa do alumnado, traballando a expresión oral e escrita desde diversos xéneros: noticias, rap, teatro...ou mesmo coa busca de frases fermosas para camisolas para o 8 de marzo. 

Exemplos de traballo realizado polo alumnado de Coeducación para o Século XXI

15 cosec online 1.jpg

Deixamos nesta entrada algúns exemplos dos traballos desenvolvidos por alumnado da materia de Coeducación para o século XXI, de 1º de BAC.

Actividades realizadas na materia de Inglés

Nesta entrada deixamos unha serie de recursos para traballar a igualdade desde a materia de Inglés . É o traballo desenvolvido por Alba Aminata Faye, compañeira en prácticas durante o curso 2019-2020 no IES Plurilingüe Fontexería, e un exemplo de que , se as novas xeracións de docentes  asumen a coeducación con enerxía parecida, a capacidade de transformación social da escola farase evidente!

Campaña 8 de Marzo

cartel 8M 2.jpg

Dentro da conmemoración do 8 de Marzo, Día Internacional das Mulleres, desenvolveuse co alumnado de 1º e 2º ESO un Obradoiro de Igualdade (9 de marzo), organizado polo CIM de Muros. O alumnado do 1º ciclo da ESO realizou un traballo de documentación e exposición nas portas das aulas de todo o centro de carteis con imaxe e texto representativo das aportacións de numerosas mulleres a distintos campos do saber.

A violencia a debate

debate3.jpg

O alumnado da materia de "Debate" de  2º BAC traballou a violencia de xénero desde a perspectiva xa habitual no centro de conxugar a Pirámide da Violencia e Escaleira da Violencia de Pepa e Pepe. Aceptaron, ademais,escribir de forma anónima, indicando exclusívamente o seu sexo, as experiencias de violencia sexista que vén na súa contorna. Por respeto ao anonimato, non reproducimos fotografías completas das narracións, pero si algúns extractos que nos confirman a importancia fundamental de seguirmos coeducando.

 

Distribuir contido


Iniciar sesión: Acceso
by Dr. Radut