blogue deadmin

Obradoiros de Novas Masculinidades

Neste curso continuamos desenvolvendo obradoiros simultáneos de empoderamento feminino e novas masculinidades, separando ao alumnado por sexo. Realizamos 8 sesións de 50 minutos en 3º ESO, 5 sesións en 2º BAC e 4 horas en 1º BAC co alumnado que participou nas xornadas de Guimaraes. A acollida entre o alumnado segue a ser espectacular, así coma a aprendizaxe para o profesorado que as organiza.

Obradoiros no CEIP Ramón de Artaza

Logo da boa experiencia do ano pasado, repetimos este curso! Nesta ocasión foi alumnado máis novo, de 3º ESO-todas as alumnas e alumnos dos dous grupos que temos-o que realizou obradoiros de igualdade no CEIP Ramón de Artaza, centro de referencia do noso instituto e onde cursaron Primaria practicamente todas elas e todos eles.

Leer máis

Matemáticas, astronautas, enxeñeiras...que dan que falar

Alumnas e alumnos de 3º ESO realizaron breves exposicións orais fronte ao seu grupo-aula, nos últimos 10 minutos de cada clase de matemáticas, dando a coñecer a vida e obra de mulleres coma Valentina Tereskova, Mary Somerville, Emmy Noether, Grace Hopper, Sally Ride, Hedy Lamarr...O obxectivo desta actividade, ademais de visibilizar as achegas destas mulleres, é potenciar a capacidade do alumnado para facer exposicións orais fronte a un público receptivo pero crítico!

Leer máis

Muller tiña que ser!

O 8 de Marzo máis reivindicativo que lembramos, celebrouse no IES Fontexería baixo o lema "Muller tiña que ser!", cunha campaña de visibilización de mulleres de diversos ámbetos científicos, empregando o xogo de cartas sobre mulleres científicas co se traballou nas materias de Francés e Inglés.

Leer máis

Eli Ríos analiza co alumnado de 1º BAC a súa obra "Luns"

O alumnado de1º BAC do noso instituto puido conversar coa autora da novela "Luns", que leron no primeiro trimestre do curso, sobre aspectos concretos desta obra, así como da violencia de xénero e o papel da muller na nosa sociedade hoxe en día.

Leer máis

MUROS DE NEGRO

O IES Plurilingüe Fontexería sumouse, un ano máis, a campaña do 25 de Novembro,día Internacional contra a Violencia cara as Mulleres", con diversas actividades educativas para sensibilizar ao alumnado da importancia da loita social contra a violencia machista. Nesta ocasión, colaboramos, ademais,coa campaña desenvolvida desde o concello "Muros Negro". O alumnado do primeiro ciclo da ESO elaborou carteis da campaña para colocar por todo o centro e nas fiestras das súas casas.

Leer máis

O noso proxecto "Por unha xenealoxía feminina nos currículos escolares" recollido como exemplo de boa práctica

A Universidade de Vigo vén de publicar o libro "Mujeres Matemáticas:las grandes desconocidas", escrito por Amelia Verdejo Rodríguez, membro do departamentod e Matemáticas da Facultade de Ciencias Económicas desta universidade.

Leer máis

QUE FALEN AS AVOAS

Dentro do proxecto "Nós tamén navegar", que nos valeu ao IES Fontexería o Premio Concepción Arenal 2017 da deputación da Coruña, incluíamos a elaboración dun vídeo coas valoracións das mulleres de maior idade -"as avoas"- sobre os avances que teñen vivido como mulleres nas súas vidas. Tratábase de poñer en valor aspectos como poñer pantalóns por primeira vez, aprender a conducir, mandar as fillas a estudar,divorciarse...infinidade de pequenos cambios nas súas vidas que foron abrindo camiño para as xeracións máis novas.

PELÍCULAS QUE EDUCAN

Deixámosvos aquí,a modo de balance, as películas que neste curso empregamos para traballar diversas temáticas. O feito de que algunhas causasen sensación-e fosen visionadas por máis alumnado que o público por nós inicialmente escollido-dificúltanos o traballo de análise das mesmas e a planificación para cursos vindeiros, pero é sen dúbida a mellor proba de que o alumnado é receptivo a aquelas películas que falan de temáticas coas que se poden identificar.

CHARLA DE IVÁN VÁZQUEZ, XORDO E GRAN COMUNICADOR

Entre as actividades organizadas desde a comisión de convivencia e mediación no curso 2016-2017 cómpre salientar,polo seu inpacto e acollida entre o alumnado, a charla dada por Iván Vázquez, en colaboración da APSSC (Asociación de Persoas Sordas de Santiago). O título da charla "Si ves en positivio mi discapacidad, podrás ver de que soy capaz", é o mellor resumo da experiencia por el transmitida.