Skip to Content

Francés

Gran éxito, outra vez, dos nosos alumnos no DELF SCOLAIRE 2019 !!!

Por cuarto ano consecutivo, os nosos alumnos de Francés que se presentaron para a obtención do título do DELF Scolaire, obtiveron todos a calificación de admis (apto). Presentáronse:

     9 no nivel A2

   11 no nivel B1

     1 no nivel B2

A súa preparación estivo a cargos dos profesores de Francés Dna. Mª Jesús Quintáns, D. Juan Carlos Méndez e Dona Mª José Barreiro.

Celebración do Festival da Francofonía

O festival da Francofonía de Vilanova de Arousa

 

O pasado martes, día 7 de maio, o noso centro participou por quinta vez consecutiva neste festival que vai xa pola súa decimo primeira edición.

Organizado por Nieves Vecilla, profesora de francés do I.E.S. A Basella, desta vila arousana, trátase dun festival de música no que este ano participamos dezanove institutos públicos de  toda Galicia.

O I.E.S.P. Eusebio da Guarda presentou 6 cancións francesas dunha variedade certamente ampla. Dende a de corte mais infantil “ Un monde parfait” ata  o clásico “Champs Élysées” para seguir coa reivindicativa “Frontières” de Yannick Noah ou  a soñadora “Si” de Zaz sen esquecer o ritmo de “Ta main “ de Claudio Capéo, tan de moda actualmente en Francia. Non quixemos deixar pasar a oportunidade de facer unha  pequena lembranza do recentemente desaparecido e  inesquecible Charles Aznavour, así que cantamos unha das súas cancións mais coñecidas polo público do mundo enteiro: “Formidable”.

Os protagonistas de todo isto foron os alumnos de 1º e 2º da ESO que ademais de cantaren puideron gozar dunha xornada festiva con rapaces doutros centros de ensino. Mágoa de non podermos ir este ano xantar na praia coma víñamos facendo en anos anteriores, pero o tempo non acompañou.

Isto constitúe para todos os alumnos un primeiro acercamento de carácter lúdico a unha  lingua estranxeira que, na maior parte dos casos, resulta nova cando acceden aos estudos de 1º da ESO. Xa estamos pensando na cita do 2020. Vémonos en Vilanova. Vive la Francophonie!!!!

 

Vídeo:

Retransmisión en directo:

Alumnas e alumnos de 3º e 4º de ESO de Francés están en Fontenilles de intercambio

Acompañados pola profesora Chus Quintáns e o profesor Juan Carlos Méndez.

Panxoliña “Nöel arrive"

 

Os alumnos de 3º e 4º da ESO que estudan francés, dirixidos polos profesores Juan Carlos Méndez e María Jesús Quintáns, interpretaron para os seus compañeiros franceses esta breve panxoliña. Fai clic na imaxe para vela.

 

"Pour moi, la France c’est"

Baixo a supervisión das profesoras Rocío Ferreiro Rodríguez e María Barreiro Seoane, os alumnos de francés de 1º da ESO encheron un tablón cos seus traballos sobre "Pour moi, la France c'est...". Noraboa polo resultado!

POUR MOI, LA FRANCE C’EST…

Cada curso escolar, os alumnos de 1º de ESO, os mais novos do instituto, comezan a estudar unha nova lingua estranxeira, o francés.

Para a meirande parte deles, a súa entrada ao instituto coincide co primeiro contacto coa lingua de Molière.

Algúns o fan con certa reticencia, mais  a maioría amósase ilusionada ante o novo reto, aprender unha nova lingua…  da que consideran que non saben nada, o cal non é certo.

Nestes días estiveron  traballando na elaboración duns carteis, que titularon “Pour moi, la France c’est …”  (Francia, para min, é …). Observados polas súas profesoras, andaban na procura de obxectos, monumentos, frases, personaxes, palabras, cores, alimentos, paisaxes que representaran ao país veciño. E a bo fe que non o fixeron mal. Eles mesmos quedaban parvos coa cantidade de cousas e datos que coñecían xa e do que non eran conscientes.

Desta vez tratábase de Francia en exclusiva, pero pronto comprobarán que esta nova lingua acércaos a moitos lugares mais. Na primavera, asistiremos ao festival da Francofonía que ten lugar cada ano en Vilanova de Arousa, iso sérvelles para iren familiarizándose cos países que teñen o francés como lingua común.

Aló polo mes de maio aproveitaremos para lles  presentar a diversidade xeográfica da Francofonía, viaxaremos a través da música a outros lugares, con outros acentos, e descubrirán como soa esta lingua  cantada  polos habitantes de Nova Caledonia, da que tanto se fala nestes días, ou do Quebec ou mesmo da isla da Reunión.

Velaquí  unha escolma dos seus traballos cheos de cores e ilusión… Haberá uns pequenos agasallos.

Moitas grazas ás súas profesoras de Francés: María Barreiro Seoane e Rocío Rodríguez Ferreiro.

O 13 de novembro foron entregados os premios aos gañanadores do concurso. Isto constituíu toda unha sorpresa, xa que ninguén dos concursantes agardaba a celebración.  
Bravo les enfants!!!!

Velaquí o palmarés:

Concours “Pour moi, la France c’est…”

 

Liste de lauréats

1º ESO A  Francés 1ª Lingua Estranxeira
Nicolás John Barlow Zas
1º ESO A Francés 2ª Lingua Estranxeira
Olivia Pato Souto
1º ESO B Francés 2ª Lingua Estranxeira
Carla López Riveiros
1º ESO C Francés 2ª Lingua Estranxeira
Yara Vez Vilariño
1º ESO D Francés 2ª Lingua Estranxeira
Leila García López
 

Liste de finalistes

1º ESO A  Francés 1ª Lingua Estranxeira
Nicolás Rodríguez Martínez
1º ESO A Francés 2ª Lingua Estranxeira
Manuel Suárez Pose
Jorge Estévez de Carrillo
1º ESO B Francés 2ª Lingua Estranxeira
Vega Armada Santos
Elena Pernas Sancosmed
Natalia Gordo Gómez
1º ESO C Francés 2ª Lingua Estranxeira
Iris Fernández-Chao Vilariño
Uxía González González
 
1º ESO D Francés 2ª Lingua Estranxeira
Ha Nul Kim
Sofía Martínez Diz-Lois

 

Intercambio de Francés con Fontenilles

Un ano mais xa  temos connosco aos nosos amigos de Fontenilles. 

Como xa sabedes a familia faise mais grande de ano en ano e xa son moitas as promocións do centro francés que teñen visitado a nosa terra así como os profesores. Este ano facemos un intercambio netamente plurilingüe, pois haberá actividades en inglés, a profesora Nuria Bello colabora con nós na organización dunha tarefa no parque celta da Torre no que participarán os grupo francés e español do intercambio. Hai que dicir que ademais de Mme Tanis, os profesores acompañantes son Anne Déspreaux e Marc Vaissière, profesores de inglés.

O domingo estivemos todos xuntos e Santiago percorrendo a última etapa do camiño de Santiago, dende o Monte do Gozo, por certo guiados por uns axentes de protección civil ata o Obradoiro, que ían abrindo paso, facíannos sentir importantes. " V.I.P."  dicían os de Fontenilles. Pola tarde fixemos un xogo de pista pola cidade, no que os sete grupos traballaron a fondo.

Nestes días seguirán as excursións para coñecer o noso país e o xoves preparamos unha grande festa, a ver qué tal sae todo... a colaboración é moi boa de parte de tódolos sectores: alumnos, familias, mesmo os ciclos formativos traballan neso. Moitas grazas a todos pola vosa colaboración.

Deixámosvos algunhas fotografías das actividades.

O Departamento de Francés.

 

Artigo en La Voz de Galicia:

Gran éxito dos nosos alumnos no DELF SCOLAIRE 2018 !!!

Por terceiro ano consecutivo, os nosos alumnos de Francés que se presentaron para a obtención do título do DELF Scolaire, obtiveron todos a calificación de admis (apto). Presentáronse 8 para o DELF A2, 5 para o DELF B1, e 4 para o DELF B2 (que é o nivel esixido para matricularse nunha universidade francesa). A súa preparación estivo a cargos dos profesores de Francés Dna. Mª Jesús Quintáns, D. Juan Carlos Méndez e D. David Quilón.

Intercambio con Fontenilles

Alumnos de Francés de 3º e 4º de ESO están en Fontenilles nun intercambio, dende o 9 ao 15 de abril, acompañados polos profesores Chus Quintáns, Juan Carlos Méndez e David Quilón.

Festival da Francofonía 2017

 

Festival da Francofonía: Que opinan os alumnos asistentes?

     María e Marta Rodríguez Cobo, alumnas de 2º ESO

 

Vídeos en Youtube

No Canal Rías Baixas TV: