O IES de Valga é un dos cinco centros de ensino galegos seleccionados para se incorporar ao Bacharelato de excelencia en Ciencias e Tecnoloxía (STEMbach) para o bienio 2021-2023. Trátase dun programa en que o alumnado desenvolve un proxecto científico co dirixido por profesorado do centro e por un/ha profesor/a universitario/a.
O proxecto presentado polo centro recolle tres liñas de investigación: unha de saponificación, unha de farmacoloxía e outra de óptica, que van ser desenvolvidas, respectivamente, con persoal investigador do Centro Singular de Investigación en Química Biolóxica e Materiais Moleculares (CIQUS), da Facultade de Farmacia e da Facultade de Física da Universidade de Santiago. Estas liñas foron deseñadas para poderen acoller unha ampla variedade de propostas dentro do ámbito científico en función dos intereses do alumnado.
O alumnado participante neste proxecto vai ter unha mención especial no expediente que lle pode abrir as portas para diversas iniciativas da área científica.
