|
|
|
|
|
|
|
Hoxe, 20 de novembro, conmemoramos no IES de Chapela e en todos os institutos de Redondela, o Día Internacional da Memoria Trans. Cun acto apoiado polas asociacións Irisar, Pulse, Nós Mesmas e Euforia, e que contou coa presenza da alcaldesa de Redondela, Digna Rivas, a comunidade do IES de Chapela afondou na loita polo recoñecemento da diversidade na orientación sexual e na identidade de xénero. Unha loita na que se denuncia a transfobia e a violencia contra as persoas que forman o colectivo trans. O IES de Chapela solidario coa súa causa. A causa dunha sociedade xusta e libre.
|
|
|
|
|
|
|
|
|
|
|
O IES de Chapela e a familia Mateo presentaron o xoves 7 de marzo o libro No camino do vento de Sesé Mateo. Nun acto emocionante no que se lembrou a nosa veciña, muller loitadora e comprometida, o noso alumnado deu vida aos textos de Sesé. Con forza, sentimento e orgullo, Anxo, Katia, Xela, Icíar, Claudia, Gorka, Miriam, Paula, Ilenia, Noelia e Sofía, representaron ao noso centro e fixeron bo aquilo de que a poesía é unha arma cargada de futuro. Aquí os tedes na foto na compaña de Joshua, fillo de Sesé, e de Olga, a vicedirectora, que abriu o acto. Moitas grazas a todas e a todos por ser como sodes. Nova en Faro de Vigo.
|
|
|
|
|
|
|
|
|
|
|
|
|
|
No 2º cabodano de Sesé Mateo o seu fillo Joshua visita o IES de Chapela cun agasallo moi especial, o libro cos poemas da súa nai, en cuxa edición colaborou o noso instituto. No IES de Chapela as cámaras de TVE1 entrevistaron a Joshua, quen tivo palabras de amor, de loita, esperanza, xustiza e superación.
O día 7 de marzo, ás 20:00, no Multiusos do Piñeiral do Crego, presentarase a obra No camiño do vento. Alí estaremos.
|
|
|
|
|
|
|
|
|
|
Para conmemorar o Día Internacional da Muller e da Nena na Ciencia, que se celebra hoxe 11 de febreiro, as alumnas de 3º ESO asistiron aos obradoiros Elas fan CienTec 2019 e Exxperimenta en feminino, que se celebraron na Universidade de Vigo.
A xornada comezou coa recepción por parte do reitor da UVigo, Manuel Reigosa, que lles lembrou a importancia da presenza das mulleres na ciencia e animounas a realizar carreiras de ciencias e enxeñarías, xa que son de sobra capaces, e insistiu en que a universidade precisa do seu talento.
Os talleres programados realizáronse nas distintas escolas e facultades, en concreto as nosas alumnas realizaron os talleres de ámbito tecnolóxico que tiveron lugar na Escola de Enxeñaría de Telecomunicación. Dirixidas por un grupo de alumnas de 3º de carreira programaron o robot Lego Mindstorm e realizaron un pequeno videoxogo en Scratch.
Picando na ligazón podes visitar a web das xornadas, e nela ler as biografías de sete mulleres científicas e investigadoras que fixeron grandes descubrimentos e seguramente non coñeces: Lynn Petra Alexander, primeira doutora honoris causa da Universidade de Vigo; Ángela Ruiz Robles, profesora ferrolá e deseñadora do primeiro prototipo de libro electrónico; Ada Lovelace, inventora da linguaxe de programación; Jane Goodall, primatóloga que revolucionou esta disciplina grazas ás súas observacións e análises; Hedy Lamarr, inventora da wifi; Jocelyn Bell, descubridora dos pulsares ou Rosalind Franklin, clave no descubrimento do ADN.
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
Alto e claro, a comunidade escolar do IES Chapela berrou hoxe NON á Violencia de xénero contra as mulleres. Desde a mañá ata a noite, o alumnado, profesorado e persoal non docente do noso instituto, realizou actividades para recordar as que están e as que non están: confección de carteis, lazos, visionado de curtas e videoclips, performances... e un sobrecolledor minuto de silencio. Desde o Concello de Redondela, Lidia Bastos González (1º ESO A), en representanción do seu grupo e de todas e todos nós, leu parte do manifesto municipal do Día contra a Violencia de Xénero redactado por alumnado de todo o concello. E por suposto, lembramos a nosa veciña e amiga, Sesé. Grazas a todas e a todos por ser como sodes. |
|
|
|
|
|
|
|
|
|
|
|
|
|
Graffiti no Muro de Berlín
A Sesé, a quen lle gustaban “estas cousas”.
|
|
|
|
Chapela está sumida na tristeza e indignación por ser lugar dun novo crime machista. A morte de Sesé, nai dunha exalumna e dun exalumno do IES Chapela, muller comprometida no seu tempo coa actividade do noso Centro, deixou sen palabras ao alumnado, profesorado, persoal non docente e a calquera persoa que se dea de fronte coa nova aparecida hoxe en todos os xornais. A súa perda deixa unha pegada fonda entre os seus familiares, os seus amigos e amigas e entre toda a comunidade educativa do instituto, quen quixo renderlle no día de hoxe, 21 de febreiro de 2017, a máis sentida homenaxe cun minuto de silencio. As mostras de agarimo do alumnado coas persoas achegadas á vítima que están a estudar no Centro, son un apoio emocional nestes momentos difíciles. Sesé é outra muller máis que engrosa unha xa longa lista de vítimas por violencia machista que non deixa de crecer. Aínda sen palabras, por tocarnos moi de preto estes feitos, alzamos a nosa voz contra a violencia de xénero, unha loita que só imos gañar co compromiso real de toda a sociedade. Paremos as agresións e estaremos no camiño de lograr a igualdade. Contigo na memoria, Sesé.
Julián Jario Santos
Esther Mato Méndez
21 de febreiro de 2017 |
|
|
|
|
|
|
|
|
|
|
|