Os días 23 e 24 de Maio unha representación de profesores e alumnos do IES de Brión participaron no I Encontro de centros para unha convivencia positiva, organizado polo IES Xulián Magariños de Negreira e o IES Fin do Camiño de Fisterra

Para consultar información sobre o I encontro de centros para unha convivencia positiva nos medios de comunicación,  preme nas seguintes ligazóns:

• El correo gallego
• Que pasa na costa
• TVG

Ana Souto Villanustre, alumna de 2º de Bacharelato do IES de Brión, obtivo o 3º premio no X Certame Literario do Concello de Ames, na modalidade de poesía, e categoría de 14 a 17 anos coa poesía “Cárcere dos pesadelos”. No certame presentáronse un total de 154 obras procedentes de toda Galicia e a entrega de premios tivo lugar o nun acto literario-musical conmemorativo do día das Letras Galegas o xoves, 16 de Maio na Casa da Cultura do Milladoiro.

Accede ás novas sobre os premiados no Certame: el correo gallego, concello de ames

Accede ás novas sobre o o acto de entrega dos premios: el correo gallego, concello de ames

Parabéns.

BASES

1. Pode participar todo o alumnado matriculado no centro durante o curso 2012-2013.

2. Os traballos consistirán nun relato breve en galego ou castelán cuxo contido teña relación co tema anual no centro: a auga. A extensión máxima será dun folio DIN A4 a interliñado dobre, con letra Arial de tamaño 12.

3. Os traballos presentaranse con pseudónimo nun sobre indicando o curso. En sobre a parte -pechado- escribirase no exterior o mesmo pseudónimo e no interior constará o nome da autora ou autor e o curso ao que pertence.

4. O prazo de presentación dos traballos remata o 16 de maio de 2013. Podedes entregarllos a Armando na Biblioteca en calquera dos dous recreos.

5. O xurado estará composto polos membros do equipo da biblioteca e alumnado do club de lectura (sempre que non participe no concurso).

6. Haberá dous niveis coa mesma dotación nos premios:

1º Ciclo da ESO

1º PREMIO= Vale de 40 € para gastar nunha librería.
2º PREMIO= Vale de 20 € para gastar nunha librería.

2º Ciclo da ESO e BACHARELATO

1º PREMIO= Vale de 40 € para gastar nunha librería.
2º PREMIO= Vale de 20 € para gastar nunha librería.

7. O primeiro premio poderase conceder ex aequo, repartindo a dotación entre eles.

8. A entrega dos premios terá lugar o 5 de xuño. Os participantes serán convocados para un dos recreos na Biblioteca.

9. Os traballos premiados serán publicados na revista dixital do centro.

10. O feito de participar neste concurso implica a aceptación de todas as bases. Podedes consultar calquera dúbida sobre as bases co equipo de Biblioteca (Mercedes, Xavier L.Tomé e Esther).

Dende o IES de Brión queremos colaborar coa asociación Solidariedade Galega co Pobo Saharaui na recollida de roupa e calzado usado. Esta roupa e calzado serán entregados a esta asociación para a súa venda e posterior reciclaxe. Os cartos que se obteñan serán destinados ao pobo Saharaui.

A campaña durará ata o 31 de maio. O horario de recollida será de 08:25 a 14:05 h. e os martes tamén de 16:15 a 17:55 h. A entrega realizarase no IES de Brión, sito no Paseo de Pedrouzos nº 3, ao lado do centro de saúde.

A roupa debe vir en bolsas pechadas e da igual o seu estado de conservación dado que é para a venda ao peso destinada ao reciclaxe, e con isto conseguir os cartos destinados a axudar ao pobo Saharaui que nestes momentos vive unha situación de extrema dificultade.

Grazas a todos pola colaboración.

Con moitos pequenos xestos podemos facer moito.

Este curso no IES de Brión estamos traballando sobre a auga, desde moi distintas perspectivas.

O vindeiro Martes, 23 de abril pola tarde, terá lugar a Conferencia "Dez mil ríos, dez mil problemas: masas de auga e cambio climático"  a cargo de Fernando Cobo Gradín, profesor de Hidroloxía das Augas Continentais na Facultade de Bioloxía da Universidade de Santiago de Compostela. Queremos que este acto sexa aberto, polo que convidamos a participar a toda a comunidade escolar e ao público en xeral.

Ao mesmo tempo invitámosvos a ver os traballos, relacionados coa auga, que o alumnado deste centro foi realizando, e que se irán expoñendo até o final do curso.

A continuación presentamos algúns recursos na rede interesantes sobre a auga:

Proxecto elaborado polos departamentos de Xeografía e Historia, Tecnoloxía, Xeometría, Literatura e Ciencia do IES A Sangriña que trata da auga, as súas propiedades, estrutura, estados, ciclo,... dos ríos e as súas características,... das máquinas hidraúlicas tradicionais, da súa historia, funcionamento, partes, tecnoloxía, ...da literatura popular, paisaxística, refráns, ...xeometría.
EXPOSICIÓN: LA ESFERA DEL AGUA Exposición do CSIC para introducir ao visitante no mundo da agua, desde as  súas propiedades químicas ata o seu  su papel na historia e na civilización humana.
XESTIÓN DE AUGA Zona interactiva da web de Sotavento cun programa para comparar o consumo de auga no baño co uso de mecanismos eficientes. Tamén se fai un estudo do sistema de recollida de augas pluviais da vivenda bioclimática.
USO CORRECTOS DA AUGA Animación flash sobre usos correctos da auga, creada polo Consocio do Principado de Asturias

O alumnado de 1º ESO A, en Proxecto Interdisciplinar, entrevistou ao político galego Xosé Manuel Beiras Torrado, que fixo un percorrido por moitos aspectos da súa vida.

Este traballo é unha colaboración da radio, Radio emBRIÓN e a revista do centro, Autopías.

Accede ao audio da entrevista

O alumnado de 2º de bacharelato entrevistou ao alcalde de Brión, José Luis García García, o pasado venres día 5 de abril.

Este traballo é unha colaboración da radio, Radio emBRIÓN e a revista do centro, Autopías.

Accede ao audio da entrevista

Ana Souto Villanustre, alumna de 2º de bacharelato escribiu o seguinte texto ao fío da nova "É irónico que teña que vir a EEUU estudar as literaturas da miña casa"  publicada en "El correo Gallego".

Sabela Pena, veciña de Ons e antiga alumna do centro, cruzou o gran charco para mergullarse nunha nova aventura nos Estados Unidos. Esta moza brionesa, licenciada en Filoloxía Hispánica pola USC, está traballando como profesora na Universidade de Bouler, actividade que compaxina coa elaboración da súa tese. A falta de opotunidades en España impulsouna a buscar alternativas e aceptou a oferta da gran potencia americana, aínda que sente a morriña da terra. Aqueles que ao igual que Sabela pasamos unha temporada fóra da casa, sabemos moi ben o que se sente. Viaxar, vivir novas experiencias, coñecer outros paises e facer amigos resulta algo tentador, pero a terra sempre se leva no corazón e o feito de estar fóra, ao mesmo tempo, tamen fai que un valore máis o que deixou atrás.

A Fundación Española para a Ciencia e a Tecnoloxía e o Ministerio de Educación, Cultura e Deporte co apoio de Obra Social “La Caixa”, pon en marcha Campus científicos de verán que ofrece a oportunidade de contactar coa labor investigadora nun ambiente universitario e multicultural, que  axudará a definir a proxección futura de estudos e poder disfrutar de actividades complementarias científico-culturales e de ocio ao alumnado de 4º de ESO e 1º de Bacharelato entre os días 30 de xuño e 27 de xulio de 2013.

As solicitudes deberán presentarse ata as 14:00 horas do día 25 de marzo.

Os interesados en participar en CCV 2013 deberán presentar a súa candidatura a través da web http://www.campuscientificos.es/ e deberán realizar as siguintes fases: Fase 1. Cumprimentar o formulario de solicitude.  Fase 2. Adxuntar a documentación requerida. Fase 3. Realizar unha proba de coñecementos on line.

Para a selección de candidatos os criterios son:

• Alumnado de 4º de ESO e 1º de Bacharelato.

• Alto rendimento escolar no curso académico 2011-2012 (nota media igual o superior a 7,50). Máximo 70 puntos.

• Proba de coñementos on line (nota media igual ou superior a 5). Máximo 30 puntos.

Animamos ao alumnado a participar nesta interesante proposta, asesorando ante calquera dúbida.