ALICIA

Alicia from IES de Brión on Vimeo.

"Alicia" é unha curtametraxe realizada no Taller de Cine o pasado curso 2015/16. Trátase dunha adaptación dun microrrelato de Patricia Sánchez Petruk. Desta volta sacamos a cámara do instituto e aventurámonos a traballar con nenos. Este traballo foi concibido e realizado integramente polo alumnado participante (guión, gravación, montaxe, música…). Ademais contamos coa axuda de moitas outras persoas que contribuíron a facer realidade este proxecto. Grazas a todas elas.

Save

Save

Save

Save

Como se fixo from IES de Brión on Vimeo.

NA PROCURA DO TALENTO DIXITAL

Un grupo de alumnos de 2º de Bacharelato do noso instituto foi premiado no concurso "Na procura do talento dixital" organizado por Dico Summit 2017 durante o 24 e 25 de xaneiro na Cidade da Cultura.

                                      Vía: Código cero

O concurso consistíu na procura de novos talentos a través da presentación breve dunha idea-concepto sobre un producto ou servizo innovador no campo dos contidos dixitais.

A proposta gañadora do 1º premio da modalidade "Mozo" foi "Read for speed", unha aplicación universal que busca a mellora do nivel de velocidade e comprensión lectora dos usuarios.

A nova na prensa:

Parabéns aos alumnos premiados!

Save

Save

FINALISTAS EN WISIBILÍZALAS

O equipo "Brión 2" resultou seleccionado entre os catro finalistas no concurso "Wisibilízalas" organizado pola Universitat Pompeu Fabra de Barcelona. O vindeiro 11 de febreiro, "Día da Nena e a Muller na Ciencia", coñecerase a orde dos finalistas.

Parabéns ao alumnado participante.

As páxinas web creadas son o producto dun proxecto interdisciplinar con alumnado de diferentes niveis que pretende visibilizar ás mulleres nas TIC, enmarcado no programa "Rapazas emprendedoras nas TIC" do Plan Proxecta.

Accede á nova en Twitter

Accede á nova en Facebook

Máis informacion sobre a participación nesta convocatoria

Save

Save

WISIBILÍZALAS

Alumnado das materias de TIC I de 1º de Bacharelato e Educación Plástica, Visual e Audiovisual de 4º de ESO participa en Wisibilízalas, unha convocatoria do  Departamento ETIC da Universidade Pompeu Fabra que presenta os seguintes obxectivos:

  •     Xerar reflexión nos institutos sobre a menor visibilidade das mulleres en ciencia e tecnoloxía
  •     Dar visibilidade a mulleres que traballan no ámbito das TIC
  •     Potenciar as referencias femininas no ámbito da ciencia e da tecnoloxía

A convocatoria consiste na creación dunha páxina web que describa a carreira de mulleres españolas contemporáneas que traballen no ámbito das TIC.

Podemos visualizar as propostas creadas polo alumnado premendo nas imaxes:

 

Save

Save

25 de novembro, Día Mundial contra a Violencia de Xénero.

O pasado venres conmemorouse o Día Mundial contra a Violencia de Xénero. No noso IES foron varias as iniciativas que se levaron a cabo para berrar, con máis forza se cabe que nos outros 364 días do ano, o noso rexeitamento a tódalas formas de violencia que sofren as mulleres e as nenas polo feito de selo.

Neste vídeo podedes ver o fantástico traballo do alumnado de 1º de Bacharelato da materia de Volume, feito coa colaboración do de Educación Plástica, Visual e Audiovisual de 4º de ESO.

Ao longo de todo o corredor da entrada temos carteis de cor morada no cal toda a comunidade educativa pode expresar os seus sentimentos, pensamentos, etc, sobre o machismo e a violencia de xénero.

No segundo recreo todo o alumnado, o profesorado e persoal non docente xuntámonos no patio para celebrar un pequeno acto de reflexión e de rexeitamento da violencia machista. Andrea Raña de 1º de ESO e María Gramunt de 1º de Bacharelato leron dous poemas relacionados co tema:

Ao longo de toda a mañá estívose proxectando no corredor que leva á sala de profesorado este audiovisual realizado polo alumnado de Educación Plástica, Visual e Audiovisual

E como non, tamén Radio emBrión quixo facer un programa especial. Nel participou Pilar Martínez, psicóloga dos Servizos Sociais do Concello de Brión, que charlou sobre violencia de xénero con Alba Gil de 2º de Bacharelato, Sara Molinos de 1º de ESO, Xosé Lois de 1º de Bacharelato e Manuel Fernández de 1º de ESO.

Nas semanas previas a esta data dende o Concello nos presentaron, nos distintos niveis da ESO, o Plan de Igualdade municipal. Tamén nas titorías se traballou no fomento da igualdade de xénero e o rexeitamento da violencia. Porque o 25 de novembro é unha data un pouco máis sinalada, pero no IES de Brión cremos en 365 días de respecto e igualdade.

JUVENES TRANSLATORES

Este ano 2016, o IES de Brión volve participar no concurso anual de tradución convocado pola Comisión Europea para promover a aprendizaxe  das linguas da UE e o entendemento entre culturas, no que a tradución xoga un papel central.

Haberá un ganador entre os nosos cinco concursantes? Saberémolo en febreiro. Sorte!

Para máis información:

http://ec.europa.eu/translatores/index_es.htm

https://www.facebook.com/translatores

Save

PROCESO ELECTORAL DE RENOVACIÓN DO CONSELLO ESCOLAR

As votacións para a elección dos representantes do alumnado no Consello Escolar celebráranse o vindeiro 23 de novembro a partir das 10:25 horas nas clases respectivas de cada grupo, a mesa de votación irá a cada grupo para que podan exercitar o seu dereito o voto.
As votacións para a elección dos representantes dos pais/nais no Consello Escolar celebráranse o vindeiro 23 de novembro. A mesa de votación estará colocada na entrada do IES de Brion de 18:00 a 21:00 horas.

Listaxe de candidatos ao Consello Escolar

A xunta electoral acordou a ampliación do prazo de presentación de candidaturas ao Consello Escolar para todos os sectores educativos ata o venres día 19 de novembro ás 12:00 horas

No documento adxunto preséntase o calendario do proceso electoral de renovación parcial do Consello Escolar, do cal se destacan as seguintes datas:

7-15 de novembro Prazo de presentación de candidaturas aos distintos sectores na Secretaría do Centro
Reclamación ao censo
17-18 novembro Reclamacións á proclamación de candidatos
19-novembro Resolución reclamacións
23-novembro VOTACIÓNS:
Profesorado.
Alumnado: Pola mañán nas clases
Pais/Nais: Pola tarde a partir das 18:00 horas ata as 21:00 horas
P.A.S.: Ás 14:00 horas

24-novembro

Proclamación e publicación de candidatos electos

O IES DE BRIÓN PRESENTE EN GALICIENCIA

Os días 16, 17 e 18 de novembro os alumnos de 2º de Bacharelato Lois Meira López e Christian Capeáns Pérez presentan o proxecto "Autómatas con capacidade de aprendizaxe" en Galiciencia 2016.

 

Galiciencia, a maior feira científica de Galicia, reune estes días en San Cibrao das Viñas (Ourense) un importante número de traballos de investigación e innovación desenvolvidos por estudantes de todas as idades.

Galiciencia é unha iniciativa de Tecnópole (Parque Tecnolóxico de Galicia).

Estar presentes nesta mostra supón para este proxecto, para o alumnado implicado, e para o centro educativo no seu conxunto, un novo recoñecemento logo do éxito acadado o pasado curso en DesafioSTEM. É ademáis unha oportunidade para compartir experiencias con outros centros nos que tamén se están a desenvolver metodoloxías de traballo que promoven os talentos e intereses do alumnado.

A nova en Código Cero

A nova en La Región (vídeo)

Galiciencia 2016 en Cadena Ser, no min 4:14 podemos escoitar aos alumnos do IES de Brión

Galiciencia en Telemiño (vídeo)

Galiciencia na páxina da FECYT

Save

Save

Save

DI K NON

O pasado martes 8 de novembro tivemos a visita dun grupo de persoas internas do centro penitenciario de Teixeiro  acompañadas de varios técnicos. O motivo da súa visita era contarnos, a través dunha representación teatral primeiro e logo a través do seu testemuño, as consecuencias que pode ter o consumo de drogas.

diknon_1


A actividade estaba prevista para 4º de ESO e 1º de Bacharelato mais cara o final da mesma incorporouse tamén 2º. Na aula de usos múltiples non collía ninguén máis e sen embargo o silencio era total. Todos, o alumnado e o profesorado que estabamos alí, estabamos impactados. (NOMES) son persoas coma nós, veñen de familias traballadoras como as nosas, estudaban nun IES coma o noso. Só que nun momento determinado non foron quen de dicir que non. A maneira, tan humana pero tan crúa ao mesmo tempo, de describir a súa experiencia creo que non se nos esquecerá en moito tempo.
O inicio en drogas mal chamadas “brandas”. As amizades que parecen tan sólidas e que cando tes problemas desaparecen. A necesidade de encaixar no grupo. Todas esas cousas que tantas veces repetimos nas charlas de orientación, en primeira persoa.
Como orientadora, e Ana como vicedirectora, non podemos estar máis contentas co resultado da actividade. E non só por parte das persoas internas que viñeron. Todas as alumnas e alumnos que alí estiveron tiveron un comportamento exemplar, fixeron preguntas do máis pertinente e cun grao de reflexión e de sensibilidade que, de verdade, fai sentir a unha moi orgullosa de traballar aquí.


E isto foi só a primeira parte. O martes 15 1º de Bacharelato participou nunha visita á Unidade Terapéutica Educativa de Teixeiro, na que están internas as persoas que viñeron ao Instituto. Lamentablemente, por motivos de seguridade, o número de persoas que poden participar é moi limitado. Gustaríanos moitísimo que todo o alumnado que estivo na representación puidera vir pero non é posible. Desa visita non haberá reportaxe fotográfica xa que as cámaras e móbiles están prohibidos, pero estou segura de que nas nosas cabeciñas traeremos moitas imaxes difíciles de esquecer.
Deixámosvos algunhas imaxes:


Para os que non participastes na actividade, e para os que si pero queredes coñecer máis da vida e o día a día das persoas internas na UTE, grabamos un programa especial en Radio emBRIÓN. Non o perdades, está cheo de curiosidades e de reflexións moi interesantes destas persoas marabillosas que levaron un cachiño dos nosos corazóns a Teixeiro.

radio_emBrion

https://radiodoiesdebrion.wordpress.com/2016/11/12/o-carcere-de-teixeiro-na-radio/

Sesións formativas para os novos usuarios da biblioteca. Curso 2016-17

Un ano mais, a biblioteca escolar Roberto Vidal Bolaño do IES de Brión convidou a todos os alumnos e alumnas de 1º da ESO a unhas sesións informativas co fin de divulgar entre o novo alumnado os servizos que ofrece a biblioteca a toda a comunidade educativa.

Estas visitas á biblioteca conducen aos estudantes ata un espazo que busca converterse nun centro de recursos para o correcto desenvolvemento do traballo académico e tamén para o tempo de lecer, a través do libro, a lectura e as novas tecnoloxías da información e a comunicación.

As charlas celebráronse este ano entra a última semana de outubro e a primeira de novembro. Cunha duración de aproximadamente 50 min., as sesións informaron aos novos usuarios da situación da biblioteca no centro, dos materiais dos que dispón e a súa organización, do sistema de clasificación e ordenación empregado, do acceso aos catálogos (OPAC) e dos servizos que ofrece (sala, empréstito a domicilio, acceso á internet, libros en formato dixital, etc.).

O alumnado aprendeu un pouco de historia do libro e das bibliotecas, a súa función na sociedade e a evolución destas cara un novo concepto: o de mediatecas; centros de recursos para a formación e a información e o aproveitamento do tempo de lecer, onde os novos soportes e medios de transmisión da información están casa día máis presentes.

O equipo de bibliotecas do centro foi o encargado de coordinar as visitas, que contaron coa colaboración do resto de docentes e dun técnico de biblioteconomía. Unhas sesións que ao longo do curso se complementarán con outras actividades de formación de usuarios.

Distribuir contido