A MÁIS LINDA
Enviado por admin o Dom, 27/05/2018 - 14:11
Catro alumn@s de 4ºA fixemos este corto inspirado no relato "A Máis Linda" do libro BONUS TRACK de Rosalía Fernández Rial. Forma parte dun proxecto que fixemos todo o alumnado sobre este libro na clase de galego. Divididos en grupos, cada grupo tiña que facer un traballo distinto sobre as diferentes historias de BONUS TRACK. O guión e a grabación realizáronse durante dúas sesións, e foi editado en casa.
Clara, Iria, Silvia e Javi.
SAÍDA 4º ESO 2017/18
Enviado por admin o Dom, 27/05/2018 - 12:56O pasado 24 de abril, o alumnado de 4º ESO iniciamos a nosa viaxe de fin de etapa, que este ano foi a Cantabria; na compaña dos profesores Nanina Santos, Suso Sambade e Noa Carrera, e grazas a organización de Carmen García. Poidemos desfrutar de distintas actividades, tanto lúdicas como culturais: as covas de Altamira e do Soplao, Santillana del Mar, Santander, o Parque da Natureza de Cabárceno, Fuente De, ademais do descenso en canoa do río Deva e o parque de aventura en árbores de Colombres. Foi unha experiencia inesquecible, aprendemos moito e pasámolo xenial!!
Saída do alumnado de 4º ESO 2017/18 from IES de Brión on Vimeo.
ACTO DE GRADUACIÓN DO ALUMNADO DE 2º DE BACHARELATO
Enviado por admin o Sáb, 26/05/2018 - 11:00
Foto: Lidia Quintela |
O pasado venres 25 de maio tivo lugar no IES de Brión o acto de graduación do alumnado de 2º de Bacharelato.
O director do centro entregou un diploma acreditativo da concesión de Matrícula de Honra ás alumnas Belén Moldes Pais e Carmela Vieites Figueiras, así como dez Mencións Especiais ao alumnado con excelente expediente académico.
Foto: Lidia Quintela |
Save
VOSTOK 9.
Enviado por admin o Ven, 25/05/2018 - 00:00Animación realizada por Simón García-Bodaño Vilaseco, Xosé Lois Piñeira e Martiño Lorenzo García na materia de Imaxe e Son (2º Bach).
PREMIOS NO XV CERTAME LITERARIO DE NARRATIVA E POESÍA DO CONCELLO DE AMES
Enviado por Anónimo o Lun, 14/05/2018 - 19:15
Na modalidade narrativa e categoría de 14 a 17 anos do Certame Literario do Concello de Ames foron premiados: Carmela Vieites Figueiras, alumna de 2º de Bacharelato, coa obra "Cristo en Esteiro". Daniel Souto Pazó, alumno de 3º de ESO coa obra "Contos repelentes para adolescentes". Parabéns! |
VISITA DESDE HONDURAS
Enviado por Agustín Vázquez... o Sáb, 12/05/2018 - 20:03Dentro do plan proxecta ” o mundo que queremos ” no que participa o IES de Brión o alumnado de 1º de ESO que xa tivo un obradoiro de fotografía, de radio e de teatro no que traballaron o que necesitamos para chegar a ese mundo que queremos, recibíu estos días a visita de dúas activistas hondureñas polos dereitos humáns, Érika García e Diana Guillén que acompañan a organizacións de mulleres, unha traballa con universitarias e a outra forma a mulleres obreiras das maquilas (fábricas de textil). Integradas no CDM (centro de dereitos de mulleres) que recibiron no ano 2004 o premio nacional de dereitos humáns. Despois pasaron por RADIO emBRIÓN para compartir o seu traballo e as súas experiencias a prol das mulleres no país centroamericano. Grazas por vir desde tan lonxe a estar có noso alumnado e parabéns pola vosa loita por un mundo mellor.
FINALISTAS NO FESTIVAL AUDIOVISUAL ESCOLAR OLLOBOI
A curtametraxe "Dúas Lúas" creada polo equipo de cine do IES de Brión e coordinada pola profesora Ana Cadenas foi seleccionada como finalista no Festival Audiovisual Escolar Olloboi, na categoría de Montaxe.
Parabéns ao equipo de traballo de cine pola nominación e polo traballo realizado ao longo do curso.
Dúas Lúas from IES de Brión on Vimeo.
1º PREMIO NO IV CONCURSO DE ROBOTS DA EEI
Enviado por admin o Sáb, 05/05/2018 - 12:12
O equipo "Brión 1" de 1º de Bacharelato acadou o 1º premio da súa categoría no IV Concurso de Robots da EEI de Vigo logo dunha reñidísima final con contrincantes de moito nivel.
Outros dous equipos de 4º ESO e 1º de Bacharelato chegaron á final logo de varias mangas das probas de segueliñas e sumo.
A organización da convocatoria otorgou ademáis ao IES de Brión un premio pola cantidade e calidade de equipos participantes no concurso.
Parabéns a todo o alumnado polo seu magnífico traballo!
Ver a nova en El correo gallego
Ver a nova no Diario da Universidade de Vigo
IV COMPETICIÓN DE ROBOTS
Enviado por luz o Mér, 02/05/2018 - 17:24O alumnado de 4º de ESO e 1º de Bacharelato do ámbito científico- tecnolóxico participa un ano máis na IV Competición de robots convocada pola Escola de Enxeñería Industrial da Universidade de Vigo.
Este curso a a competición celébrase durante a mañán do vindeiro 4 de maio e participan dous equipos de 4º de ESO de dous de 1º de Bacharelato entre un total de 183 equipos participantes.
DÍA INTERNACIONAL DAS RAPAZAS NAS TIC
Enviado por Anónimo o Lun, 23/04/2018 - 18:58O grupo de 1º de ESO A participa no Día Internacional das Rapazas nas TIC o xoves, 26 de abril de 11:00 a 12:30.
A actividade consiste nun coloquio virtual con varias mulleres emprendedoras, investigadoras e tecnólogas no eido das TIC, das que o alumnado participante dos centros galegos de secundaria e primaria poderá coñecer o seu día a día, preguntar calquera dúbida profesional ou as motivacións persoais que as levaron a traballar neste eido.
A actividade enmárcase no Plan Proxecta "Rapazas emprendedoras nas TIC" no que participa o centro desde o curso pasado e está organizada pola aula e-learning do CESGA.
- « primeira
- ‹ anterior
- …
- 27
- 28
- 29
- 30
- 31
- 32
- 33
- 34
- 35
- …
- seguinte ›
- última »