blogue desaberg

Bos días  rapazada, 

hoxe quero transmitirvos unha mensaxe de tranquilidade. Ao mellor moitos de vos xa o sabedes polos medios de comunicación (aínda que eu non escoitei nada máis que o relativo ás probas de acceso á universidade).Pois ben,  as Comunidades Autónomas xunto co Ministerio de Educación chegaron ao consenso de manter o calendario escolar tal e como estaba.  

Sei que se especulou moito nas redes sociais, sobre todo nas que  máis vos gustan, sobre si se ía ter que repetir curso ou si vos quedábades con menos vacacións. Agora xa tendes a certeza de que nada máis lonxe da realidade.

Ademais, a Conselleira de Educación, Carmen Pomar informa que tamén se acordou  avaliar o segundo trimestre co traballo desenvolvido ata a interrupción das clases presenciais e modificar os contidos e competencias básicas previstas para o terceiro trimestre. Estas modificacións abordaranse nunha xuntanza en abril. Ademais, decidiuse suspender este curso as probas de avaliación diagnóstica. Carmen Pomar agradeceu o esforzo que están a facer tanto docentes como familias para manter a poboación escolar activa e contribuír así á normalidade nesta situación excepcional.

Ola rapazada, 12 días de confinamento!!  Outro día máis quedaremos na casiña evitando que a curva de gauss de contaxios medre como a espuma.

Hoxe quería comentarvos que estou algo preocupada. Moitos de vos non vós agregastes ás classrooms. Igual pensades que ao non ser tarefas avaliables, son voluntarias. Iso non é así, as tarefas en si mesmas non terán unha cualificación, pero o contido que se traballa nelas vai ser avaliado no seu momento.  Polo tanto, é moi importante que vaides levando o traballo ao día, incluso pode darse o caso que se avance materia aínda que non en exceso.

Asemade, as correcións que vos fan os profesores e profesoras vai ser un aliciente no voso proceso de aprendizaxe, permitindo entender mellor os contidos, sabelos aplicar e superar os erros que cometades.

Si estás repetindo, si che quedou algunha na 1º avaliación ou se estás en 4º curso ponte as pilas canto antes, senon corres perigo de non ser quen de seguir o ritmo da clase cando te poñas ou que no momento da avaliación para a promoción de curso teñas serios problemas. Lembra que non ESTAMOS DE VACACIÓNS.

Unha aperta enoooooorme! 

A vosa orienta

Como sabedes, varios representantes de centros educativos do concello vimos de conformar a Asociación EspazoFamilias Boiro, coa finalidade de dar resposta á necesidade sentida polas comunidades escolares de promover novos espazos e tempos para o diálogo e a reflexión educativa entre dous axentes claves: a  Familia e a Escola. Entendemos que é  moi importante coordinarnos para  brindarlle ás diferentes familias a posibilidade de participar e compartir  actividades formativas que lles faciliten os coñecementos, as estratexias, os instrumentos e  o apoio  para facer fronte aos novos desafíos educativos da sociedade actual.

Sabendo que isto responde ao interese colectivo, queremos insistir na importancia da participación no vindeiro EspazoFamilias que terá lugar o 11 de abril "A adolescencia e drogas:  botellón e binge drinking, consumo de cannabis, novas sustancias psicoactivas/drogas facilitadoras do asalto sexual. Que debo saber como pai/nai" na Casa da Cultura Ramón Martínez López ás 18:00 horas.

Esperámosvos!