BO NADAL!!!!

Como este ano non podemos xuntarnos para facer o festival, en Outeiro decidimos facer unha actuación para despedir o trimestre e desexaros felices festas!

O tema central son as emocións e está feita en lingua de signos para traballar tamén a inclusión, porque non importa os impedimentos que atopemos, o importante é seguir adiante e conseguir o que nos propoñamos aínda que sexa doutra maneira... Xa sexan obstáculos polo Covid, por unha discapacidade... Polo que sexa!

Esperamos que vos guste e que pasedes un bo nadal, aínda que sexa diferente!

Esta semana no clube de ciencia tivemos unha sesión sobre aeronáutica, descubrimos os principios fundamentais de por qué os avións poden voar e experimentamos co fluxo de aire dun secador! 

Tamén probramos a crear os nosos deseños aerodinámicos: segundo nos iban explicando os profes probamos a crear distintos deseños de avións de papel para comprobar cal era o que voaba mellor. Incluso puidemos saír á praza a probar os nosos deseños. Preparados, listos... a voar!!

Esta foi a derradeira sesión do clube para este primeiro trimestre, á volta das vacacións de Nadal continuamos!!! Boas vacacións e felices festas!!

Ata a volta!

O pasado mércores 9 decembro tivo lugar a séptima sesión do club de ciencia. Nesta sesión inventigamos a cerca do funcionamento do noso cerebro e de como funcionan os nosos sentidos:

Estivemos traballando e aprendendo sobre os sentidos e o cerebro, que é un órgano moi curioso e súper importante! Fixemos un xgo de memoria visual a ver cantos obxectos dos que observamos éramos capaces de recordar  aos poucos minutos.

E elaboramos un taumatropo! Si,si, fixemos unha manualidade científica! Queres probar a facer un? Observa o seguinte vídeo:

Ata a próxima!

O pasado mércores 2 de decembro tivo lugar no noso cole a quinta sesion do club de ciencia onde seguimos experimentando e aprendendo moitas cousas sobre as cores:

Tal e como nos explica María no vídeo seguimos aprendendo da nosa percepción das cores e de como se presentan na natureza. E fixemos unha cromatografía experimentando con rotuladores e papel:

Sabías que a cor que vemos nos rotus é a mistura de moitas cores que están dentro dese rotu?? Claro! Porque na natureza non existen tantas cores!

Ata a próxima!

 Os nosos compañeiros e compañeiras de Rañó investigaron sobre a xerminación das sementes e fixeron este experimento científico:

 Cada un deles colocou a súa semente nun algodón empapado en auga dentro dun vaso, os vasos quedaron nun entorno de luz e calor nunha mesa da aula. Aos poucos días as sementes empezaron a agromar e foron testigos de como nacían as pequenas plantas.

Agora só hai que transplantalas á horta da escola e esperar que crezan moito. Sorte compañeiros e compañeiras!

As nenas e nenos de Capela Primaria están enchendo de ciencia os seus fogares realizando curiosos experimentos que logo comparten na súa aula cos seus compañeiros e compañeiras. Aquí vos deixamos unha pequena mostra:

"OVOS E AZUCRE"

 Camila explícanos como un ovo pode flotar nun vaso de auga se lle votas azucre, por que será? 

"FLORES MÁXICAS"

Que fermosas flores as que aparecen na fotografía verdade? Pois Virginia explícanos como se fan, porque aínda que te pareza increíble, non as pintou ninguén!! Virginia cóntanos que: se pintas un punto groso cun rotulador nun filtro, lle fas un burato polo que lle metes un churro de papel e o sumerxes en auga, a auga acaba mesturándose coa tinta formando estas preciosas formas.Ciencia ou maxia?

"VOLCÁN DE REFRESCO"

Camila móstranos o que ocorre se mesturas lavavaixelas con refresco de cola e bicarbonato, que susto! Sálvese quen poida!

E tí coñeces algún experimento que queiras compartir? Coméntallo a o teu profesor ou proferosa e comparteo coa túa aula.

Un saudiño, ata a próxima!