Hoxe no club estivemos falando do Camiño de Santiago, é un proxecto que estamos a desenvolver dende Voz Natura e pareceunos moi interesante aprender a cerca dos seres vivos relacionados co Camiño, falamos de seres vivos cos que nos podemos atopar se facemos algún dos Camiños a Compostela.

        

O principal foi falar da Cuncha do Peregrino, xa que é moi emblemática e coñecida en todo  mundo como un símbolo do Camiño en sí, e que é a cunhca dunha vieira. Un molusco bivalvo que podemos capturalo aquí na Ría de Arousa, e descobrimos que é chico e chica á vez, si si é hermafrodita!

 

        

Tamén descobrimos o lique, un ser vivo moi especial que cobre tanto as cortezas das árbores como á pedra dos edificios históricos que nos atopamos polo Camiño, incluso podemos atopalo na mismísima Catedral. Resulta que o lique é unha asociación entre un fungo e unha alga que viven colaborando entre eles. E xa por último coñecemos un animal moi curioso que vive nos entornos naturaris do Camiño de Santiago: a procesonaria, un gusano que cando se despraza forma unha ringleira tan ordenadiña que parece unha procesión! de ahí o seu nome, vive nas árbores aínda que a que máis lle gusta é o piñeiro. Se tedes can ou cadela tede coidado porque a procesionaria ten uns peliños que cubren o seu corpo que lle poden picar incluso facer ferida na boca.

Ata a próxima!

O pasado 19 de xaneiro tivemos a segunda xornada de formación no noso Club de Ciencia. Visitáronnos María e David de Arenaria para falarnos de "Recursos e didáctica de como tratar a temática do medio ambiente nas aulas de infantil e primaria". No noso centro sempre consideramos moi importante despertar a conciencia ecolóxica dos nosos alumnos e alumnas e María e David trouxéronnos e explicáronnos un montón de cousas para axudarnos a facelo.

   

Aprendimos un montón, plantexáronnos retos e por suposto puidemos experimentar!! 

    

Moitas grazas chicos !

Os nosos compañeiros e compañeiras de Rañó estiveron experimentando ca forza de empuxe dos líquidos. Crearon uns divertidos polbiños: a cabeza a construiron cun fragmento de palliña ao que lle puxeron ollos e os tentáculos fixéronos con clips de cores. Logo metéronnos nunha botella con auga e puxéronos a nadar.

             

O increíble era que cando apretabas a botella os polbiños subían e ao soltala os polbiños baixaban! Non paraban de nadar!! Ciencia ou maxia? Ciencia!! Claro que sí! Os polbiños flotan gracias a que as palliñas das súas cabezas conteñen algo de aire, ao apretar a botella pechada fai que o aire se comprima e os polbiños suben e baixan pola forza do empuxe exercida polo líquido.

A continuación mostrámosvos un vídeo coa pantasma que sube e baixa, funciona co mesmo principio e é moi doada de construir. Anímaste a experimentar ti tamén?

 

Ata á próxima!

 

Estimadas familias,

Neste mes de marzo, demos por rematado o SEGUNDO TRIMESTRE.

Unha vez finalizadas as vacacións de nadal volvemos de novo á rutina diaria. E un dos primeiros cambios co que nos atopamos na aula, foi unha nova organización dos equipos de traballo, polo que nos tocou escoller outra vez novos nomes para cada equipo logo de dialogar e pensar cal nos gustaba máis, e a continuación decantarnos tamén por novas imaxes para  asignarlle a cada un dos equipos.

 

O resultado foi o seguinte: 

                                                                            

Unha vez estruturados os novos equipos, durante estes meses  seguimos avanzando na adquisición de novos aprendizaxes.

Así pois, en relación ao proceso da LECTOESCRITURA e ao coñecemento das LETRAS e a CONCIENCIA FONOLÓXICA, levamos a cabo actividades e xogos que nos axudan a interiorizar aspectos como a identificación das letras e o seu son, a lonxitude das diferentes palabras, compoñer outras palabras partindo das letras iniciais... En canto á súa representación gráfica, cabe sinalar tamén que os/as máis maiores comezamos de forma lúdica a recoñecer o trazo das letras minúsculas e a escribir palabras con dita grafía.

 

Nas seguintes fotos podedes ver algúns exemplos de ditas actividades.

 

              

 

              

 

             

 

             

 

                                    

 

 

                    

 

                    

 

                   

 

                                                       

 

 

 De igual xeito, tamén progresamos nos conceptos LÓXICO-MATEMÁTICOS, a través de xogos e de actividades manipulativas, traballando diariamente a serie numérica, o conteo, a correspondencia entre grafía e cantidade, as equivalencias, os amigos do 10, as familias dos números, a suma...

 

 

               

 

              

 

              

 

                                    

 

 

                   

 

                    

 

                                                             

 

                     

 

 

 

No que respecta ao noso TALLER DE GRAFOMOTRICIDADE CREATIVA experimentamos cos TRAZOS horizontais e verticais. E ademais seguimos coa identificación e a representación das figuras xeométricas básicas (círculo, cadrado e rectángulo). Tamén fixemos mesturas de cores.

 

                     

 

                                                         

 

                                                          

 

                                                         

 

                    

 

                                                      

 

                                                      

    

 

No primeiro trimestre, iniciamos as nosas investigacións en relación ao noso Proxecto Documental Integrado (PDI), que este curso como xa sabedes, xira en torno aos contos e leva como título “Fíos de palabras (contos impresos e de tradición oral)”. Así pois, neste segundo trimestre, afondamos máis no coñecemento dos libros e os contos parándonos a observar cales son as súas partes: portada, contraportada, follas...; onde está o título; quen é o autor/a do conto; personaxes...

 Falamos tamén dos escritores e escritoras que son os encargados de inventar e escribir os libros e os contos, e descubrimos que antes a forma de escribir e editar ditos libros e contos era completamente diferente a como se fai na actualidade. Chamounos a atención que fai moitos anos os escritores/as escribían con plumas e con tinta. Logo pasaron a empregar máquinas de escribir. E con respecto a isto, tivemos a oportunidade, gracias a unha mestra doutra escola do CRA, de ter e de empregar durante unhas semanas unha MÁQUINA DE ESCRIBIR, coa que puidemos escribir de forma espontánea e nos gustou moito empregar.

 

 

                                  

 

                                  

 

Por outra parte, aproveitando a temática de dito proxecto tamén traballamos a LINGUAXE ORAL e a CREACIÓN DE HISTORIAS imaxinando que nos somos como eses escritores/as que inventan contos e para iso empregamos algún que outro recurso como por exemplo os STORI CUBS. Dito recurso consiste nun xogo que contén varios dados, dos cales escollemos un número determinado, (no noso caso comezamos collendo só dous dados) e lanzamos. A continuación inventamos unha pequena historia empregando as ilustracións que saíron nas caras dos dados. A partir desta actividade decatámonos de que temos unha gran capacidade de invención e de imaxinación e pasámolo moi ben dándolle renda solta!

 

 

                                   

 

 

 O presente curso, todas as escolas do CRA volvemos a ser partícipes  no PROXECTO VOZ NATURA, como en anos anteriores. Dito proxecto este ano céntrase en fomentar actividades de protección e recuperación do entorno natural do Camiño de Santiago. Así pois, a partir do conto “Bo camiño Valentiño”, cada aula abordamos as distintas etapas da Ruta do Mar de Arousa e Río Ulla, centrándonos a investigar os seus espazos naturais e zonas de interese. No noso caso, tocounos afondar nos concellos de Ribeira e a Pobra do Caramiñal, centrándonos concretamente en tres dos espazos naturais máis importantes das zonas: o Complexo dunar de Corrubedo e lagoas de Carregal e Vixán, e o Faro de Corrubedo (en Ribeira); e as Pozas do río Pedras (na Pobra do Caramiñal). Logo de buscar información e imaxes en internet, descubrimos que moitos de nós xa coñecíamos eses sitios, pois estivemos de visita en algunha ocasión coas nosas familias.

 

                                      

 

                                                            

 

 

 Ao longo do trimestre tampouco nos esquecemos de festexar os ANIVERSARIOS dos nenos/as que cumpriron un ano máis. E para iso, continuamos levando a cabo o RITUAL da “celebración da vida”, ao estilo Montessori.

Esta celebración síguenos resultando moi especial e gústanos moito compartir cos nosos/as compañeiros/as momentos moi significativos da nosa vida, a partir das fotos que lles ensinamos e nas que analizamos con detalle todos os cambios que se produciron dende o momento do noso nacemento ata o día de hoxe.  

Neste día tan especial o momento máis desexado segue a ser o momento no que o neno/a que está de aniversario recibe unha pequeniña sorpresa que ten que coller na “nosa caixa misteriosa”. É un momento que nos intriga moito e ao mesmo tempo nos fai moita ilusión!

 

              

 

              

 

              

 

                                    

 

 Outro aspecto co que estamos moi orgullosos/as na aula e que seguiu tendo moi bos resultados durante este segundo trimestre, é co noso PANEL do “CLUB DA FROITA”. Dito panel foi colocado na aula a comezos de curso para tratar de concienciarnos da importancia que ten o consumo de froita no noso día a día, e aínda que non a todos/as nos gustan da mesma forma, todos/as estamos intentando acompañar as nosas merendas diarias cunha peza. Cada día levamos a cabo un rexistro, sempre e cando comemos a peza de froita que traemos, e tanta é a nosa motivación que xa houbo varios compañeiros/as que conseguiron completalo xa non só unha primeira vez, senón que xa van pola segunda vez, e con ganas de chegar a unha terceira.  Como recompensa a dito logro recibimos unhas medallas moi particulares e uns rotuladores que olen a froitas!

 

 

                                                 

 

                                                 

 

 

 

Como xa comentamos na publicación do primeiro trimestre, este curso sen dúbida unha das cousas que máis botamos de menos son as xuntanzas e as xornadas en conxunto co resto de escolas do CRA, así como tamén as saídas e excursións que tanto nos gustaban.

Pero a pesar das limitacións que estamos tendo, este trimestre tamén tivemos a sorte de poder pasar unha xornada diferente na BIBLIOTECA DE DANIEL.

Dita xornada estivo dividida en dúas partes.

Durante a primeira parte estivemos na Biblioteca descubrindo cousas sobre o Camiño de Santiago a partires do conto “Bo camiño, Valentiño” que nos representou a profe Carla e que nos encantou, e tamén sobre as diferentes etapas da Ruta do Mar de Arousa e Río Ulla. En relación a isto fixemos uns puzzles con motivos relacionados cos personaxes do Xacobeo. A continuación descubrimos que na biblioteca hai unha impresora 3D e estivemos vendo como é o seu funcionamento, e a profe Carla fíxonos entrega duns chaveiros coas nosas iniciais elaboradas na propia impresora que levamos de recordo.

Unha vez rematada a actividade da biblioteca, tivemos unha hora para merendar e para xogar libremente.

Posteriormente durante a segunda parte da xornada, o profe Mario e Javi (mestre de Taekwondo en Boiro) tíñannos preparada unha clase na que estivemos aprendendo diferentes exercicios técnicos e tamén fixemos diversos xogos onde o pasamos en grande.

 

                                                     

 

                      

 

                     

 

                     

 

                                                       

 

                     

 

                                                       

 

 

Por outra parte como debido ás restricións as sesións presenciais do CLUB DE CIENCIA se viron afectadas durante unhas semanas, tomouse a decisión de recuperalas de forma excepcional con sesións dentro das aulas.

 

Así pois, durante unha xornada os profesionais de Arenaria desprazáronse ás escolas para levar a cabo unha sesión científica onde puidemos gozar de diversos experimentos, así como de interesantísimas explicacións acerca de especies mariñas, etc.

 

                                  

 

Durante este segundo trimestre tamén levamos a cabo algunha que outra CELEBRACIÓN e CONMEMORACIÓN.

 

Así pois no mes de febreiro, o Toribio apareceu na escola coas súas comandas para dar paso á celebración do ENTROIDO. Durante esa semana tiñamos que asistir vestidos/as dunha forma moi peculiar obedecendo as súas ordes. Xa para rematar, o venres de entroido pasamos unha xornada moi animada, pois asistimos disfrazados/as ao colexio, e durante a xornada levamos a cabo un taller de decorado dos nosos propios retratos, onde quedou demostrado que somos uns/unhas artistas!! E para repoñer enerxías gozamos dunha rica merendola a cargo de doces caseiros, etc. proporcionados polas familias.

 

            

 

            

 

            

 

             

 

             

 

             

 

            

 

           

 

                                 

 

 

                   

 

                                                        

 

 

Por outra parte o día 24 de febreiro tamén CONMEMORAMOS o día do nacemento de ROSALÍA DE CASTRO, sen dúbida unha das escritoras máis representativas e importantes da nosa literatura.

 

 

                                     

 

Outro acontecemento de gran relevancia que tivo lugar na nosa aula durante este trimestre, foi a aparición dunhas mascotas moi peculiares: VERMIÑOS DE SEDA.

A comezos do mes de marzo, unha mestra doutra escola do CRA dounos ovos de vermes de seda dos cales aos días vindeiros comezaron a saír vermiños. Dende o primeiro momento nos fixo moitísima ilusión telos, e comezamos a facernos moitísimas preguntas acerca de como coidalos, que darlles de comer, a súa evolución ata converterse en bolboretas...

Rapidamente algúns/algunhas compañeiros/as tamén asociaron e lembraron que na aula temos un conto no que precisamente a protagonista é unha eiruga e quixemos volver lelo para recordar cal era a evolución do seu ciclo vital. Dito conto titúlase “Unha eiruga moi larpeira” e o seu autor é Eric Carle.

Pero a partir da lectura do conto, comezamos a ter algunha contradición e algún debate, sobre todo con respecto á alimentación das eirugas, pois a protagonista do conto tiña unha alimentación moi variada, e preguntámonos se os nosos vermiños tamén poderían comer tantos alimentos. Para resolver todas as dúbidas que nos invadían decidimos buscar en internet información acerca dos vermes de seda. Visualizamos pois diferentes vídeos en Youtube nos que explicaban con detalle o ciclo vital dos vermes, e nos cales tamén puidemos ver que o principal alimento dos vermes de seda son as follas dunha árbore chamada Moreira.

 

Así pois, unha vez que resolvemos todas as nosas dúbidas estamos moito máis tranquilos/as  e preparados/as para coidar aos nosos pequenos vermes e sorpréndenos ver día a día o rápido que van medrando!

 

                                    

 

 

                     

 

                    

 

                                                        

 

 

Durante este segundo trimestre tamén lle dedicamos especial atención ao noso BENESTAR EMOCIONAL. Así pois, incidimos moito na importancia de recoñecer as diferentes EMOCIÓNS que nos invaden en diferentes momentos e da importancia de saber XESTIONALAS e CONTROLALAS dunha forma axeitada.

Sabemos pois que hai diferentes emocións e que non todas elas nos fan sentir da mesma forma. Nas asembleas que abordamos este tema, sempre coincidimos que por exemplo cando sentimos Alegría, ou Calma, nos sentimos ben, mentres que polo contrario cando sentimos por exemplo Medo, Rabia, ou Tristeza as nosas sensacións non son tan boas. Sen embargo coincidimos en que é normal sentir calquera desas emocións e incluso beneficioso aínda que nun primeiro momento nos pareza que non, pois por exemplo cando sentimos Medo, dita emoción en determinadas ocasións estanos a protexer de posibles perigos.

Por outra parte, tamén recoñecemos que cando nos enfadamos ou nos sentimos tristes, é moi necesario e beneficioso contar e transmitir o que nos pasa, e o motivo de porqué nos sentimos así para liberar esa tensión ou angustia que nos está facendo dano.

Outro aspecto fundamental para o noso benestar emocional e que tamén o estamos traballando sempre, é o feito de pedir perdón e saber perdoar, cando por exemplo xorde algún conflito entre nós. Independentemente de que nos sintamos feridos/as ou molestos/as temos que saber dialogar e chegar a acordos para solucionar ditos conflitos, e para iso é moi importante que as partes implicadas manifesten como se senten e que nos escoitemos os uns/unhas aos outros/as e sexamos capaces de poñernos no lugar dos demais, demostrando así Empatía. A xestión de forma axeitada das nosas emocións propiciará un ambiente máis tranquilo e cálido no que todos/as nos sentiremos máis cómodos/as.

 

Así pois, todo isto tratámolo diariamente sobre todo a través das asembleas nas que expoñemos como nos sentimos. Pero a maiores tamén levamos a cabo algunha que outra actividade máis concreta como por exemplo a do “Reloxo das emocións” que consiste en escoller tarxetas, nas que se describen determinadas situacións que calquera de nós pode vivir no seu día a día, e tratar de identificar que emoción ou emocións nos faría sentir dita situación. (Exemplo: Raquel está xogando coa súa prima e esta pídelle que lle deixe o seu xoguete favorito, Raquel déixallo sen problema pero cando súa prima está xogando con el rómpelle. Como se sentirá Raquel?).

 

           

 

           

 

           

 

 

 

E xa para rematar o trimestre, durante a última xornada de cole, reunímonos cos nenos/as da aula de primaria para levar a cabo unha actividade que nos facía moita ilusión: elaborar as nosas propias BOTELLAS DA CALMA. Quedaron moi chulas! 

 

            

 

            

 

                                   

 

 

                  

 

                                                     

 

Vémonos á volta das vacacións, coas enerxías renovadas e dispostos/as a seguir gozando dos bos momentos que nos quedan por compartir!!

 

 

 

MARTIÑO, LUCAS, ANDER, MARTINA, CANDELA, LUCÍA, MARTÍN, MANUEL E THIAGO
RECITAN  "CROCODILO" E  "CINCO" , DE ANTONIO RUBIO E ÓSCAR VILLÁN.

Editorial: Kalandraka (Colección Do Berce á Lúa )

Música: Aida Saco

Proxecto: "Fíos de palabras. Contos impresos e de tradición oral"

Seguindo o Decreto 38/2021, do 4 de marzo, polo que se ditan normas para garantir os servizos esenciais durante a folga convocada para o día 8 de marzo de 2021, a dirección do CRA de Rianxo anuncia a designación nominal do persoal que debe cubrir os distintos servizos o luns, día 8 de marzo de 2021 para así garantir a seguridade e a protección da saúde dos menores.

• Persoal de limpeza: todo o persoal de limpeza

• Membro do equipo directivo: María Vázquez de la Iglesia

• Persoal docente:

  • Escola de Quintáns: Paula Iglesias Suárez.

  • Escola de Rañó: Baltasar Figueiras Martínez.

  • Escola de Abuín: Ana Alicia Castro Moares.

  • Escola de Pazo: Raquel Ferreiro Mareque e Noelia Castiñeiras Seco.

  • Escola de Capela: Verónica Triñanes Rial e María José Mansilla Romero.

  • Escola de Outeiro: Laura Álvarez Barreiro.

  • Escola de Cruceiro: María Teresa Lourenzo Outeiral e Carla Elisabet Morano Rodríguez.

  • Escola de Cuvide: Lucía Hevia Trepat.

A Semana do 8 ao 12 de Marzo, entre outras actividades, dedicaremola ao Día Internacional da Muller e á Semana da Prensa.

 

                       

8 de marzo, Día da Muller Traballadora

8 de marzo, Día da Muller Traballadora