CONVOCATORIA DAS BOLSAS MUNICIPAIS PARA MATERIAL ESCOLAR. CURSO 2021-22.

O Concello de Rianxo publicou as bases para a convocatoria das bolsas municipais para material escolar do curso 2021/2022.

Tedes toda a información no seguinte enlace:

https://concelloderianxo.gal/servizossociais

 

COMUNICADO DA COMUNIDADE EDUCATIVA DO CRA DE RIANXO

O seguinte comunicado sairá en prensa ao longo do día de hoxe e nos vindeiros días:

"A comunidade educativa do CRA de Rianxo quere amosar mediante este comunicado o total rexeitamento ás medidas de supresión de postos de traballo e unidades recollidas na Orde do 22 de xullo de 2021 pola que se modifican as unidades e os postos de traballo docentes dos centros públicos dependentes desta consellería nos niveis de educación infantil, educación primaria e educación especial.

O centro foi coñecedor destas supresións a través da publicación desta orde no DOG o 6 de agosto de 2021, sen previo aviso nin comunicación por parte da Administración.

As supresións consistirán na eliminación da praza de Pedagoxía Terapéutica e dúas titorías de Educación Primaria.

A día 12 de agosto de 2021 non hai información nin instrucións con respecto da situación na que quedan o alumnado e profesorado. Non somos coñecedores de feitos tan concretos como se o alumnado continúa no CRA de Rianxo, tendo que xuntar aulas, ata o de agora independentes, que acadarían unha ratio moi elevada e na que hai varios casos de alumnado con necesidades específicas de apoio educativo; ou habería que reubicalos nos centros próximos do concello, xerando unha gran preocupación nas familias. Con respecto aos tres docentes suprimidos tampouco temos coñecemento de se deben concursar a 1 de setembro de 2021, facéndoo en condicións desiguais ao resto do profesorado suprimido, ou se este curso seguirán formando parte do CRA de Rianxo.

No curso 2021-2022 o total de alumnado matriculado no centro é de 116 alumnos/as, similar ao dos cursos anteriores, e esta perda significativa de docentes non permite garantir a educación de calidade que nos gustaría que recibise todo o alumnado, así como a atención personalizada e individualizada que precisa cada neno/a para ir aprendendo ao seu ritmo. Dende o conxunto da comunidade educativa do CRA de Rianxo facemos un chamamento á Administración Educativa para reverter e deixar sen efecto ás medidas anunciadas no DOG do día 6 de agosto de 2021.

 

 

En Rianxo, a 12 de agosto de 2021

ANPA, familias e Claustro do CRA de Rianxo e Concello de Rianxo"

 

Cousiñas do noso CRA 2021

Un ano máis, entre todo o alumnado e profesorado do CRA de Rianxo ilustramos e deseñamos a revista escolar "Cousiñas do noso CRA", esperamos que vos guste. Agora que este curso chega ao seu fin, dende o E. D. L. G. queremos agradecervos o esforzo realizado neste ano tan complicado e desexamos que pasedes un moi bo verán.

LISTADO LIBROS DE TEXTO 2021-2022

Publícase a lista dos libros de texto que se empregarán en Educación Primaria no vindeiro curso 2021-2022.

Convocatoria do Fondo Solidario de libros de texto, axudas para a adquisición de libros de texto e material escolar para o alumnado matriculado en educación primaria. Curso 2021-2022

Orde do 6 de maio de 2021 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos, para o curso escolar 2021/2022 (código de procedemento ED330B).

Prazo de presentación de solicitudes: do 21 de maio de 2021 ao 22 de xuño de 2021.

As solicitudes presentaranse no centro onde o alumno/a estea matriculado no vindeiro curso 2021-2022. Os nenos/as que marchan este ano deberana entregar nos centros receptores.

Horario de presentación das solicitudes na sede do CRA de Rianxo (Asados):martes de 12:30 - 14:00 h; mércores de 09:30 - 14:00 h; venres de 12:00 a 14:00 h.

Modalidade de presentación de solicitudes:

  • Por vía electrónica:

              Mediante a aplicación informática "fondolibros"

  • Por vía presencial, no centro:

              Enlace ao documento: Anexo I e Anexo II

              Enviaranse estes anexos ás escolas mediante as titorías.

 

 

Máis información na seguinte ligazón

9 DE MAIO DE 2021: DÍA DE EUROPA

 

Ao longo de esta semana estivemos conmemorando o Día de Europa, que se celebrará o vindeiro 9 de maio.

Achegamos ao alumnado a Europa empregando pezas de construccións; as cales fomos descompoñendo ata descubrir os diferentes paises.

Simbolizamos o noso pais e a nosa comunidade con distintas pezas, ata descubrir a nosa localidade: Rianxo.

Para finalizar estivemos investigando sobre algúns dos monumentos máis caracteristicos de Europa: Catedral de Santiago, Torre Eiffel, Átomo de Bruselas...

 

 

Distribuir contido