Skip to Content

Plan Proxecta

Fotos e vídeos da exposición interactiva de robótica en Infantil e Primaria

Vista xeral do ximnasio

O venres 26 de abril o alumnado implicado neste gran proxecto, despois de ter montado e programado diferentes robots na aula de tecnoloxía, fixemos unha demostración práctica e interactiva aos compañeiros/as de infantil e primaria.

Foi unha forma máis de empatizar cos profesores. Fomos un día antes para preparar e organizar o espazo e as actividades. Dividímonos en catro pequenos grupos aos cales asignamos unha tarefa. Había catro seccións:

  1. Funcionamento de programación Scratch con mBlock e un pequeno xogo, o comecocos.
  2. Ensinar o funcionamento da aplicación móbil que permitía controlar o robot.
  3. Circuíto de obstáculos bastante complexo.
  4. Carreira de velocidade con dous robots diferentes e un segue liñas automático.

Ao principio, nós rotabamos cada certo tempo pero logo, decidimos unirnos a un grupo asignado anteriormente e rotar xunto a eles. Aos máis pequenos o que máis lle gustou era escapar do robot mentres este perseguíaos e tamén poder cambiar a cor e pórlle son de animais a un panda no programa. A medida que ían chegando cursos de máis idade, os seus gustos cambiaban. Gustáballes máis poder participar eles controlándoos ou guiándoos ao seu destino.

As nosas propostas para próximas veces son: rotar cada certo tempo para non aburrirse nunha mesma sección, pero non rotar co mesmo grupo, xa que é mellor ver distintas idades e opinións; diminuír o uso das pilas ou facerlle un soporte que evite que caian se o robot vira ou envorca; organizar máis e con máis tempo os horarios; buscar máis actividades para os maiores (6º primaria e ESO) porque había seccións que eran menos atractivas para estes alumnos. Por exemplo, os da ESO xa sabían o funcionamento do programa de computador e por iso non era unha actividade interesante para eles.

A parte dos robots, tamén poderiamos introducir outras máquinas como o dron, unha máquina adaptada para o ser humano (kart) e innovacións creativas que impresionen ao alumnado deste colexio.

Pódense ver todas as imaxes e vídeos dese día aquí ou picando na imaxe do inicio.

Por Carla e Álex (4º da ESO)

Premiad@s no concurso autonómico #ApuntasTech?

Premio!!!!

Como remate ao Plan Proxecta "Rapazas emprendedoras nas TIC", no que participou moi activamente o alumnado de 4º da ESO, desenvolvendo un gran número de actividades e implicando a modificación da dinámica lectiva de todo o centro, presentouse a un concurso autonómica organizado polo CESGA (Centro de Supercomputación de Galicia) un documento recollendo parte do traballo desenvolvido no proxecto, nomeadamente o relacionado co tratamento motivador da programación e a robótica no día a día das clases. Este concurso, denominado #ApuntasTech?, que coincidiu coa celebración do Día Internacional das Rapazas nas TIC, contaba con varias categorías. O alumnado de 4º da ESO participou, en colaboración cos profesores e profesoras colaboradores no programa, na sección de centros.

Despois dunha xornada na que, a través dunha retransmisión por streaming dun diálogo con catro mulleres galegas que desempeñan profesións en ámbitos tipicamente masculinos, procedeuse á proclamación dos gañadores nos diferentes apartados. E aquí chegou a magnífica nova: PREMIAD@S!!! Ao final, gracias aos alumnos e alumnas de 4º da ESO, o centro foi premiado cun Accesit polo proxecto "Pequenos códigos para as nosas pequenas".

Accesit

Noraboa ás gañadoras e gañadores polo seu traballo, implicación e paciencia por todo o labor feito durante todo o proxecto. Moitas gracias a Sheila, Brais,Paula, Yaiza, María, Ana, Suárez, Lidia, Iria, Inés, Alba, Álex e Isma, e tamén Carla, que este día non estaba no centro e non saíu na foto.

Premiados

Rapazas emprendedoras nas TIC

Este ano, dentro do Plan Proxecta promovido pola Consellería de Educación, Universidade e Formación Profesional, un grupo de alumnas e alumnos de 4º da ESO, están a participar no programa "Rapazas emprendedoras nas TIC".

O obxectivo é promover o emprendemento nas TIC e que se coñezan realidades actuais de mulleres que desenvolven a súa actuación en ámbitos relacionados coas novas tecnoloxías. Ademais, tendo en conta a dinámica social actual, de cambios moi importantes cara a igualdade de oportunidades e de concienciación da equiparación de aptitudes sen importar o xénero, considérase moi interesante integrar, dende idades temperás, estes valores no alumnado, nomeadamente nas alumnas, sobre todo para promover unha idea de futuro profesional e o camiño formativo necesario para lograr esa meta.

Para acadar tal fin, estanse a desenvolver diferentes actividades, elaboradas polo alumnado participante, para promocionar o emprendemento entre as alumnas de secundaria a través das tecnoloxía da información e da comunicación e fomentar a participación activa das mulleres na creación de contidos e aplicativos coas tecnoloxías actuais. A finalidade última é tomar conciencia da igualdade de capacidade das mulleres nas disciplinas STEM (Science, Technology, Engineering e Mathematics)

Aínda que o programa se desenvolve todo o curso académico, estableceuse un ciclo de "Muller e ciencia" entre o 11 de febreiro (Día internacional da muller e a nena na ciencia) e o 8 de marzo (Día internacional da muller) no que se realizarán as actividades que se poden ver no seguinte tríptico:

Mes da muller e a ciencia no CPI Pecalama 

Información máis detallada sobre as actividades e as fotos dos diferentes traballos se poderán ir visionando facendo clic aquí.

Plan proxecta

 O Plan Proxecta é unha iniciativa da Consellería de Cultura, Educación e Ordenación Universitaria, en colaboración con diferentes organismos, dirixida a fomentar a innovación educativa nos centros a través de programas educativos que desenvolvan as competencias clave como eixe do currículo e os elementos transversais, nos cales se inclúe a educación en valores.

Clica na imaxe

Distribuir contido


by Dr. Radut