Plan Dixital

Histórico Plan Dixital de Centro

Sáb, 09/11/2024 - 20:29 — admin

Sección onde se pendurarán os Plan Dixitais dos diferentes cursos académicos

Charlas sobre seguridade en internet dentro do Plan Director

Ven, 12/01/2024 - 16:26 — admin

O venres 12 de xaneiro, e dentro do marco do Plan Director, o alumnado da ESO recibiu dúas charlas sobre seguridade e privacidade na rede.

Picade nas imaxes para velas en grande

PLAN DIXITAL

Guías de mellora da competencia dixital

Sáb, 20/05/2023 - 16:37 — Jorge

Como resultado do desenvolvemento do Plan Dixital de Centro, e coa finalidade de mellorar a competencia dixital da comunidade educativa do centro, elaboráronse as seguintes guías que poden servir de formación e información sobre as seguintes temáticas: Ciberseguridade e Licenzas de autoría de materiais e contidos.

Premendo no botón correspondente, accédese ás mesmas.

Imaxe do botón de acceso á guía de ciberseguridade

Imaxe do botón de acceso á guía de licenzas de autoría

Charla sobre a "Seguridade nos dispositivos móbiles"

Xov, 11/05/2023 - 16:58 — Jorge

O xoves 11 de maio, dentro das actividades que se desenvolven no marco das accións do Plan Dixital de centro, e como actuacións tamén vencelladas ao Plan Proxecta de “Rapazas emprendedoras nas TIC”, acudiu ao centro Cristina López Bravo a impartir unha charla sobre Seguridade nos dispositivos móbiles ao alumnado de 3º e 4º da ESO.

Resultou unha conferencia moi interesante sobre a seguridade que hai que ter nos dispositivos móbiles. Explicou que os dispositivos móbiles son ordenadores portátiles que se conectan a Internet e que poden almacenar e transmitir datos confidenciais. Por iso, é moi importante protexelos das ameazas de ciberseguridade que poden poñer en risco a nosa privacidade e a nosa información.

Algúns dos aspectos que sinalou foron os seguintes:

Sistemas de bloqueo do dispositivo: é fundamental activar un sistema de bloqueo do dispositivo, como un código PIN, un contrasinal, un patrón ou un método biométrico (pegada dactilar, recoñecemento facial, etc.). Isto impide que alguén poida acceder ao noso dispositivo se o perdemos ou nolo rouban
Phishing e smishing: son técnicas de engano que buscan obter os nosos datos persoais ou bancarios mediante correos electrónicos ou mensaxes de texto falsos que simulan ser de entidades ou servizos lexítimos. Apuntou que hai que estar atentos e non facer clic en enlaces sospeitosos nin facilitar información sensible sen verificar a fonte.
Instalación segura de aplicacións: débense descargar e instalar só aplicacións de fontes oficiais ou de confianza, como as tendas de aplicacións do noso sistema operativo. Tamén hai que revisar os permisos que solicitan as aplicacións e denegar aqueles que non sexan necesarios ou razoables para o seu funcionamento.
Boas prácticas de mantemento do dispositivo: é imprescindible manter o noso dispositivo actualizado coas últimas versións do sistema operativo e as aplicacións, xa que adoitan incluír melloras de seguridade. Tamén é necesario realizar copias de seguridade periódicas dos nosos datos para evitar perdelos en caso de roubo, perda ou avaría do dispositivo. Por último, aconsellou non conectarse a redes wifi públicas abertas, salvo que o fagamos a través dunha rede privada virtual (VPN), xa que, de non facelo así, a nosa conexión non está cifrada.

Sinalou estes consellos para mellorar a seguridade dos dispositivos móbiles e evitar moitos problemas. Esperemos que pouco a pouco, vaiamos facendo os nosos dispositivos máis seguros!!!

(Clica na imaxe para ver as fotos da xornada)

PLAN PROXECTA PLAN DIXITAL

Charla sobre a "Iniciación á pegada dixital"

Mar, 25/04/2023 - 18:36 — Jorge

Sabes que é a pegada dixital e como che afecta? O pasado venres, os alumnos e alumnas de 3º e 4º da ESO tiveron a oportunidade de aprender máis sobre este tema na charla “Iniciación segura á pegada dixital”, impartida por Nacho Álvarez, responsable de concienciación en Govertis.

A pegada dixital é o conxunto de datos que deixamos en internet cada vez que usamos algún servizo ou aplicación dixital. Estes datos poden ser recompilados de forma pasiva, sen que nos deamos conta, ou de forma activa, cando os compartimos voluntariamente. Por exemplo, cando subimos unha foto a Instagram, estamos a deixar unha pegada dixital activa, pero tamén cando navegamos por unha web ou usamos unha app, estamos a deixar unha pegada dixital pasiva.

A pegada dixital forma parte da nosa identidade dixital, é dicir, a imaxe que proxectamos de nós mesmos no mundo virtual. Esta imaxe pode ser positiva ou negativa, dependendo de como xestionemos os nosos datos e a nosa privacidade. Ademais, a pegada dixital ten unha característica moi importante: a permanencia. Isto significa que os datos que deixamos en internet non se borran facilmente e poden ser accesibles para outras persoas ou entidades durante moito tempo.

E que fan as compañías cos nosos datos? Pois depende. Algunhas os usan para ofrecernos servizos personalizados, como recomendacións de produtos ou contidos, outras os venden a terceiros para fins publicitarios ou de investigación, e outras poden usalos para fins maliciosos, como o roubo de identidade ou a fraude. Por iso é moi importante que sexamos conscientes da pegada dixital que deixamos e que tomemos medidas para protexer os nosos datos e a nosa privacidade. Na charla explicáronse algúns exemplos de como as redes sociais máis populares entre os mozos, como Instagram, B-Real e Tik-Tok, recollen e usan os nosos datos.

Tamén se deron algúns consellos prácticos para reducir a nosa pegada dixital e mellorar a nosa identidade dixital. Algúns destes consellos son:

Ler as políticas de privacidade e os termos de uso das aplicacións e servizos que usamos.
Configurar as opcións de privacidade e seguridade das nosas contas e dispositivos.
Non compartir información persoal ou sensible en internet sen verificar a fonte e o destino.
Non aceptar solicitudes de amizade ou mensaxes de descoñecidos.
Usar contrasinais seguros e diferentes para cada conta. Borrar ou desactivar as contas que xa non usamos.
Revisar periodicamente a nosa pegada dixital e eliminar ou solicitar a eliminación dos datos que non queremos que estean en internet.

Esperamos que esta charla sexa útil e interesante para o noso alumnado e que lles axudara a tomar conciencia da importancia de coidar a súa pegada dixital.

PLAN PROXECTA PLAN DIXITAL

Titoría entre iguais - Sesión II

Dom, 02/04/2023 - 12:25 — Jorge

Continuando coa implementación do Plan Dixital de Centro confeccionado durante o curso pasado, esta semana desenvolveuse a segunda sesión de Titoría entre iguais, onde o alumnado de 3º e 4º da ESO exerceu de compañeiro/a guía de aprendizaxe ao alumnado de 5º e 6º de primaria, traballando aspectos da mellora da competencia dixital en relación á Información e datos e á Colaboración e Comunicación.

MOITAS GRAZAS AO ALUMNADO POLA SÚA BOA DISPOSICIÓN E DINÁMICA CREADA

(Facendo clic na imaxe accédese á galería de fotos da xornada)

PLAN PROXECTA PLAN DIXITAL

Charla "Delitos e Redes Sociais"

Sáb, 04/03/2023 - 10:27 — Jorge

O pasado 3 de marzo, José Antonio Ramos Vázquez, profesor Dereito Penal na Facultade de Dereito da UDC impartiu unha charla sobre “Delitos e Redes Sociais” ao alumnado da ESO.

A charla centrouse nos delitos que se poden cometer e sufrir nas redes sociais. Foi unha experiencia reveladora que lles fixo reflexionar sobre como protexerse en liña.

En primeiro lugar, é importante entender que as redes sociais son unha ferramenta poderosa que pode ter consecuencias legais moi serias.

O relator comezou falando dos delitos que se poden cometer nas redes sociais. Isto inclúe o acoso, a difamación, a suplantación de identidade e o sexting, entre outros. Explicou como estes delitos poden ter un impacto negativo na vida da vítima, e como as consecuencias poden ser graves.

Un dos delitos nos que máis incidiu a súa charla, e que tamén é dos máis comúns nas redes sociais, é o acoso ou o ciberacoso. Isto pode incluír mensaxes intimidatorias, ameazas ou insultos dirixidos a unha persoa específica. Este tipo de comportamento pode ter graves consecuencias legais, incluíndo cargos de acoso cibernético, difamación e fustrigación.

Outro delito que tamén tratou foi a difusión de imaxes íntimas sen o consentimento da persoa involucrada. Isto coñécese como "pornovenganza" e pode resultar en cargos criminais por difusión non consensuada de material sexualmente explícito.

Ademais, as redes sociais tamén poden ser utilizadas para a comisión de delitos económicos, como o roubo de identidade ou a estafa en liña. Por exemplo, alguén podería crear un perfil falso e utilizalo para enganar a outros usuarios para que compartan información persoal ou financeira.

Doutra banda, as redes sociais tamén poden ser utilizadas para difundir información falsa ou enganosa, o que pode ter consecuencias legais graves. Se alguén difunde información falsa que dana a reputación doutra persoa ou empresa, pode enfrontarse a cargos de difamación.

Por último, falou sobre o roubo de identidade e o phishing. Estes delitos poden ter un impacto financeiro na vítima, e poden ser difíciles de detectar.

Para concluír, o poñente salientou a importancia de protexer as nosas contas en liña. Suxeriu utilizar contrasinais seguros e cambialas regularmente, así como activar a autenticación de dous factores. Tamén recomendou non compartir información persoal en liña, como direccións e números de teléfono e, como aspecto importante, sinalou a importancia de denunciar os delitos en liña. Explicou que é importante informar á policía ou ás plataformas de redes sociais se somos vítimas dun delito en liña. Isto pode axudar a deter ao delincuente e evitar que se cometan máis delitos.

En resumo, a charla do profesor de dereito penal foi unha experiencia moi valiosa. Lembrou ao alumnado a importancia de ser conscientes dos riscos en liña e de tomar medidas para protexerse. Aínda que as redes sociais poden ser unha ferramenta útil para conectarnos e compartir información, tamén poden ser perigosas se non tomamos as precaucións necesarias.

PLAN PROXECTA PLAN DIXITAL

Dia de Internet Segura

Mér, 08/02/2023 - 17:56 — Jorge

Con motivo da celebración do Día Mundial de Internet Segura, celebráronse diferentes talleres online organizados polo INCIBE para dar consellos sobre como configurar os dispositivos móbiles, de maneira que sexan máis seguros e correr menos riscos ante as posibles ameazas que supón a instalación e manexo de diferentes aplicacións nos distintos dispositivos que empregamos diariamente. Nesta ocasión, o alumnado de 2º, 3º e 4º da ESO, participou nunha sesión interactiva para maiores de 13 anos.

A sesión tivo dúas partes: unha parte inicial de exposición de diferentes recomendacións de seguridade e de resolución de tres supostos nos que, dadas unhas circunstancias que se poden dar nas redes sociais, tomar unha decisión adecuada para evitar calquera problema que puidera xurdir, e unha segunda fase na que, a través dun xogo empregando a aplicación de Kahoot, había que ir respondendo a 7 preguntas.

O que se expuxo foi que, para garantir a seguridade dos/as estudantes en internet, é importante tomar medidas para protexer as súas contas e datos. Un dos pasos máis importantes é crear contrasinais seguras. Os contrasinais deben ser longas e complexas, evitando palabras ou nomes, e non deben conter ningunha información persoal. Tamén é importante non reutilizalos nunca.

Ademais, a autenticación de dous factores (2FA) pode proporcionar unha capa adicional de seguridade para as contas. 2FA require que un usuario proporcione un contrasinal como primeiro factor e como segundo factor, xeralmente un token de seguridade ou datos biométricos. Isto garante que, incluso se un contrasinal vese comprometido, un atacante aínda terá que eludir a segunda capa de seguridade.

Finalmente, é importante que o alumnado preste atención aos axustes de privacidade nas redes sociais e comparta só información con contactos verificados e coñecidos.

Premendo na seguinte imaxe accédese ás fotos da xornada

PLAN PROXECTA PLAN DIXITAL

Titoría entre iguais - Sesión I

Ven, 16/12/2022 - 17:46 — Jorge

No proceso de implementación do Plan Dixital de Centro confeccionado durante o curso pasado, esta semana desenvolveuse a primeira sesión de Titoría entre iguais, onde o alumnado de 3º e 4º da ESO impartiu unha sesión para a mellora da competencia dixital en relación ás comunicacións dixitais.

MOITAS GRAZAS AO ALUMNADO POLO SEU ESFORZO, BOA DISPOSICIÓN E LOGROS ACADADOS

(Facendo clic na imaxe accédese á galería de fotos da xornada)