A continuación móstrase un vídeo onde se pode ver todo o proceso de pagameno telemático do comedor escolar. Desta maneira non é necesario acudir ao banco nin tampoucolevar ningún xustificante ao centro, xa que se rexistra automaticamente e se pode comprobar que está cumprimentado o pagamento.
De momento, só se pode realizar a través dun navegador. É dicir, ou ben dende un ordenador ou empregando o móbil pero usando, por exemplo, Chrome, Firefox, ... NON SE PODE REALIZAR DENDE A APLICACIÓN ABALARMÓBIL.
Aqueles/as responsables que nunca fixeron o pagamento desta forma, teñen que comunicarlle ao centro (881898572 ou cpi.pecalama@edu.xunta.gal) a súa intención de comezar a empregar este método, xa que hai que habilitar esa posibilidade.
Se despois de ver o vídeo, seguen tendo calquera dúbida teñen unha canle de atención ás familias do Espazo Abalar no seguinte enderezo. Tamén poden enviar un correo a jorge@pecalama.org, onde trataremos de darlle solución ao problema que puidese ter xurdido.
Se ten algunha consulta ou incidencia relacionada coa aplicación abalarMóbil, premendo na seguinte ligazón accederase a un espazo web onde está toda a información relacionada coa aplicación. Nesa mesma páxina, navegando polo menú da esquerda, poderase entrar nunha sección (premendo aquí chegará a esa parte) onde hai a posiblidade de encher un formulario de consulta para que traten de darlle unha solución a calquera tipo de problema ou dúbida que teñan.
Accedendo ao Espazo Abalar dende o navegador dun equipo, ben sexa un portátil, un pc de sobremesa ou incluso dendo o navegador dun dispositivo móbil, teremos acceso a máis funcionalidades e recursos que dende a aplicación móbil AbalarMóbil.
Ademais de poder realizar as seguintes operacións, que tamén se realizan dende a App:
Acceder aos datos persoais
Consultar as cualificacións
Consultar e xustificar as faltas de asistencia
Consultar as faltas de conduta
Solicitar unha cita de titoría
Consultar os datos do centro educativo
Consultar os avisos ou notificacións por parte do profesorado ou do centro educativo.
Consultar as incidencias creadas polo profesorado
Modificar o idioma da aplicación.
Contactar co servizo técnico.
Acceder á mensaxería de abalarMóbil, que é unha nova funcionalidade que ten como obxectivo facilitar a comunicación entre o centro e os responsables do alumnado, ou entre o profesorado e este.
Poderemos realizar o pago das taxas de comedor escolar, facendo clic sobre a ligazón que se nos presenta no apartado de Servizos complementarios. Para poder realizar o pagamento, deberemos de dispoñer dun certificado dixital, dun DNI Electrónico ou da Chave 365. Facenco clic na seguinte imaxe, accederase a un documento que explica como se pode realizar a citada operación:
Se queren realizar o pago de forma telemática e nunca o teñen feito, tense que habilitar esa posibilidade dende o centro, polo que é necesario comunicalo poñéndose en contacto co mesmo ou enviar un correo á dirección jorge@pecalama.org
Do mesmo xeito, ponse a disposición de descarga a Guía para as familias sobre o Espazo Abalar, confeccionada pola Xunta de Galicia.
En calquera caso, se teñen calquera dúbdia que poidamos solucionar dende o centro, poden poñerse en contacto a través dos medios publicados nesta páxina ou escribindo un correo electrónico a jorge@pecalama.org.
GRAZAS AOS BENEFICIOS EN TERMOS DE COMUNICACIÓN E INTERCAMBIO DE INFORMACIÓN ENTRE O CENTRO, O PROFESORADO E AS FAMILIAS, RECOMÉNDASE A INSTALACIÓN, SE AÍNDA NON A TEÑEN, DA APLICACIÓN MÓBIL DE ABALAR.
AS FAMILIAS QUE DESCARGUEN ABALARMÓBIL VAN A DISPOÑER DAS SEGUINTES FUNCIONALIDADES:
Acceder aos datos persoais
Consultar as cualificacións
Consultar e xustificar as faltas de asistencia
Consultar as faltas de conduta
Solicitar unha cita de titoría
Consultar os datos do centro educativo
Consultar os avisos ou notificacións por parte do profesorado ou do centro educativo.
Consultar as incidencias creadas polo profesorado
Modificar o idioma da aplicación.
Contactar co servizo técnico.
Acceder á mensaxería de abalarMóbil, que é unha nova funcionalidade que ten como obxectivo facilitar a comunicación entre o centro e os responsables do alumnado, ou entre o profesorado e este.
O MECANISMO DE TRABALLO COA APLICACIÓN É MOI SINXELO. OS PASOS A SEGUIR SON OS SEGUINTES:
1.- DESCARGA DA APP(ben do Google Play no caso de dispositivos Android ou do App Store no caso de Apple).
Nos seguintes vídeos pódese ver como facelo en ambos casos:
2.- REXISTRO NA APLICACIÓN
O único que hai que facer é introducir o número de teléfono no que se está a instalar a aplicación (debe ser o número rexistrado no centro como teléfono do/a responsable do/a alumno/a).
Despois de introducir o número, chegaranos un código que debemos introducir na casilla que se nos mostra (isto só se fai a primeira vez, xusto despois de instalar a aplicación).
3.- E, POR ÚLTIMO, ESTABLECER O CONTRASINAL PARA PODER ACCEDER Á APLICACIÓN CADA VEZ QUE A EMPREGUEMOS.
No seguinte vídeo podemos ver como se realizarían estes pasos:
UNHA VEZ IDENTIFICADOS, ACCEDEREMOS AO ALUMNO/A OU ALUMNOS/AS QUE TEÑAMOS AO NOSO CARGO. DESPOIS DE PICAR ENRIBA DO SEU NOME, HABERÁ UN MENÚ NA ESQUERDA ONDE, DE MANEIRA MOI VISUAL E INTUITIVA, ACCEDEREMOS A DIFERENTES SECCIÓNS PARA REALIZAR DISTINTAS TAREFAS.
A CONTINUACIÓN DEIXÁMOSLLES DOUS NOVOS VÍDEOS EXPLICATIVOS DA INSTALACIÓN E DO FUNCIONAMENTO XERAL DA APLICACIÓN E DOUS DOCUMENTOS, A MODO DE GUÍA OU MANUAL, POR SE NECESITAN CONSULTALO.
EN CALQUERA CASO, SE PRECISAN AXUDA DE CALQUERA TIPO, PODEN ENVIAR UNHA MENSAXE A jorge@pecalama.org, ONDE TRATAREMOS DE RESOLVER AS POSIBLES INCIDENCIAS QUE POIDERAN XURDIR.