O martes 14 de febreiro, coa idea de realizar unha actividade de fomento da vida saudable de maneira conxunta entre alumnado de primaria e secundaria, desenvolveuse unha andaina con alumnado de 6º de Primaria e 3º da ESO. Esta actividade forma parte dun proxecto de vida activa e deportiva que busca incentivar a práctica de actividade física entre os estudantes.
Para empezar, o alumando de ambas as etapas educativas reuníronse na entrada do centro educativo a primeira hora da tarde para comezar a camiñada. O percorrido planeado tiña unha lonxitude de 3 quilómetros e a duración estimada era de 50 minutos.
A ruta comezou no centro educativo e pasou por un bosque próximo, onde os estudantes puideron observar diferentes especies de plantas e árbores autóctonas, como carballos e castiñeiros. Despois, continuaron a camiñata cara un outeiro próximo, onde puideron gozar dunhas vistas impresionantes da paisaxe. Durante todo o percorrido, os estudantes mostráronse moi entusiasmados e comprometidos coa actividade.
Finalmente, os estudantes chegaron de novo ao centro, onde se lles lembrou a necesidade de hidratarse e animóuselles a seguir practicando deportes e levar unha vida activa e saudable.
