Skip to Content

Taboleiro

DÍA DAS CRÊPES

Mar, 18/06/2024 - 16:19

Como xa ven sendo tradición, O departamento de Francés celebrou un ano máis o Día das Crêpes. O alumnado participante de 2º, 3º e 4º da ESO demostrou as súas habilidades na cociña. Uns auténticos chefs! 

DELF A2 - ALIANZA FRANCESA

Xov, 13/06/2024 - 07:03

O pasado mes de abril 11 alumnos/as de 4º da ESO presentáronse ao Delf A2 da Alianza Francesa… e por fin acabamos de recibir os resultados.

Todos/as aprobaron… e con excelentes notas!  FÉLICITATIONS !!! 

O DELF (Diplôme d’Études en Langue Française) é un diploma oficial entregado polo Ministerio de Educación Nacional de Francia que certifica as catro competencias en lingua francesa dos candidatos estranxeiros.

Recibimos a visita do Director internacional do Groupe OEC Lille - Ozanam EPIL Campus (Francia)

Sáb, 01/06/2024 - 13:39

 

Na semana do 27 ao 31 de maio de 2024 recibimos a visita de Frédéric Rousselle, director internacional do Groupe OEC Lille - Ozanam EPIL Campus en Francia, no marco da acreditación Erasmus+. Durante a súa estancia en Galicia mantivo reunións con profesorado, persoas coordinadoras e membros do equipo directivo do CPI Plurilingüe O Cruce en Cerceda, pero tivo tamén ocasión de visitar en Santiago de Compostela o Centro autonómico de formación e innovación (CAFI) e o Centro de innovación educativa e dixital CIEDIX).

Visita de profesorado da "Scoala Grigore Moisil Navodari" (Rumanía)

Sáb, 25/05/2024 - 08:58

Tres profesoras da Scoala Grigore Moisil de Navodari en Rumanía estiveron esta semana no centro facendo job shadow no marco da acreditación Erasmus+.

O martes 21 participaron na saída do alumnado de 1º ESO ao Castro de Vidalonga e a Casa Museo de Manuel María, na provincia de Lugo, orgzanizada polos departamentos de Xeografía e Historia, Lingua galega e Artes plásticas.

O mércores 22 participaron na saída á Cidade da Cultura de Galicia en Santiago de Compostela para o lanzamento da cápsula MarumaSat VI.

E xoves 23 e venres 24 estiveron no centro observando varias clases tanto de secundaria como de primaria e infantil. Entre elas as de linguas estranxeiras: inglés e francés, bioloxía e xeoloxía, física e química ou . Mantiveron ademais reunións con membros do equipo directivo e persoas coordinadoras de proxectos, nomeadamente Radio e Biblioteca. 

 

Alumnado de 2º ESO participa na Spring Week

Ven, 03/05/2024 - 10:09

25 alumnas e alumnos de 2º ESO participaron na semana do 29 de abril ao 3 de maio de 2024 na Spring Week en Mondariz. O programa contribue ao desenvolvemento da competencia plurilingüe por ser unha semana de inmersión lingüística en inglés, pero tamén traballa aspectos como hábitos de vida saúdables, responsabilidade medioambiental, respecto á diversidade, etc. a través de actividades deportivas no contexto da natureza e a convivencia con alumnado e profesorado doutros seis centros educativos do mesmo nivel.

Alumnado de 5º e 6º de primaria impartiu un obradoiro de foguetes químicos e de auga na final autonómica do CanSat, celebrada en Cerceda

Mér, 24/04/2024 - 11:21

O pasado martes 23 de abril celebrouse no aeródromo "As Gaivotas", en Cerceda, a final autonómica da competición da Axencias Espacial Europea CanSat.

Alumnado de 5º e 6º de primaria, que pertence ao Club de Ciencia e traballa en proxectos de Polos Creativos, foi convidado a participar no evento impartindo un obradoiro de foguetes químicos e de auga o que resultou ser unha experiencia moi enriquecedora, inspiradora e divertida. 

Máis información | Xunta de Galicia

Admisión alumnado curso 2024/25

Mar, 27/02/2024 - 08:34

Presentación educativa Proyecto educativo Infantil Doodle Azul, amarillo, rosa y verde de Gema Castro Pico

 

 

Distribuir contido


by Dr. Radut