Visita de profesoras do Agrupamento de Escolas de Trancoso

Na semana do 11 ao 15 de decembro de 2023 tivemos no centro ás profesoras Cristina e Rosa do Agrupamento de Escolas de Trancoso (Portugal) facendo unha actividade de job shadow no marco da acreditación Erasmus+.

As profesoras mantiveron reunións con membros do Equipo directivo e Equipos de dinamización TIC e Biblioteca e observaron clases de Infantil, Primaria e ESO para afondar no sistema educativo galego, metodoloxías e programas de innovación educativa. Nomeadamente relacionadas con dixitalización, inclusión e creatividade. Moitas grazas por vir, para nós é sempre enriquecedor e gratificante recibir profesorado doutros países europeos e facer intercambio de ideas, experiencias e boas prácticas.