Inicio

ACTIVIDADES DE NADAL

Actividades de Nadal en Familia na Eurocidade Tui-Valença

 Este nadal disfruta das actividades en familia, que nos ofrece a Eurocidade Tui-Valença. Una oportunidade de disfrutar xunto coas nosas familias, da programación cultural, deportiva e lúdico-festiva que nos ofrece  o nadal na Eurocidade.

Dende o 1 de Decembro e até o 8 de Xaneiro, a Eurocidade acollerá a celebración de máis de 40 actividades de ocio e deportivas.

  1. Visitas Guiadas en Tui. Do 3 ao 11 de decembro haberá visitas guiadas especiais ao Conxunto Histórico de Tui. Estas visitas gratuítas, que se veñen facendo dende xuño, ofrecerán como novidade rutas ao Tui Escolar, ao Tui Fidalgo e á Igrexa de San Bartolomé dos século XI e XII en Rebordáns. Todas as rutas parten sempre da Praza da Inmaculada e teñen unha duración aproximada dunha hora. Son guiadas polo historiador tudense Suso Vila.
  2. Música. A música será tamén protagonista nestas datas na cidade. O 15 de decembro o Teatro Municipal de Tui acollerá o Concerto do Conservatorio Profesional de Música de Tui. A actuación comezará ás 20:00 e a entrada será de balde.  Xa o 23 de decembro, o Teatro Municipal será o escenario da presentación oficial da Orquestra Sinfónica de Tui, que actuará por primeira vez no Concerto de Nadal. Por último, o 30 de decembro terá lugar o Concerto de Fin de Ano na praza de Frómista ás 20:00.
  3. Animación e Cine. O Concello proxectará o filme “Holy Night! Noite de Paz?” no Teatro Municipal o xoves, 22 de decembro ás 19:00 horas. Antes, entre as 11:00 e as 12:00 horas, o Apalpador, figura mítica da tradición cultural galega, chegará á Biblioteca Municipal nunha actividade musical.
  4. Deporte. No ámbito deportivo, a Eurocidade acollerá até oito actividades diferentes ao longo destas datas.

 

4.1.          I Trofeo de Nadal de Padel Club PadelTui. A primeira delas terá lugar o venres 17 e sábado 18 de decembro coa celebración do I Trofeo de Nadal de Padel Club PadelTui nas pistas de Padel de Areas.

4.2.             Festival de Kung-Fu. O venres 17 terá lugar o Festival de Kung-Fu, no Pavillón Deportivo Municipal (17:00 a 19:30 horas).

4.3.             7º Trofeo de Nadal de Natación. Tamén oVenres 17 levarase a cabo o 7º Trofeo de Nadal de Natación na Piscina Municipal de Tui (16:00 horas).

4.4.             Festival de patinaxe. O domingo 18, será a quenda do Festival de patinaxe no Pavillón de Tui (17:00 horas).

4.5.             Andaina Solidaria. O Domingo 18,tamén se levará a cabo a Andaina Solidaria organizada por AndaTui con saída dende Valença (10:00 horas) cara Tui.

4.6.             II Torneo de Exhibición de Bádminton. O 27 de decembro chegará a quenda do II Torneo de Exhibición de Bádminton no Pavillón de San Paio (16:00 a 20:00 horas).

4.7.             Clinic do R. C. Celta de Vigo. O 28 de decembro arrancará o Clinic do R. C. Celta de Vigo no Campo Municipal Álvarez Durán.

4.8.             37ª Regata Miño Internacional de Remo. O 8 de xaneiro terá lugar a 37ª Regata Miño Internacional de Remo.

 

  1. Tren Turístico da Eurocidade. A Eurocidade Tui – Valença porá en marcha este Nadal de xeito conxunto o Tren Turístico da Eurocidade namentres que o 5 de xaneiro terá lugar a Cabalgata Internacional de Reis con saída ás 17:00 (hora española) de Valença e chegada ao paseo da Corredoira ás 19:00 horas.
  2. Duendelandia en Valença. En Valença, dende o 3 e até o 11 de decembro os mais cativos poderán desfrutar do mundo máxico de Duendelandia onde se atoparán con Papa Noel, a quen lle poderán entregar as súas cartas ademais dun bosque encantando e de obradoiros de pintura.
  3. Pista de patinaxe en Valença. Do 1 de decembro ao 8 de xaneiro, instalarase unha pista de patinaxe sobre xeo no Xardín Municipal de Valença.
  4. Fortaleza de Valença de Chocolate. Valença vólvese de chocolate, con postos de crepes, gofres, bombóns ou turróns ademais da gastronomía típica portuguesa.

Máis información no enlace: http://www.concellotui.org