Ao Concello de Narón se lle conceden 14 prazas para a participación na Campaña de Esquí 2022 da Deputación provincial da Coruña, na 6ª quenda (do 18 de febreiro ao 21de febreiro de 2022). Por se vos interesa, aquí vos achegamos a documentación a entregar:
-Ficha de inscrición (deberá ser entregada no Rexistro Xeral do Concello de Narón, no Rexistro auxiliar do Complexo Polideportivo Municipal da Gándara ou a través da Sede Electrónica municipal con data límite o 14 de decembro de 2021, tal e como sinala o escrito da Deputación).
-Tríptico informativo
A ficha da inscrición atópase tamén na páxina da Deputación, desde onde pode tamén cubrirse.
Unha vez rematado o prazo de inscrición, se o número de solicitudes excede nas 14 prazas concedidas, levarase a cabo no Concello de Narón, un sorteo público ante o Secretario Xeral do Concello.