Skip to Content

Información

Mascarillas nos recreos

Prezadas familias:
A partir de hoxe, 21 de marzo, non é obrigatorio o uso da máscara no patio durante os recreos. Recoméndase que o alumnado baixe cunha bolsiña, caixiña ou un cordón, xa que na entrada ao edificio, e no resto das instalacións a cuberto, continúa a ser obrigatorio o seu uso desde o 6 anos.

máis información

Lembramos tamén que as demais medidas de seguridade e protocolos COVID non cambian e seguen vixentes.

Atentamente,
A Dirección

Información Covid

Neste enlace tedes información Covid que se atopa na páxina da Consellería de Educación

 

http://www.edu.xunta.gal/portal/node/35944

IMPORTANTE: Información inicio de curso ( correxido)

Dende aquí, ante as dúbidas que poidan xurdir, fixemos correcións nas explicacións en canto a algún procedemento de entrada. E lembrade: a hora límite para comunicar se os vosos fill@s quedan ou non ao comedor é ás 9:30 ( non as 9:00)

 

 

PUBLICADAS AS LISTAXES DEFINITIVAS DE FONDO LIBROS E CHEQUES DE MATERIAL

No taboleiro de anuncios, no interior do colexio, están publicadas as listaxes definitivas de axuda de Fondo de Libros e cheques de material.

As persoas que consten como solicitantes (ou as persoas que elas designen, coa pertinente autorización), e todos/as provistos do DNI, xa poden recoller os cheques en Conserxería en horario de 9:30 a 13:00 horas

A entrega de cheques farase desde o día 6 de xullo ata o venres 16 de xullo. De non pasar eses días, quedarán para recollerse a partir do 1 de setembro.

Colaboración do CEIP A GÁNDARA no Consello de Participación Infantil

O CEIP A Gándara recibe un certificado do Concello de Narón en recoñecemento á colaboración do alumnado de sexto curso de Educación Primaria no Consello de Participación Infantil organizado polo Concello a través do equipo de Educación Vial de Narón. A alcaldesa felicitou ao alumnado polas súas propostas de cubrir o Skatepark de A Gándara e construír un parque de Parkour, actuacións que foron trasladadas ao edil de Obras para analizar a súa viabilidade. Igualmente, comunicóuselle á alcaldesa a necesidade de implicación do Concello na prestación dos servizos de comedor e de almorzos no centro. 

PUBLICADAS AS LISTAS PROVISIONAIS DE ADMITIDOS PARA O CURSO 2021-22

No taboleiro de información situado na entrada do centro están publicada as listas de admitidos para o curso 2021-22.

Todas as solicitudes presentadas en prazo foron admitidas. Non foi preciso baremar porque as solicitude foron inferiores ás prazas vacantes ofertadas.

Podedes consultalas vindo ao colexio, preguntando por teléfono ou mirando pola Sede Electrónica da Xunta de Galicia.

As listas definitivas sairán en maio, e a matrícula (obrigatoria) farase no mes de xuño.

NOVA ENQUISA SOBRE A CONVIVENCIA NOS CENTROS

Desde o luns 12 de abril ata o xoves 29 ábrese o prazo para cubrir unha nova enquisa sobre a convivencia nos centros escolares de Galicia.

Está dirixida a familias, profesorado e alumnado de 5º e 6º de E.Primaria.

Cada alumno/a do colexio levará para casa unha carta explicando o proceso e a clave que poderedes usar como familia par cubrir esa enquisa, que ten caracter anónimo. 

A clave é única para cada familia. So pode usarse unha vez e non podemos xerar ningunha outra clave nova, polo que vos pedimos que a usedes correctamente porque non podemos darvos outra. No caso de que os pais estedes separados e querades contestar cada un á enquisa pedídenos unha clave a maiores, xa que hai un 10% a maiores para esos casos.

No enlace que vai a continuación podedes ver os enlaces para cubrila. Aínda que é anónima agradeceríamos moito a vosa colaboración, grazas ás vosas aportacións poderemos mellorar e cambiar as cousas que non funcionan ben.

 Grazas a todos e todas pola vosa colaboración.   

https://www.edu.xunta.gal/convivenciaxestion/

https://www.edu.xunta.gal/portal/node/33594

FOLGA XERAL CONVOCADA PARA O MÉRCORES 10 DE MARZO NA COMARCA DE FERROLTERRA

Para mañá mércores, 10 de marzo, hai convocada por parte de varios sindicatos unha folga xeral en defensa das comarcas de Ferrolterra, Eume e Ortegal.

Ante as numerosas consultas recibidas aclarar que o centro permanecerá aberto e con servizo de comedor incluido. Están garantidos os servizos mínimos ( un profesor/a por cada grupo de alumnos, para cumplir co protocolo covid que impide a xuntanza de grupos diferentes). Dependendo do profesorado que asista haberá máis ou menos  clases. Por exemplo, si o profesor de E. Física non ven porque secundou a folga o alumnado que ese día tiña E. Física non a terá.

Aviso moi importante: Para todos aqueles usuarios do servizo de comedor, si non van a vir a clase que avisen antes das 9:30 para non encargar o seu menú no catering. Os menús se piden hoxe martes pola tarde e si non van a vir ao comedor logo hai que tiralos e temos que pagalos igualmente.

COMEZA O PROCESO DE ADMISIÓN PARA O CURSO 2021-2022

O prazo de presentación de solicitudes comeza o 1 de marzo e remata o luns 22 de marzo.

As solicitudes poden presentarse na xanela de administración do centro de xeito presencial (horario de 9:30 a 13:45) ou por vía telemática na aplicación admisionalumnado da páxina da Consellería de Educación, non poden presentarse por correo electrónico.

Os impresos da solicitude podedes recollelos na xanela de administración do centro, podedes descargalos desta páxina web ou directamente na aplicación informática de admisionalumnado.

No documento que aparece máis abaixo podedes ver a relación de postos vacantes que temos de cara ao curso que ven  así como a orde de admisión de alumnado modificada en decembro de 2020.

Ao comezar unha etapa ( 4º de Ed. Infantil ou 1º de Ed. Primaria) hai que reservar un número de postos escolares para o alumnado con NEE. De non ocuparse esas plazas con ese alumnado pasarían ao cómputo xeral, que en ningún caso pode ser superior a 50 plazas por curso (25 plazas por aula).

Vacantes para o curso 21-22.(modificadas a 15 de marzo de 2021)

 

Orde de admisión de alumnado modificada en decembro de 2020.

CALENDARIO DO PROCESO DE ADMISIÓN.

ZONA DE INFLUENCIA DO CEIP A GÁNDARA.

IMPRESO DE SOLICITUDE EN GALEGO.

IMPRESO DE SOLICITUDE EN CASTELÁN.

Distribuir contido


by Dr. Radut