Información

Dende aquí, ante as dúbidas que poidan xurdir, fixemos correcións nas explicacións en canto a algún procedemento de entrada. E lembrade: a hora límite para comunicar se os vosos fill@s quedan ou non ao comedor é ás 9:30 ( non as 9:00)

O CEIP A Gándara recibe un certificado do Concello de Narón en recoñecemento á colaboración do alumnado de sexto curso de Educación Primaria no Consello de Participación Infantil organizado polo Concello a través do equipo de Educación Vial de Narón. A alcaldesa felicitou ao alumnado polas súas propostas de cubrir o Skatepark de A Gándara e construír un parque de Parkour, actuacións que foron trasladadas ao edil de Obras para analizar a súa viabilidade. Igualmente, comunicóuselle á alcaldesa a necesidade de implicación do Concello na prestación dos servizos de comedor e de almorzos no centro. 

Desde o luns 12 de abril ata o xoves 29 ábrese o prazo para cubrir unha nova enquisa sobre a convivencia nos centros escolares de Galicia.

Está dirixida a familias, profesorado e alumnado de 5º e 6º de E.Primaria.

Cada alumno/a do colexio levará para casa unha carta explicando o proceso e a clave que poderedes usar como familia par cubrir esa enquisa, que ten caracter anónimo. 

A clave é única para cada familia. So pode usarse unha vez e non podemos xerar ningunha outra clave nova, polo que vos pedimos que a usedes correctamente porque non podemos darvos outra. No caso de que os pais estedes separados e querades contestar cada un á enquisa pedídenos unha clave a maiores, xa que hai un 10% a maiores para esos casos.

No enlace que vai a continuación podedes ver os enlaces para cubrila. Aínda que é anónima agradeceríamos moito a vosa colaboración, grazas ás vosas aportacións poderemos mellorar e cambiar as cousas que non funcionan ben.

 Grazas a todos e todas pola vosa colaboración.   

https://www.edu.xunta.gal/convivenciaxestion/

https://www.edu.xunta.gal/portal/node/33594

O prazo de presentación de solicitudes comeza o 1 de marzo e remata o luns 22 de marzo.

As solicitudes poden presentarse na xanela de administración do centro de xeito presencial (horario de 9:30 a 13:45) ou por vía telemática na aplicación admisionalumnado da páxina da Consellería de Educación, non poden presentarse por correo electrónico.

Os impresos da solicitude podedes recollelos na xanela de administración do centro, podedes descargalos desta páxina web ou directamente na aplicación informática de admisionalumnado.

No documento que aparece máis abaixo podedes ver a relación de postos vacantes que temos de cara ao curso que ven  así como a orde de admisión de alumnado modificada en decembro de 2020.

Ao comezar unha etapa ( 4º de Ed. Infantil ou 1º de Ed. Primaria) hai que reservar un número de postos escolares para o alumnado con NEE. De non ocuparse esas plazas con ese alumnado pasarían ao cómputo xeral, que en ningún caso pode ser superior a 50 plazas por curso (25 plazas por aula).

Vacantes para o curso 21-22.(modificadas a 15 de marzo de 2021)

Orde de admisión de alumnado modificada en decembro de 2020.

CALENDARIO DO PROCESO DE ADMISIÓN.

ZONA DE INFLUENCIA DO CEIP A GÁNDARA.

IMPRESO DE SOLICITUDE EN GALEGO.

IMPRESO DE SOLICITUDE EN CASTELÁN.

Despois de moitas xestións e problemas, mañá martes 9 de febreiro comezarán a funcionar os paneis de control de entrada. Non esquezades traer as vosas pulseiras e pasalas polo control cando accedades ao centro. A policía local estará mañá nas portas de acceso para informar como funciona o programa.

Sentimos moito o retraso da posta en funcionamento pero foron moitos os atrancos que tivemos que solucionar.

Grazas pola vosa comprensión.

A Dirección.