Bo día. Dende o Departamento de Orientación queremos mandar moito ánimo e esperanza nestes días tan difíciles. Non podemos deixarnos levar polo desánimo e alarmismo. O máis convinte nestes momentos é aproveitar o tempo en familia para facer esas cousas que na vida ordinaria, con tanta presa que andamos todos e todas, non temos tempo de facer: conversar, xogar, ler, cociñar entre todos, limpar e ordenar a fondo, e tamén estar pendentes de que os nosos fillos e fillas repasen e reforcen un pouco os contidos xa traballados. Por suposto sen agobios, sen presións excesivas, pero, como hai máis tempo, con paciencia, reflexionando o que están estudando, reforzando eses contidos que vemos teñen máis dificultades e falando do que van aprendendo… Debe haber tempo para todo e cremos que é positivo poñer un horario para traballar, de xeito que simule ser un pouco parecido á vida normal.
Estas orientacións que imos poñer de como mellorar as aprendizaxes, non son únicamente para estes días. Deben quedar para que as leven á práctica á hora de estudar en calquera momento.
E sen máis, un saúdo cordial, agardando que o máis axiña posible volvamos todos a vida normal. Temos que ver isto como algo pasaxeiro. Durará máis ou menos pero pasará!!
