Orientación

Con motivo do 8 M dende o equipo de convivencia organizouse unha actividade dirixida ao alumnado de 5º e 6º de primaria.

Bo día.

O vindeiro mércores 25 de novembro conmemórase o Día Internacional da Eliminación da Violencia contra a muller. 

É un tema que traballamos nos colexios de forma transversal , desde todas as áreas , e de forma lonxitudinal , ao longo de todo o curso. A maiores, o 25 de novembro facemos máis fincapé no tema elaborando actividades e obradoiros. Por exemplo, coordinado polo equipo de convivencia e o equipo de biblioteca,  o alumnado de 4º,5º e 6º de educación primaria elaborou lemas e debuxos para berrar NON á violencia de xénero e os alumnos e as alumnas de 5º curso de primaria fixeron un obradoiro de deseños de logos en 3D ( serán un agasaio para o alumnado segundo se vaian imprimindo). Tamén hai unha exposición de libros sobre igualdade e , nas horas de ler, vemos vídeos sobre a igualdade nos deportes e na vida diaria e...aínda queda moito traballo por facer!!!

Nesta entrada deixamos unha foto da exposición de libros e os lemas e debuxos que fixo o alumnado de primaria (prema na foto) e non podía faltar un programa especial de Bencho-Radio sobre a igualdade(prema en Bencho-Radio)

Esperamos que vos guste.

Unha aperta.

 Estimadas familias:

Todo cambio supón un reto que debemos afrontar coa maior preparación e información posible se queremos vislumbrar expectativas de éxito. A túa filla ou o teu fillo van  empezar unha nova etapa da súa vida: entra, se non o fixo xa, na puberdade. A nivel escolar prodúcese un cambio moi importante, termina a primaria e  adéntrase na secundaria obrigatoria.

Para informarvos brevemente dalgúns aspectos que entendo son importantes ter en conta, elaborei unha presentación para o alumnado e un díptico informativo para vós, que encontraredes a continuación. Confío que sexa útil e se necesitas máis información non dubides en consultarme.

Para facilitar aclaracións e posibles dúbidas que se poidan dar co alumnado teremos unha videoconferencia informativa á que podedes asistir. Estas videoconferencias coincidirán coas xa establecidas, ocuparemos un ratiño, e serán:

O mércores día 3 de xuño para 6ºB ás 11:00 

O xoves día 4 de xuño ás 10:15 para  6ºA