Saídas

TEATRO: PULGARCITO

O mércores 9 de novembro o alumnado de 3º e 4º curso de educación primaria acudiu ao Auditorio Municipal de Ourense para presenciar a obra Pulgarcito patrocinada por 

A compañía  pon en escena unha versión moderna e orixinal do conto clásico de Charles Perrault. Se no conto uns pais desesperados abandonan os seus fillos no bosque por ser extremadamente pobres, na versión teatral un fillo enfróntase á tarefa de como coidar  dun pai ancián desmemoriado que precisa axuda para as actividades da vida cotiá. Por non poder atendelo convenientemente decide ingresalo nunha residencia.

Ao longo da representación, que abarca parte da noite anterior ao ingreso do pai,  vanse mesturando as dúas historias: pai e fillo lembran e recrean xuntos o conto de Pulgarcito e ao mesmo tempo se escenifican as dificultades que ten o fillo para atender o seu pai.

O espectáculo teatral divirte e ao mesmo tempo emociona e incita á reflexión sobre o sentimento de abandono e desprotección.

Para saber máis:

 • grupo teatral Teatro Paraíso →  www.teatroparaiso.com

 • texto cuento→ www.edu.mec.gub.uy/.../libros/.../Perrault,%20Charles%20-%20Pulgarcit...

 

 

 

 

 

 Alumnos e alumnas de 3º e 4º de primaria na entrada do Auditorio Municipal preparados para presenciar a representación teatral.

  

 

 

ILUSIONISMO, MAXIA OU CIENCIA?

Baixo o título de ILUSIONISMO, MAXIA OU CIENCIA? englóbase unha exposición interactiva promovida pola OBRA SOCIAL "LA CAIXA" en colaboración co CONCELLO DE OURENSE. Baixo unha gran carpa instalada no Xardín do Posío da nosa cidade podemos explorar o mundo das ilusións, de como funciona o noso cerebro e de  como percibimos o que nos rodea.

"Neste proceso de interpretación da realidade xoga un papel importante a arte do ilusionismo. O cerebro é unha fábrica de ilusións. Unha ilusión é un fenomeno mental consistente en sensacións e percepcións estrañas e inesperadas. O  que percibimos nunha ilusión é sempre diferente ao que esperamos ou consideramos lóxico.  Durante séculos os magos explotaron científicamente os límites da mente e as súas percepcións para crear ilusións. Hoxe, esa situación invértese e son os científicos quen se interesan polo traballo destes artistas da conciencia para comprender mellor o funcionamento do cerebro e a mente humana". (texto extraído do folleto informativo editado por La Caixa con motivo da exposición). 

A visita a esta exposición foi realizada, en diferentes días, polos alumnos de 2º (4 de outubro), 3º, 4º (3 de novembro), 5º e 6º de primaria (28 de outubro) e tamén polos pequenos e pequenas de 5º e 6º de educación infantil (28 de outubro). 

A exposición está dividida en cinco módulos, aínda que a visita só abarcaba tres deles, e durante a mesma unha guía ía explicando a cada grupo en que consistía cada módulo e os nenos/as foron realizando diversas probas e experimentos.

 

1.OS SENTIDOS E A PERCEPCIÓN DO MUNDO:

"A nosa percepción do mundo créase no noso cerebro a partir dos sinais que  recibe de todos os sentidos de maneira combinada, pero ademais matizada polas nosas experiencias, coñecementos e expectativos, de xeito que facemos unha interpretación particular e subxectiva do que nos rodea, é dicir, o que percibimos non é tan obxectivo como adoitamos crer." 

- Na proba combinada de tacto e oído, ao escoitar un ruxido e tocar algo ao tacto, o cerebro xa interpretaba que o que tocabamos era a pel dun león... era isto verdade?'

- Na proba combinada de olfato e vista, ao ver un alimento apetitoso o olor que percibíamos era agradable, non así cando viamos algo podre... aínda que o olor era o mesmo!!


2. O CEREBRO É ASÍ: AS ILUSIÓNS 

"O cerebro é quen ve, oe, cheira, gusta e toca. Todos os pensamentos e experiencias son unha creación deste órgano.

Os magos estudaron como altera as percepcións normais e nos sorprende cos seus trucos e ilusións". Neste módulo podemos ver algunhas das máis importantes ilusións:

Como unha persoa cambia de tamaño en tempo real (habitación de Ames), unha anamorfose (unha deformación deliberadamente distorsionada), como un lápis atravesa un ángulo imposible...

 

3.ÁBRESE O PANO 

"O ilusionosmo consiste en crear sucesos altamente improbables que nos enchen de perplexidade e admiración".

Aquí experimentamos con algún xogo de mesa, fomos a cabeza dunha gran araña...

 

 

E para rematar a visita, que mellor que coñecer un dos parques máis antigos de Ourense??... O Xardín do Posío:

 

 E e

CINE: FANTASÍA

Promovido polo Concello de Ourense e dentro do marco do FESTIVAL DE CINE DE OURENSE (OUFF - Ourense Film Festival) os alumnos e alumnas de 2º de primaria acudiron o venres, 4 de novembro, ao Auditorio Municipal de Ourense para presenciar a proxección da película FANTASÍA, unha película de referencia de Walt Disney no 50 aniversario do seu pasamento e na que a música é a principal protagonista.

Os principais obxectivos desta actividade son:

  • Fomentar o hábito de ir ao cine
  • Dar a coñecer o Festival de Cine de Ourense
  • Formar futuros espectadores
  • Inculcar o gusto pola música clásica entre os máis cativos 
"A obra está composta por 7 secuencias que ilustran 8 fragmentos de pezas de música clásica, arreglados e dirixidos polo director de orquesta Leopold Stokowski e interpretados pola Orquesta de Filadelfia. Estas pezas son:
 
Tocata y Fuga de Johann Sebastian Bach: O comezo.
El Cascanueces de Piotr Ilich Tchaikovsky: A danza do cascanueces.
El aprendiz de brujo de Paul Dukas: O aprendiz de bruxo.
La consagración de la primavera de Igor Stravinsky: A creación da terra.
Sexta Sinfonía de Ludwig Van Beethoven: O monte Olimpo.
Danza de las horas (de la ópera La Gioconda) de Amilcare Ponchielli: Avestruces, hipopótamos, elefantes e cocodrilos.
Una noche en el Monte Pelado de Modest Mussorgsky: O demo
Ave María de Franz Schubert: O final"
 
Ao rematar a proxección, o cineasta Juan Galiñanes exerceu como "guía" da película, falando cos rapaces e rapazas sobre ela e sobre o seu significado.
 
 
 
 

 Alumnos e alumnas de 2º de primaria posando ante o cartel do festival. 

(Premede na imaxe para acceder á galería de fotos)

 

 

A FRONTEIRA INFINDA

O venres 27 de maio os rapaces e rapazas de 5º e 6º de Educación Primaria acudiron á sala de exposicións de Afundación, sita na Praza Maior de Ourense, para visitar a exposición A FRONTEIRA INFINDA. OS ARTISTAS GALEGOS E A EMIGRACIÓN.

Esta exposición acércanos a arte realizada polos creadores galegos fóra de Galicia, en América e Europa, ao longo de boa parte do século XX. A exposición está estruturada en torno a 3 núcleos: a presenza da emigración na obra de Castelao, os artista exiliados en América tras a Guerra Civil e os novos artistas da posguerra que se formaron e traballaron en Madrid.

 

Premede nas imaxes para acceder á galería de fotos. 

E premendo no seguinte enlace ides directamente ao blog de 5º curso de primaria onde podedes ver a valoración que os alumnos e alumnas fixeron desta actividade. 

ANDAINA - blog de aula de 5º de primaria 

SABOREANDO AS LETRAS

O venres, 27 de maio, os alumnos e alumnas de 4º, 5º e 6º de Educación Infantil foron ao Museo Municipal de Ourense para a ver a XXVII EXPOSICIÓN DE ANIMACIÓN Á LECTURA: SABOREANDO AS LETRAS, unha divertida exposición que este ano 2016, ANO INTERNACIONAL DOS LEGUMES, céntrase no mundo dos sabores e dos alimentos saudables. 

"O Pazo das Fabas será o nome imaxinario que reciba o edificio do Museo Municipal durante as sesións lúdico - didácticas da presente campaña de Animación á Lectura do Concello de Ourense.

Catro personaxes (actores) recibirán aos pequenos visitantes para guialos ao longo dunha aventura no interior do Pazo: Dente, Quino, Lavanda e Néboa.

Personaxes que mesturan realidade e ficción e cos que aprenderán xogando, creando e observando no Ministerio dos Legumes e no Ministerio das Nubes." (Sinopse extraída da páxina de Educación do Concello de Ourense).

Os obxectivos principais desta actividade son os de achegar aos nenos e nenas o mundo da lectura dun xeito atractivo e lúdico, fomentando a creatividade e a imaxinación a nivel individual e colectivo. Como este ano a exposición xira ao redor da boa alimentación e os legumes, ademais trátase de familiarizar aos nenos e nenas coa linguaxe dos alimentos, das cociñas e de que valoren a importancia dunha alimentación saudable na que os legumes son unha parte fundamental.

Os pequenos e pequenas de infantil recorreron entusiasmados os dous andares que ocupa a exposición, ocupados por imaxes e decorados especiais.

-A planta baixa do edificio estaba ocupada polo  MINISTERIO DOS LEGUMES, onde había unha mestura de cociña, horta e biblioteca. Alí os nenos/as leron e escoitaron contos, xogaron a clasificar legumes, a cociñar receitas máxicas...

-Na planta alta estaba o MINISTERIO DAS NUBES. Un mundo máxico entre nubes onde vive a GRAN FABA, unha planta leguminosa xigante. Aquí os nenos e nenas aprenderon o importante que son as nubes e a auga para que medren os legumes e a importancia do coidado da natureza. 

 

 

MAMÁ CABRA

O venres 20 de maio os pequenos e pequenas de Educación Infantil acudiron ao Auditorio Municipal para presenciar o espectáculo 15 PRIMAVERAS do grupo MAMÁ CABRA. 

Mamá Cabra é un grupo de música que celebra os seus 15 anos no mundo da música infantil, de aí o título do seu novo espectáculo: 15 PRIMAVERAS.  Nel fan un percorrido pola historia do grupo e das súas mellores cancións: "Un espectáculo diferente cun formato de “Concerto-Teatro” no que se amosará unha nova Mamá Cabra disposta a seguir enchendo de ilusión e ritmo os corpos da xente miúda. Para facer o noso repertorio básamonos en poemas de: Gloria Sánchez, Ana María Fernández, Concha Blanco, Antonio García Teijeiro, etc., aínda que tamén temos cancións propias ou temas que adaptamos do noso folclore". (sinopse extraída da páxina oficial do grupo).

Nas actuacións buscan a participación dos nenos e nenas, propoñendo xogos como: imitar os xestos, facer acompañamentos rítmicos sinxelos, repetir un pequeno retrouso, etc. Os pequenos e pequenas pasárono fenomenal. Era a primeira saída para os nenos e nenas de 4º de infantil e non vexades o que disfrutaron coa actividade!!. 

(Premer na imaxe para acceder á galería de fotos)

ENCONTRO CO AUTOR/A 2016

O pasado martes, 29 de marzo, os alumnos e alumnas de 6º curso de Educación Primaria participaron nunha das actividades máis interesantes e motivadoras para eles: o encontro co autor/a dun libro que acababan de ler nas aulas. Este ano o encontro foi con Érica Esmorís, autora do libro "Nena e o mar" premio Merlín de Literatura Infantil 2015. 

O encontro tivo lugar no salón de actos da Escola de Teatro Municipal. A autora fixo unha presentación de sí mesma, dos rasgos principais da súa vida e contou como se adicou á literatura, cal era o proceso que seguía para escribir os seus libros...tamén lles explicou como nacera e se fora fraguando o libro "Nena e o mar" para despois contestar a todas as preguntas que lle quixeron facer os rapaces e rapazas. Ao final asinou os libros que lle presentaron. 

O día do encontro estaban presentes periodistas e cámaras da Televisión de Galicia que entrevistaron, unha vez rematado o acto, a diferentes alumnos/as para coñecer a súa opinión sobre o libro.Ismael e Antonio, alumnos do noso centro, foron algúns dos entrevistados. Aquí tedes un enlace á páxina web da CRTVG e ao vídeo da entrevista (picade na imaxe):

 

Tamén vos deixamos uns enlaces moi interesantes para que coñezades máis detalles sobre esta a autora e a súa obra:

 

 (Premede en cada imaxe para acceder aos contidos)

 

AURORA

O pasado 16 de febreiro os alumnos e alumnas de 5º e 6º de Educación Infantil acudiron ao Auditorio Municipal para presenciar a obra de teatro AURORA patrocinada por Afundación dentro do seu programa de actividades escolares. 

"Aurora é a historia do encontro dun aviador coa raíña das curuxas, a quen, coma todas as curuxas, lle gusta máis a noite que o día. Cando escurece voa feliz, axita as ás e asubía coma o vento. Mais ao amencer, énchese de tristura. O sol queima a súa plumaxe e cega os seus ollos. O Aviador vai tentalo todo para axudala, mais... será posible vivir nun mundo sen sol?"                                                                   (Sinopse da obra extraída da programación de Afundación).

Esta obra está representada polo grupo teatral ELEFANTEELEGANTE, unha compañía galego-portuguesa que crea espectáculos visuais baseados no xesto e no movemento:

"Esta creación mistura teatro de actor e videocreación co desexo de profundizar a experimentación do Elefante Elegante ó redor das linguaxes visuais. A música conecta a acción no escenario coa acción proxectada en video creando un universo máxico, cómico e misterioso."

 

   
MOMENTOS DA REPRESENTACIÓN 
  
NENOS E NENAS DE 4 E 5 ANOS PREPARADOS PARA PRESENCIAR A FUNCIÓN TEATRAL 

(Preme nas imaxes para acceder á galería de fotos) 

 

COUSAS DE CATRO

Co patrocinio de //Afundación, o  xoves día 11 de febreiro os alumnos de 3º e de 4º de primaria acudiron ao auditorio municipal para presenciar o espectáculo musical Cousas de catro do grupo galego Odaiko Percussion Group.

O grupo traballa desde o ano 2003 –ano da súa formación- a percusión na música tradicional de diferentes pobos.

Realizan actuacións no noso país e por todo o mundo, levan a cabo espéctaculos didácticos -coa idea de espertar nos nenos e rapaces o interese pola música- e tamén realizan cursos de percusión por toda a xeografía española. Se vos interesa ter máis información sobre o grupo, podedes acceder á súa páxina web:

http://odaiko.es/                                       

O grupo toma o seu nome do odaiko (大太鼓), o tambor (taiko) xaponés de  maior tamaño e que se toca con baquetas de madeira (bachi).                                                                                                            

No espectáculo, moi divertido, utilizaron como instrumentos de percusión: o propio corpo, as zocas que levaban nos pés, tarrañolas, barrís e tubos de plástico de diferentes tamaños, unha marimba e algúns xoguetes. En repetidas ocasións os nenos acompañaban os artista facendo percusión co corpo e mesmo bailando. Ao final da actuación  apagáronse as luces e só se vían unhas baquetas que brillaban na escuridade e percutían nuns barrís. Resultou espectacular.

 

ODAIKOS
TARAÑOLAS  MARIMBA
MOMENTOS DA ACTUACIÓN 
ALUMNOS E ALUMNAS DE 3º E 4º PRIMARIA

(Fai clic na imaxe para acceder á galería de fotos)

XORNADA DE PORTAS ABERTAS NO IES 12 DE OUTUBRO

Un ano máis, o IES 12 DE OUTUBRO, centro de Educación Secundaria ao que están adscritos os nosos alumnos/as unha vez rematada a etapa de Educación Primaria, organiza unha xornada de portas abertas dirixida aos rapaces e rapazas de 6º de primaria e ás súas familias para que coñezan as instalacións do instituto e a oferta educativa do mesmo. Esta visita ás instalacións do citado instituto realizarase o próximo mércores, 3 de febreiro ás 11:45 h

É importante que os pais/nais e/ou titores legais acompañen aos seus fillos/as para que o coñezan de primeira man e poidan consultar ou aclarar as dúbidas que teñan sobre a nova etapa educativa que van comezar os seus fillos/as. Para iso poden facer uso do propio autobús no que irán os rapaces e que sairá dende o centro o vindeiro día 3 de febreiro ás 11:30 h.

Picando no enlace poden descargar a ficha adxunta de autorización cos datos da saída:

 

Notificación ás familias/alumnado 6º EP: XORNADA DE PORTAS ABERTAS NO IES 12 DE OUTUBRO 

Powered by Drupal - Design by artinet