Hoxe estamos de noraboa: por fin hoxe confirmouse que a biblioteca escolar do centro foi unha das seleccionadas este curso 2016/2017 para a súa incorporación ao Plan de Mellora de Bibliotecas Escolares de Galicia (PLAMBE).
"O PLAMBE é un programa iniciado en 2005 que está a impulsar a transformación das bibliotecas escolares en centros de recursos de lectura, información e aprendizaxe. Pero máis aló dos recursos, as bibliotecas son un instrumento esencial para a innovación educativa na medida en que propician e lideran a utilización de metodoloxías activas, a integracións das TIC en contextos reais de aprendizaxe e o traballo por proxectos.
As bibliotecas facilitan oportunidades de aprendizaxe en moi distintos ámbitos e son un espazo de encontro entre os diferentes membros da comunidade escolar. O seu funcionamento é esencial para o desenvolvemento do currículo pois apoia a todas as áreas e materias, non só cos recursos informativos que proporciona, senón tamén coas actividades que organiza en beneficio de toda a comunidade escolar. A lectura, entendida en sentido amplo, como alfabetización múltiple, a lectura do século XXI, é a base de todas as actuacións da biblioteca, pero tamén son fundamentais as actividades relacionadas co mundo da información. O alumnado precisa de forma urxente ser formado no uso, tratamento, aproveitamento e produción da información, nos múltiples formatos e soportes nos que hoxe se presenta na sociedade.
O Plan de mellora de bibliotecas escolares facilita recursos, formación e obxectivos comúns a un profesorado interesado en facer da súa biblioteca un espazo de aprendizaxe, en liña coas esixencias da normativa educativa vixente".
(Reseña extraída da páxina web da rede de bibliotecas escolares de Galicia).
Librín, a mascota da nosa biblioteca No seguinte enlace podedes consultar a Orde pola que se resolve a convocatoria do plan de mellora de bibliotecas escolares onde figura o noso centro e a dotación económica concedida (3.000 euros para este curso):
Como xa sabedes no blog da biblioteca escolar podedes consultar todas as actividades que está a realizar o equipo que se encarga dela:
por quendas, intervir cada neno do grupo na elaboración do debuxo. O resultado non estivo nada mal tendo en conta o tempo limitado do que dispuxeron os nenos. 
