Guías de lectura

Comezan a chegar as recomendacións de lectura elaboradas nas bibliotecas escolares galegas. Estas guías de lectura para o Nadal, que pretenden orientar ás familias na adquisición de textos axeitados á idade dos lectores e lectoras, incorporan tamén suxestións para os adultos e son válidas na medida en que están elaboradas desde o coñecemento dos textos que se seleccionan e desde o interese por mellorar a competencia lectora do alumnado. Porque só lendo libros de calidade se aprende a seleccionar os bos libros, distinguíndoos dos textos máis banais ou completamente prescindibles.

Coma en anos anteriores, e contra vento e marea, os profesionais que traballan nas bibliotecas escolares e que, día a día, miran pola formación das nenas e nenos como lectores, prepararon coidadas seleccións de lecturas para o verán que xa se anuncia:

O 12 de maio celébrase o Día das Matemáticas. Desde a Biblioteca do IES Auga la Laxe, achégannos unha interesante selección de títulos relacionados con esta materia.

• Guía de lectura: Matemáticas na Biblioteca (Bach.)
• Guía de lectura: Matemáticas na Biblioteca (ESO)

A páxina da FESPM (Federación Española de Sociedades de Profesores de Matemáticas) inclúe, entre outros recursos, varias actividades específicas para este día, que son todos os do ano; entre elas, unha conferencia sobre a cidade e as matemáticas do profesor Jose María Sorando.

A responsable da biblioteca escolar do IES de Ames informa dunha exposición realizada no centro co gallo da celebración do Día do Libro. Acompaña a esta exposición unha guía de lectura: Libros sobre libros.

Por outra parte, no blogue do IES Fernando Esquío, de Neda, hai acceso a unha interesante exposición sobre a Historia do Libro, que tamén se pode visitar nestes días. Aquí, unhas fotografías da exposición que, con absoluta xenerosidade, a biblioteca oferta en préstamo a outros centros a través do seu blogue.

Noraboa aos equipos de ámbolos dous centros polas súas iniciativas.

A Biblioteca escolar do IES Fernando Esquío, de Neda (A Coruña), en colaboración do Departamento de Orientación do centro, editan unha  guía de lecturas, Especial Guía Familias. Interesante material que recolle títulos destinados ás nais e pais de adolescentes. Inclúen "conceptos básicos para ser pais de adolescentes" e "mensaxes clave" que orientan o labor educativo con mozos e mozas destas idades.

Parabéns por esta iniciativa que vén a exemplificar a apertura da biblioteca  a toda a comunidade educativa, non só co ofrecemento de espazos e recursos, tamén con orientacións e propostas especificamente destinadas ás familias.

Chega decembro e nas bibliotecas escolares continúan a ser fonte na que beber para quen ten gana de ler e sede de coñecemento. Estannos a chegar as novas recomendacións de lectura para este tempo de inverno, guías para unha lectura de calidade. Agradecemos o traballo dos equipos das bibliotecas que poñen as súas estudadas seleccións ao servizo de tod@s, e felicitamos por este traballo que favorece a formación do alumnado como lectores e lectoras e, ao tempo,  facilita a implicación das familias no labor de difusión do hábito da lectura. Velaquí algúns exemplos:

Comezan a chegarnos as guías de lectura elaboradas polos centros para recmendar lecturas de cara ao verán.

• CEIP Quintela de Moaña. Lecturas Infantil-2008
• CEIP Quintela de Moaña. Lecturas Primaria-2008
• CEIP Mestres Goldar. Vigo: Lecturas frescas
• CEIP Os Casais. Fene. Recomendacións para o verán
• CEIP Wenceslao Fernández Flórez. A Coruña: Guía lecturas Infantil
• CEIP Wenceslao Fernández Flórez. A Coruña: Guía lecturas Primaria
• CEIP Milladoiro, de Malpica: Lectura para o verán 2008
• IES Fernando Blanco. Cee: Guía de lecturas-Bacharelato
• IES Fernando Blanco. Cee: guía de lecturas-ESO
• IES Pedra da Aguia, Ponte do Port-Camariñas:Verán 2008

Chegan novas guías de lectura, seleccións de gran interese elaboradas polos equipos das bibliotecas escolares, co fin de orientar as seleccións do alumnado, dar a coñecer novidades e títulos de referencia en relación a unha temática determinada, un xénero ou un autor. Son recursos fundamentais para os mediadores e a súa difusión serve, entre outras cousas, para rendabilizar o traballo de todos e todas e ampliar os efectos do traballo colaborativo. Detrás de cada guía de lectura, de cada selección, hai un traballo previo, de moitas horas de consulta de catálogos e visitas a  librerías e bibliotecas, de lectura e análise, de elaboración... un traballo que cómpre recoñecer e agradecer.

IES Poeta Añón, de Outes (A Coruña):

• Guía de Aventuras
• Guía con Ciencia

IES Pedra da Aguia, de Ponte do Porto (Camariñas):

• Guía de lectura: Día do Libro 2008

Chegan desde os centros diversas guías de lectura, algunhas temáticas, outras de contido máis diverso, destinadas á recomendación de lecturas para estes días de lecer a comezos da primavera.

• IES Río Cabe. Guía de lectura de Música
  • Guía de lectura para as familias
  • Guía de lectura de Arte
  • Guía de lectura de Filosofía
• CEIP A Ramallosa. Recomendacións para Pascua_08
• IES Vilalonga. Guía de banda deseñada_08
• IES Afonso X O Sabio. Guía de cómic - 2008 - ESO
• IES Afonso X O Sabio. Guía de cómic - 2008 - BACH.
• IES Sanxenxo: Kilómetros de lectura. ¡Ponte en forma! (ed. física)
• IES Sanxenxo: Kilómetros de películas. ¡Mantente en forma! (ed. física)

A biblioteca escolar do IES Afonso X O Sabio, de Cambre, en colaboración dos diversos Departamentos do centro, continúa a elaborar interesantes e atractivas guías de lectura, que pon a disposición da comunidade educativa do centro e de todas as bibliotecas escolares, a través da súa páxina: http://biblioafonso.googlepages.com/home

• Guía de lectura: matemáticas
• Guía de lectura: física e química

• IES Armando Cotarelo Valledor, de Vilagarcía. Guía para bacharelato.
• IES Armando Cotarelo Valledor, Guía para 1º C. ESO
• IES Armando Cotarelo Valledor, Guía para 2º C. ESO. Responsable da biblioteca escolar, Cristina González
• IES Fernando Esquío, de Neda. Responsable da biblioteca, Dolores París.
• CEIP Wenceslao Fernández Flórez. Cambre. Responsable da biblioteca, Ana Isabel Pérez.
• CEIP Fermín Bouza Brey, de Ponteareas. Responsable da biblioteca Beatriz González:  
  • Educación Infantil
  • 1º Ciclo de Primaria

A biblioteca do IES Afonso X O Sabio publica a súa primeira guía de lectura do curso 07/08, nesta ocasión sobre novela histórica. Compre imprimila no mesmo folio e descubrir o xeito de pregala, a modo de entretemento.

• Novela histórica - novembro 2007

No blog desta biblioteca pódese acceder ao conxunto das guías de lectura que elaboraron ata o momento. http://biblioafonso.googlepages.com/home

Guía de lecturas para pasar medo... nova achega da biblioteca do IES Río Cabe, de Monforte, neste novembro de 2007.

• Pásao de medo!!

Guías temáticas de lectura: seleccións de títulos e recursos para diversas áreas, achega xenerosa de Mª Luz Paramio dende o IES Río Cabe:

• Guía de lectura de Matemáticas
• Libros que nos vampirizaron
• Porque a terra non é ningún xoguete (Medio ambiente)
• Novela negra
• Día do Libro
• Educamos (Guía para nais e pais)

Coa chegada das vacacións, as bibliotecas escolares están a editar boletíns e guías de lectura con recomendacións para o verán:

Dende o IES Auga da Laxe, Concha e o seu equipo poñen a disposición de tod@s unha relación de títulos "en igualdade":

• Libros de igualdade. Libros en igualdade

Gracia e o seu equipo, dende Silleda, poñen a disposición de todas e todos novas guías de lectura:

• Matemáticas
• Francofonía
• Voz Colmeiro - Guerra Civil
• Voz Colmeiro - Paz
• Voz Colmeiro - Nadal 2006

Tamén están accesibles no seguinte enlace:

http://centros.edu.xunta.es/iespintorcolmeiro/biblioteca/boletin.htm

Selección de libros para o Nadal 2006:

• Risa con letra entra

Dúas seleccións para o mes de abril:

• Lectura e igualdade
• Cine e igualdade

Antonio Martínez e o seu equipo publican novas guías temáticas de lectura:

• Guía para as familias 2007
• Guía de Bioloxía e xeoloxía
• Novidade de banda deseñada 2007

Máis materiais e máis información no blog desta biblioteca escolar: http://biblioafonso.blogspot.com/

Loly Lago e o seu equipo da biblioteca escolar do IES de Fene remítennos unha Guía de Lectura con novidades de Banda Deseñada:

• Guía Banda Deseñada 2007

Día dos namorados 2007: selección de poemas, suxestións de lectura....

• Día dos namorados 2007

Boletíns informativos que incluímos aquí como guías de lectura por incluíren seleccións temáticas de gran interese:

• Educación afectiva-sexual para secundaria (12-16 anos)
• Día Escolar da Non Violencia