A rede de formación permanente do profesorado definiu a calidade como parte fundamental da súa política e da súa estratexia, e adoptou un sistema de xestión baseado na calidade como modelo de referencia para a xestión da Institución. Este sistema de aseguranza da calidade está baseado na Norma UNE-EN ISO 9001:2015.

Máis en concreto, dende a súa creación adoptou a calidade como unha filosofía de actuación que se identifica coas seguintes directrices:

• O traballo ben feito e a mellora continua das nosas actividades, dos servizos que prestamos e dos procesos de traballo.

• A achega de valor ao profesorado, ao persoal do centro, ás escolas de nais e pais escoitando a súa voz e procurando satisfacer as súas expectativas.

• A adopción de metodoloxías de traballo baseadas na cultura da evidencia, a xestión a partir de datos e a disciplina do traballo en equipo.

• A xestión dos procesos orientada á mellora continua mediante a planificación, o desenvolvemento e a revisión e mellora destes.

• A mellora dos resultados definindo os indicadores e obxectivos, e avaliando o seu nivel de logro.

• Requisitos implícitos, explícitos, do usuario, regulamentarios e os propios da nosa organización.

   

Estas directrices despréganse a través dos seguintes procesos e proxectos:

• Mantemento dun sistema da calidade segundo UNE-EN ISO 9001:2015.

• Medición e análise periódica da satisfacción de servizos polos usuarios.

• Revisión do sistema da calidade e actualización periódica de procesos.

• Auditorías internas e externas do sistema da calidade.

   

Así mesmo, despréganse nos Obxectivos de Calidade a través da formulación e o seu cumprimento. Os obxectivos da rede de formación permanente serán computables e medibles a través de indicadores; todos eles constitúen os obxectivos da calidade. O grao de cumprimento será avaliado periodicamente.

O compromiso coa calidade afecta a toda a organización. Todas as persoas da rede de formación aceptan este compromiso e a súa responsabilidade no cumprimento dos requisitos establecidos no Sistema de Xestión da Calidade, así como o de participar activamente na mellora da calidade e da xestión, e no logro dos obxectivos institucionais.

POLÍTICA PEDAGÓXICA

A rede de formación ten en conta as seguintes directrices:

• Detectar e recoller as necesidades de formación nos centros do seu ámbito de actuación, e propoñer iniciativas e accións formativas que satisfagan esas necesidades ou demandas.

• Coordinar e xestionar as actividades formativas que integran os plans anuais de formación do profesorado aprobados pola Dirección Xeral de Educación, Formación Profesional e Innovación Educativa e conseguir un alto grao de satisfacción por parte do alumnado.

• Promover accións formativas nos centros, encamiñadas a impulsar a investigación educativa, preferentemente no campo da innovación e experimentación didácticas.

• Facilitarlles un servizo de documentación, elaboración e difusión de material didáctico e pedagóxico ao profesorado e aos centros de ensino do seu ámbito territorial.

• Realizar actividades de intercambio, debate e difusión de experiencias educativas entre o profesorado.

• Impulsar e apoiar a participación do profesorado en seminarios, grupos de traballo e proxectos de formación en centros ou calquera outra modalidade de formación.

• Contribuír á dinamización social e cultural das zonas educativas de especial dificultade do seu ámbito de influencia.

• Favorecer o coñecemento e utilización efectiva de materiais e recursos técnicos.

• Dar soporte ás Escolas de Nais e Pais.

• Calquera outra que a Administración educativa lle encomende en relación cos obxectivos propios do centro.

• Asegurar a profesionalidade e compromiso das persoas da rede de formación, proporcionándolles o clima adecuado, os recursos precisos e a formación necesaria.

• Desenvolver unha relación baseada no beneficio mutuo co profesorado, para proporcionar un servizo eficaz e eficiente.

• Conseguir o máis alto nivel de desempeño en todos os procesos e especialmente naqueles que teñen relación directa coa satisfacción dos grupos de interese.

• Asegurar o comportamento ético nas relacións con todos os grupos de interese, así como no cumprimento dos requisitos legais e regulamentarios aplicables.

Esta Política de Calidade é o marco de referencia que se utiliza para a fixación e o seguimento dos obxectivos anuais.

Sede Central

Horario de mañá: de 9:00 a 14:00 horas
Horario de tarde: de 16:00 a 20:00 horas, excepto os venres.
Durante o período non lectivo dos centros educativos (Nadal, Entroido, Semana Santa, Xullo) o horario será de 9,30 a 14 horas.

Centro colaborador de Vimianzo

Horario de mañá: de 9 a 14 horas
Horario de tarde: de 16 a 20 horas, excepto os venres.
Durante o período non lectivo dos centros educativos a atención ó público faráse na Sede da Coruña.

• O prazo de preinscrición finaliza o 26 de setembro de 2022, inclusive.

• O prazo de presentación de solicitudes comeza o 1 de xuño e remata o 14 de outubro de 2022, inclusive. Ampliado o prazo de presentación ata o 23 de outubro

Que son?

Destinatarios

Estas liñas de traballo estarán asociadas ao desenvolvemento de, como mínimo, as seguintes competencias e subcompetencias:

1. Os PFPP estarán integrados por unha o máis liñas de traballo. Como principio xeral, potenciaranse a actualización e mellora das competencias profesionais docentes asociadas a cada liña.

2. Cada liña desenvolverase a través dun ou máis itinerarios formativos, dependendo dos diferentes niveis de competencia profesional que se pretenda acadar ou doutras circunstancias que así o xustifiquen.

3. Cada itinerario formativo constará de varias actividades formativas (curso, grupo de traballo, seminario), tendo en conta que en caso de que haxa algún curso, deberá estar vinculado a un grupo de traballo ou seminario. No caso excepcional de contar cunha soa actividade esta ten que ser grupo de traballo ou seminario.

4. As actividades de cada itinerario formativo estarán secuenciadas para que, partindo da situación inicial determinada polo centro, sexa posible alcanzar os obxectivos finais previstos.

As citadas actividades deberán estar integradas nun proceso que inclúa a análise e elaboración de propostas didácticas, así como a súa aplicación á aula ou ao centro, e a reflexión e avaliación dos resultados.

5. Os PFPP presentados terán unha planificación mínima de dous cursos escolares e máxima de catro.

6. Os centros que desenvolvan un PFPP contarán cunha escola de nais e pais a demanda das familias, canalizada a través do director/a do centro educativo, no momento en que estas o consideren oportuno.

Requisitos dos plans

1. Os PFPP deberán ser presentados ao claustro e ao consello escolar, e incluiranse na

programación xeral anual do centro.

2. Con carácter xeral, contarán cunha porcentaxe de participación representativa do claustro do centro en función do seu número e da participación dos distintos niveis, de ser o caso, salvo cando

a relevancia formativa do proxecto presentado ou a participación nun programa institucional xustifique que non se cumpra este requisito.

3. Cada centro poderá participar nun único PFPP.

4. Varios centros con necesidades comúns e proximidade xeográfica poderán participar presentando un mesmo PFPP conxunto. Neste caso, un dos centros actuará como representante e centro de referencia para efectos administrativos, e rexerán os mesmos requisitos que para os plans únicos de centro en canto á aprobación, e o PFPP executarase como unidade de acción.

5. Todo o profesorado que preste servizos nun centro seleccionado nesta convocatoria poderá participar no seu PFPP. Cada participante integrarase, como mínimo, nunha das liñas de traballo seleccionadas e, polo menos, nunha das súas actividades formativas. No caso de integrarse nunha única actividade, esta deberá ser un grupo de traballo ou un seminario, salvo no caso de itinerarios correspondentes a programas educativos que especificamente se indique na súa convocatoria.

6. Independentemente da liña ou liñas de traballo escollidas e das actividades que configuren cada itinerario formativo, todos os PFPP terán a súa disposición un módulo de formación específica en inclusión, convivencia e igualdade, que deberán realizar todas as persoas docentes que non acrediten a súa superación previa, para o cal contarán co apoio, asesoramento e acompañamento das persoas asesoras da rede de formación permanente do profesorado.

7.Un centro que desenvolva un PFPP, con carácter xeral, só poderá ser centro sede dun grupo de traballo ou seminario se nestas actividades participa profesorado doutros centros.

8. No caso de que un centro desenvolva un programa institucional, a participación do centro en PFPP será voluntaria, segundo as necesidades formativas de cada comunidade docente.

Proceso de elaboración e contido dos plans

1. Os centros interesados en participar nesta convocatoria contarán co asesoramento do Centro Autonómico de Formación e Innovación (en diante, CAFI) e dos centros de formación e recursos (en diante, CFR) aos que estean adscritos, co obxecto de elaborar o informe de detección de necesidades formativas, así como deseñar e redactar o PFPP.

2. O proceso de elaboración do PFPP constará dos seguintes pasos:
– Detección da área de mellora en relación coas liñas de traballo do apartado 4.
– Concreción das necesidades formativas en relación coa liña ou liñas seleccionadas.

–Elaboración do/s itinerario/s formativo/s para dar resposta ás necesidades detectadas. Estes incluirán a determinación das diversas actividades formativas (curso, seminario, grupo de traballo) xunto coas accións de aplicación á aula ou ao centro, a reflexión e a avaliación.

3. Os centros cumprimentarán na pestana correspondente da aplicación Fprofe os seguintes aspectos:

a) Membros do equipo de formación do centro.
b) Xustificación das necesidades formativas detectadas. c) Obxectivos xerais que se pretenden acadar co plan. d) Liñas de traballo propostas.

e) Itinerarios formativos do PFPP especificando para o primeiro ano:

Obxectivos específicos.

Actividades formativas: obxectivos, contidos e temporalización.

f) Relación detallada de materiais que se pretenden elaborar e documentos que se van entregar.

g) Relación de participantes no plan.

h) Aplicación na aula ou no centro.

i) Criterios e indicadores de logro referentes á aplicación e o impacto na aula ou no centro.

j) Medidas organizativas internas do centro previstas para o desenvolvemento do plan.

k) Seguimento e avaliación do plan

Máis información

Sobre este procedemento administrativo poderase obter información a través dos seguintes medios:

a) As seguintes páxinas web:

- Consellería: www.edu.xunta.gal

- CAFI: www.edu.xunta.es/portal/cafi

- CFR:

A Coruña: www.edu.xunta.es/portal/cfrcoruna

Ferrol: www.edu.xunta.es/portal/cfrferrol

Lugo: www.edu.xunta.es/portal/cfrlugo

Ourense: www.edu.xunta.es/portal/cfrourense

Pontevedra: www.edu.xunta.es/portal/cfrpontevedra

Vigo: www.edu.xunta.es/portal/cfrvigo

b) Os seguintes teléfonos:

CAFI: 981522411

CFR: A Coruña 981274221; Ferrol 981370541; Lugo 982251068; Ourense 988241533; Pontevedra 986872888; Vigo 986202370

Dirección Xeral de Centros  Recursos Humanos:

981 54 65 58  

981 54 65 59

c) Os seguintes enderezos electrónicos:

CAFI: cafi@edu.xunta.gal

CFR:

A Coruña: cfr.coruna@edu.xunta.gal

Ferrol: cfr.ferrol@edu.xunta.gal

Lugo: cfr.lugo@edu.xunta.gal

Ourense: cfr.ourense@edu.xunta.gal

Pontevedra: cfr.pontevedra@edu.xunta.gal

Vigo: cfr.vigo@edu.xunta.gal