Iniciar sesión: Acceso

Visitamos Compostela da man de García Lorca. Continuamos camiño no Museo Valle Inclán

A chuvia non evitou que o pasado martes 31 de outubro o alumnado de 2º Bacharelato, da man do Departamento de Lingua Castelá, realizase un roteiro sobre Federico García Lorca polas rúas de Santiago de Compostela. A xornada rematou no Museo de Valle Inclán da Pobra do Caramiñal. Tanto para o alumnado como para as nais que participan no Club de lectura de familias resultou unha xornada moi interesante.

"Coñece as túas institucións". Visitamos o Parlamento Galego e a Xunta de Galicia

O pasado martes 31 de outubro, o alumnado de 3º ESO tivo a oportunidade de visitar o Parlamento galego e a Xunta de Galicia grazas ao programa "Coñece as túas institucións" e á iniciativa do Departamento de Xeografía e Historia. Ben se ve que foi unha visita moi interesante!

Creamos conciencia medioambiental

O noso alumnado da ESO participou ao longo desta última semana de outubro nunha actividade de concienciación ambiental levada a cabo por parte do persoal de voluntariado do Concello. Nesta explicouse a importancia do coidado dos nosos ríos, apoiándose nunha escultura con forma de váter feita con toalliñas recollidas este verán no río Tea.

Contos de terror nas Ondas do Tea

Arrincamos unha colección de lecturas de relatos de terror dos grandes autores e autoras da literatura universal.

Agardamos que vos axuden a pasar unha terrorífica velada nestes días de Defuntos!

 

  

 

Our colleagues from Wales are already here!

Xa están aquí os nosos compañeiros e compañeiras de Gales!

Onte, 23 de outubro, recibimos o grupo de alumnas e alumnos do Ysgol Cwm Brombil (Port Talbot) no noso centro. Ao longo desta semana compartirán co noso alumnado do PDC diferentes visitas e actividades didácticas coas que esperamos aprendan tanto sobre a nosa cultura e a nosa lingua como nós sobre a súa!

Agárdanos unha semana multicultural realmente interesante!

Gales e Galicia estreitan lazos en Ponteareas

No mes de outubro, chegan os concursos do EDLG!

Chega o outono, e con el os concursos do EDLG! Animádevos a participar! 

"Toca cociñar!"

Convidámosvos a participar na III edición do noso concurso de doces. Debedes respectar as bases do concurso que indicamos a continuación:

Elabora un doce e decórao para que sexa máis vistoso. A temática é o Samaín.

- Copia nun papel a receita deixando ben claro cales son os ingredientes que empregaches. Por suposto, debes escribir en galego.

- Pensa nun seudónimo que che guste e anótao no mesmo papel onde escribiches a receita. O teu nome real só debe coñecelo a persoa que recolla os doces.

- O día de entrega será o venres 3 de novembro antes do 1º recreoTerás que deixalo no lugar que se habilitará para iso. (podes preguntar en conserxería antes de entrar a 1ª hora).

- Durante o 1º e segundo recreo o xurado seleccionará os doces gañadores que recibirán premios.

Outono-Tea

Buscamos grandes fotógrafas/os!

- Fai unha foto que reflexe a beleza desta estación: o outono (non ten por que ser unha paisaxe, pode ser un obxecto, un detalle relacionado con esta estación… o que ti queiras)

- Pensa nalgunha frase, versos, ideas que che inspire esa foto que fixeches.

- Crea un documento no que achegues esas dúas cousas e envíao antes do venres 8 de novembro ao seguinte correo:

normalizacionvaldotea@gmail.com

- Recorda que debes empregar o galego.

 

Coñecemos de preto o servizo do 112

O pasado 25 de setembro o alumnado de 1º ESO tivo a oportunidade de achegarse ata o Centro Integrado de Atención ás Emerxencias da Estrada, para coñecer de primeira man o funcionamento do servizo 112. 

SORTEO BANCO DE LIBROS E PREVISIÓNS COMPRAS LIBROS E LICENCIAS PARA O CURSO 2023/24

Compartimos nos documentos adxuntos información sobre:

  • Sorteo público dos libros de texto para o presente curso. Venres 22 de setembro ás 20:30 no salón de actos do centro.
  • A previsión de compra de libros para o presente curso.

CURSOS OFICIAIS DE CAPACITACIÓN DIXITAL

Convocados cursos de Capacitación Dixital para a Cidadanía, dirixidos a PERSOAS ADULTAS (traballadoras, desempregadas, ...) que queiran mellorar as súas HABILIDADES DIXITAIS e adquirir destreza no manexo das novas tecnoloxías e Internet orientadas .

Son cursos GRATUITOS, con CERTIFICACIÓN OFICIAL DE CAPACITACIÓN DIXITAL DE NIVEL 2 DO CATÁLOGO NACIONAL (IFC748_2).

Quendas de mañá ou tarde durante os meses de setembro, outubro e novembro.

Poderás realizar a inscrición dos seguintes xeitos:

  • Chamando ao 886 110 513. Persoa de contacto: Miguel.
  • Por e-mail: ies.val.do.tea@edu.xunta.gal
  • Presencialmente no IES VAL DO TEA (Rúa Feliciano Barrera, 15 - 36860)

Entre os contidos a traballar atópanse os seguintes:

  • Administración electrónica: solicitude de citas médicas, obtención de certificados, emprego de apps,...
  • Empregar sistemas de identificación: Chave 365, Clave Pin, Certificado dixital, ...
  • Economía circular, nova revolución industrial, internet das cousas, oportunidades laborais, etc.
  • Uso seguro da banca electrónica e Bizum.
  • Compartir e comunicarte a través das redes sosicais: Whatsapp, Instagram, ...
  • Comunicarte cos teus amigos e familiares con videoconferencia, correo electrónico,...
  • Atopar en Internet a información que buscas con máis exactitude.
  • Compartir e almacenar información na nube
  • Autenticación de doble factor
  • Emprego de aplicación informáticas orientadas ao ámbito laboral

Distribuir contido

Eventos

« Maio 2024 »
LunMarMérXovVenSábDom
12345
6789101112
13141516171819
20212223242526
2728293031

Calendario de exames de Bacharelato

Equipo de Dinamización da Lingua Galega

Equipo de Convivencia e Mediación

Contratos-Programa

CIUG