IES Val do Tea   

O venres 19 de xaneiro, o alumnado de Francés de 3º ESO, 4º ESO, 1º e 2º Bach. asistiu a representación de “Emilia arrive à Paris” na Sala Salesianos de Vigo onde Transeduca organiza obras de teatro adaptadas en francés e protagonizadas por actrices e actores nativas/os.

Nun contexto no que os medios audiovisuais son os máis consumidos polos adolescentes, a compañía trouxo, nesta ocasión, unha historia da pequena pantalla cunha xove española que debe trasladarse a París por traballo. Alí, coñecerá xente nova e descubrirá novos costumes.

Como xa tivera un contacto coa trama e cos personaxes da obra, ou ben porque xa mirara a serie “Emily in Paris” ou polas actividades realizadas anteriormente na aula, o alumnado puido entender as diferentes escenas sen maior dificultade.

Ao rematar a representación, as actrices e actores deron a palabra ao alumnado e profesorado asistente que lles fixeron moitas preguntas sobre a montaxe da obra e as súas traxectorias persoais e profesionais.

E como non, despois de saciar a curiosidade cultural, tocáballe a quenda ao apetito.

Á falta de “cuisine française”, comida “internacional”. Un día é un día! Une fois de temps en temps, ça ne fait pas de mal!

O alumnado de 1º Bacharelato de Artes, Ciencias Sociais e Humanidades participou este mércores nunha charla sobre "A xestión cultural: un sector profesional emerxente e unha oportunidade de empregabilidade" da man de Gonzalo Francisco Fernández Suárez, Decano da Facultade de Humanidades da USC. Esta charla forma parte do programa A Ponte, da USC.

O alumnado recibiu información que moi posiblemente lle resulte de interese para o seu futuro universitario, cada vez máis próximo!

O pasado martes, o Club de lectura junior do noso insti tivo unha quedada cos clubs de lectura de 5º e 6º do CEIP Fermín Bouza Brey e do CEIP Ramiro Sabel!
Primeiro xantaron xuntos/as todos/as os lectores e lectoras e despois viron a película "O fogar de Miss Peregrine para nenos peculiares".
Tralo visionado da peli, unha encomenda: traballar a plástica da película nos seus coles.
Asemade quedaron en plasmar (nun papel corrido, grande coma as súas lecturas) as impresións da peli e máis do libros de Ledicia Costas que están a ler nos diferentes Clubs de lectura: A señorita Bubble (nos coles) e A balada dos unicornios (no insti).

Quedamos emprazados/as para outro xantar no que haberá intercambio de sentires e pareceres lectores.
E se viñese un unicornio?

PUBLÍCANSE EN DOCUMENTO ADXUNTO AS CUALIFICACIÓNS DEFINITIVAS DA PROBA EXTRAORDINARIA ESPECÍFICA DE ACCESO ÁS ENSINANZAS DEPORTIVAS DE CICLO FINAL DE GRAO MEDIO DAS ENSINANZAS CONDUCENTES Á OBTENCIÓN DO TÍTULO DE TÉCNICO DEPORTIVO NAS DISCIPLINAS HÍPICAS DE SALTO, DOMA E CONCURSO COMPLETO

Este martes, o alumnado de 3º ESO achegouse ao Teatro Salesianos (Vigo) para asistir á representación de Entrepasos y zancadas. Unha interesante obra da que de seguro dará moito que falar nas vindeiras clases de Lingua e literatura castelá!

“Las piezas breves han ido tomando cada vez más vigencia en el repertorio, y han alcanzado la consideración de unidad para formar espectáculos enteros.

Partimos de tres piezas fundamentales: La Tierra de Jauja, de Lope de Rueda, así como Las Aceitunas, del mismo autor, y El Viejo Celoso, de Miguel de Cervantes, para tratar los temas populares comunes en la época: la supervivencia, lo justo, la picaresca, los celos, la honra, las mujeres-bastón, las dobles puertas en las casas, etc.

Un espectáculo hilarante a través de situaciones que nos facilitarán el debate con los estudiantes, y el reconocimiento de los modelos a través de la historia hasta nuestros días.”

Esta mañá, grazas ás xornadas de teatro organizadas pola FANPO, o alumnado de 4º ESO e 1º Bacharelato tivo a oportunidade de asistir á nova representación de Cándido Pazó que leva por título Apaga o candil. Unha obra que fala do Xestal, un dos humoristas galegos máis populares dos anos 60 e 70, cunha historia persoal entre o éxito e a amargura.

Unha obra moi interesante e que desde aquí vos recomendamos a todos e todas! 

Esta semana, o Equipo Directivo achegouse aos nosos centros adscritos de Primaria, o CEIP Fermín Bouza Brey e o CEIP Antonio Blanco Rodríguez de Covelo, para convidar o alumnado de último curso a asistir a unha xornada de acollida que terá lugar proximamente no noso centro. Foi un pracer compartir estas mañás co noso futuro alumnado!

Saboreamos onte o ceo coa voz e os contos da nosa alumna Boutaina (que leu para nós en árabe), con pasteis ricos (tamén árabes), coa amorosa presencia das persoas que se achegaron a esta sesión do club de lectura de familias na que lemos Saboreando el cielo, de Ibtisam Barakat.

Chegamos a Palestina, o lugar da resistencia. Deteñamos o xenicidio con doces, con libros, con encontros, con mamás lectoras! Grazas, mamás por virdes sempre, polos doces e os marcapáxinas que nos ganchillastes.