Unha cuestión que debemos plantexarnos antes de buscar traballo é a realización dun Proxecto Profesional, pero que é un proxecto profesional? para que serve?
O proxecto profesional é un documento no que identificaremos cales son os obxectivos profesionais e persoais. A finalidade do mesmo é avaliar a túa formación, experiencia, e identificar as túas cualidades e capacidades para valorar se cumpres os requisitos que o mercado laboral está demandando. Isto permitirache coñecerte a ti mesmo e coñecer o teu perfil laboral, da mesma maneira que te orientará na busca de emprego.
Podemos dividir o proxecto profesional nas seguintes partes:
CAL É O MEU PERFIL PROFESIONAL. Titulacións, experiencia profesional, coñecementos de idiomas e informática, carnés profesionais, aspectos da miña personalidade...
ANÁLISE DO MERCADO DE TRABALLO. Que hai? Indagar no mercado de traballo para valorar ofertas de traballo e requirimentos das ofertas.
Unha vez realizado debemos comparar se o meu perfil actual se axusta ao que o mercado laboral está demandando e que tipo de melloras podo levar a cabo para que me axuden a atopar traballo.
| REQUISITOS | Cumpro requisitos? Axústase a oferta as miñas expectativas? | Propostas para mellorar. |
| Titulación | ||
| Idiomas | ||
| Informática | ||
| Experiencia laboral | ||
| Actitudes persoais | ||
| Outros requisitos: mobilidade, carnés… |
Que obxectivo profesional me propoño? Unha vez que coñecemos o que piden, o que podemos ofrecer e en que podemos mellorar, temos que definir o tipo de postos aos que imos optar e as condicións laboais que estamos dispostas/os a aceptar.
