POTENCIA A REDE DE CONTACTOS: (NETWORKING)
Segundo diversos estudos, máis do 50% das ofertas de emprego non se publican, divúlganse a través de coñecidos, traballadores/as da propia empresa, responsables de bolsas de emprego próximas…, polo tanto só poderemos ter coñecemento das mesmas a través da nosa rede de contactos.
Consellos para mellorar a túa rede de contactos
Emprega as redes sociais máis adecuadas segundo o teu perfil profesional como medio para achegarte a profesionais do teu sector.
O alumnado dos Ciclos da Familia de Informática pode empregar Linkedin, Twitter, ou mesmo Facebook ou BeBee para empresas máis pequenas.
A elección para o alumnado dos Ciclos de Imaxe Persoal vai depender moito do tamaño da empresa, algúns profesionais de empresas grandes poden estar presentes en Linkedin, pero en sectores de beleza e moda poden ser efectivas Facebook, Instagram ou Pinterest.
Lembra que nas redes sociais, para darte a coñecer, é importante compartir contido creativo, interesante, que inspire, axude, achegue valor, e polo que mereza a pena seguirte.
Ademais das redes sociais poder serche de utilizade compartir o que sabes facer a través de vídeos en youtube ou mediante un blog.
Formar parte de comunidades de desenvolvedores, Meetup (plataformas online para organizar comunidades de persoas arredor de intereses comúns) etc…
Acode a eventos e actos relacionados co teu sector: conferencias, feiras, desfiles, obradoiros… eventos moda, encontros (por exemplo Betabeers é unha comunidade de desenvolvedores que organiza encontros para compartir coñecementos sobre tecnoloxía)