Enviado por admin o Mar, 18/06/2019 - 20:23
Xa, xa... que disto xa pasaron meses mais non podemos quedar calados! Sobre todo despois do ben que quedou todo.
O pasado 27 de febreiro celebrouse o famoso campionato de montaxe de ordenadores organizado polo departamento de informática. Despois de varios anos de ausencia chegou con todo o seu esplendor. Houbo emoción e nervios e ledicia para o gañador.
Esta edición do concurso estivo dividida en dúas quendas. Na quenda da mañá participaron un representante de cada ciclo de informática da quenda de ordinario. Na quenda da tarde, participou tamén un representante de cada ciclo, pero esta vez da quenda de adultos.
Ao final houbo unha gran final entre o gañador do concurso da mañá, Miguel Ángel Silva de 1º DAW e o gañador do concurso da tarde, Álvaro Pazos de 1º de DAM.
Nunha interesante final, o gañador foi Miguel Ángel Silva.
Ademais, durante todo o concurso houbo sorteos para o alumnado que estaba presenciando o concurso.
Parabéns a todos os participantes, asistentes e profesorado colaborador.
Podedes ver a continuación o vídeo resumo do concurso e tamén a galería de fotos.
Esta páxina usa Lightbox2 por Lokesh Dhakar dispoñible en https://lokeshdhakar.com/projects/lightbox2/ baixo The MIT License