Excursión de Intelixencia Artificial

O mércores día 18 de xaneiro O alumnado do Curso de Especialización en Intelixencia Artificial e Big Data, así como o de 2º de Despregamento de Aplicacións Web e Multiplataforma da quenda de ordinario viaxaron a Santiago de Compostela e á Coruña para realizar actividades relacionadas coa Intelixencia Artificial.

En Santiago vistiamos o CESGA (Centro de Supercomputación de Galicia) no que nos explicaron como funcionaba o CESGA e a súa importancia nivel estatal, nos ensinaron o seu Centro de Procesado de Datos, onde se atopa o supercomputador Finisterrae III e nos falaron dos proxectos de Intelixencia Artificial que estabn levando a cabo, así como da incorporación a medio prazo dun ordenador cuántico no centro, feito polo cal o noso alumnado sentiu moita curiosidade e realizou bastantes preguntas.

Pola tarde achegámonos á Coruña, alí aproveitamos para achegarnos á futura sede da AESIA (Agencia Estatal de supervisión de la Inteligencia Artificial) para sacar algunha foto de grupo e visitamos a exposición "AI: More than human", na que puidemos saber máis sobre a historia e actualidade da Intelixencia Artificial e interactuar directamente con varios proxectos desta área, como unha aplicación que xeraba arte a partir da situación de obxectos, outra que creaba pequenos poemas a partir dunha palabra en inglés, outra que modificaba as formas que amosaba en base aos movementos das persoas e ata un canciño robótico, con xestos e expresións tan reais, que o alumnado pensou que sería unha boa mascota para o noso instituto.

Ademais, nesta excursión acompañáronnos dous docentes da Universidade Luarasi (Tirana, Albania) e 3 alumnos/as da Universidade de Gjirokastra (Gjirokastra, Albania), que se atopaban na nosa cidade realizando estancias dentro proxecto Erasmus+ KA-107 do que o IES de Teis é líder do consorcio.