Feira EnlazaVigo 2023

O pasado 24 de novembro o noso alumnado de 2º de FPB (2ºFPB-IO e 2º FPB-PE) e os ciclos medios de 1º e 2º EB, 1º e 2º PCC e 1º SMR asistiron á feira educativa do EnlazaVigo 2023 no vestíbulo do Mar de Vigo, con participación en actividades lúdicas, creativas, informativas e dinámicas participativas. Este evento tivo lugar Con motivo da conmemoración do Día Internacional contra a Violencia de Xénero, o 25 de novembro de cada ano, a Concellería de Igualdade do Concello de Vigo e mailo Consello Municipal da Muller poñen en marcha un conxunto de accións dirixidas a sensibilizar a sociedade sobre a violencia que se exerce contra as mulleres. Desde o convencemento de que é a mellor estratexia contra a violencia de xénero, traballando no eido da prevención é a concienciación, principalmente coa xente moza, para conseguir que as novas xeracións se impliquen activamente para construír unha sociedade máis xusta e igualitaria para todas e todos. Este ano a feira educativa consistía en participar en actividades lúdicas, o visionado de varios vídeos, a visita aos diferentes espazos expositivos (incluido o do noso instituto) e unha formación sobre micro machismos e a escalada da violencia de xénero.
Podedes ver algunhas das fotos do acto, da feira e do profesorado acompañante.