Onte, xoves 23 de novembro de 2018, Miguel Areán (@zenjaone) estivo impartindo unha charla denominada "Móviles como sistemas de inteligencia de negocios" no salón de actos do noso centro.
A charla impartiuse nas dúas quendas e estaba dirixida ao alumnado de ciclos de informática aínda que tamén se animaron outros alumnos e alumnas doutras especialidades.
Na charla explicou como se utilizan os datos de usuarios para incrementar os beneficios utilizando técnicas de Big Data e Data Minning. Fixo unha pequena demostración con algunha ferramenta onde se podía ver como en menos de 3 minutos obtiña datos de interese para empresas de usuarios da rede social Twitter.
A continuación a charla dirixiuxe cara ao poder que teñen os móbiles para proporcionar datos relevantes de usuarios que logo son vendidos ás empresas para facer campañas publicitarias específicas e dirixidas.
Nun ton distendido, Miguel Areán contaxiou da súa enerxías ao alumnado que participou facendo numerosas preguntas.
Dende o centro agradecemos a Miguel a súa colaboración na actividade.
Deixámosvos unhas fotos do acto.
Galería de imaxes do evento
Esta páxina usa Lightbox2 por Lokesh Dhakar dispoñible en http://lokeshdhakar.com/projects/lightbox2/ baixo The MIT License
