O pasado mércores 31 de outubro, o alumnado da materia "Obradoiro de Habilidades Comunicativas" asistiu a un "Obradoiro de Debate" impartido por Manuel Antón Mosteiro García, profesor do colexio SEK Atlántico con grande experiencia na formación do alumnado nas técnicas da oratoria e en diferentes modalidades de debate. Ao longo de dúas sesións, o noso convidado introduciu os rapaces e rapazas de 1º de Bacharelato neste tipo de discurso formal oral, dende a importancia da procura e o tratamento da información a elaboración dos argumentos pasando polas estratexias e a estrutura do debate, en concreto do Parlamento Xove, certame no que pensamos participar neste curso.
