Información Concursos

A Fundación Máshumano convoca a XV edición do Premio Novos Máshumano, unha iniciativa que pretende fomentar e apoiar o talento socialmente responsable nas persoas mozas.

O Consello Superior de Investigacións Científicas (CSIC) convoca a décima edición do certame de relatos "Inspiraciencia", co obxectivo de convidar á cidadanía para pensar e imaxinar a ciencia desde a ficción literaria.

O premio literario Nortear, Novos Escritores Norte de Portugal - Galicia é unha iniciativa conxunta da Direção Regional de Cultura do Norte (Portugal), da Consellería de Cultura e Turismo da Xunta de Galicia e da Agrupación Europea de Cooperación Territorial Galicia - Norte de Portugal.

O IES San Clemente organiza o X Concurso Europeo de Marcapáxinas Ricardo Carvalho Calero

Poderá participar o alumnado de todos os centros europeos por medio do proxecto eTwinning Letras Galegas 2020 – Ricardo Carvalho Calero.

Os Estudios Mans da coruñesa Fundación Paideia manteñen aberta a convocatoria do seu certame de bandas emerxentes Sonidos Mans polo cal bandas que están a comezar poden actuar en festivais recoñecidos e gravar un tema e un vídeo de xeito profesional.

Os premios Youtubeir@s teñen como finalidade animar a creación de vídeos con temáticas e formatos diversos e sumar visibilidade á produción en galego e á comunidade youtubeira.

Poden optar a estes premios todas as persoas maiores de 14 anos con vídeos autoproducidos subidos a Youtube. Pódese participar cun vídeo, con varios vídeos e/ou cunha canle.

A Dirección Xeral de Xuventude, Participación e Voluntariado da Xunta de Galicia convoca o concurso “Crea na casa” que se desenvolverá a través da rede social Instagram.

Destinatarias/os:  persoas residentes en Galicia con idades comprendidas entre os 16 e 30 anos e seguidores de @Xuventudegalicia

Datas de realización:  do 13 ao 27 de abril de 2020